ئەسەد کوڕی ھاشم

ئەسەد کوڕی ھاشم (بە عەرەبی: أسد بن ھاشم) ئەسەد کوڕی ھاشم کوڕی عەبدولمەنناف و برای عەبدولموتەڵیب بوو. ئەو باوکی فاتمەی کچی ئەسەدە، کە دەبێت بە دایکی عەلی ھەروەھا ئامۆزا و ژنی ئەبووتاڵیب بوو. ئەسەد کەسێکی زۆر بەڕێز بوو لە نێو ھۆزی قوڕەیش. بازرگان بووە، ھاوکاریی ھەژارانی دەکرد. ناوەکەی بەمانای شێری ئازا دێت. نەوەکانی بەزۆری پاشناوێکییان بەکار دەھێنا، وەک «قوڕەیشی»، «ھاشمی» یان «ئەلھاشمی»، «ئەلئەسدی»، لەکاتێکدا ھەندێک لە نەوەکانی خۆیان لە بەکارھێنانی ھەر پاشناوێک بەدوور دەگرت.

ئەسەد کوڕی ھاشم أسد بن ھاشم
ئەسەد کوڕی ھاشم
لەدایکبوون	لەنێوان ٤٨٥ – ٤٩٧ مەککە
مەرگ	نەزانراو مەککە
شوێنی گۆڕ	جەنات موعەللا
نەتەوە	عەرەب
پیشە	بازرگان
ناسراوە بە	باوکی فاتمە
مناڵ(ەکان)	حەنین کوڕی ئەسەد عیمران کوڕی ئەسەد خەلدون کچی ئەسەد فاتمە کچی ئەسەد
باوان(ەکان)	ھاشم کوڕی عەبدولمەنناف کوڕی قوسەی (باوک) قەیلەی کچی عامر کوڕی مالیک موستەڵقی خوزاعی (دایک)
خزمەکان	عەبدولموتەڵیب کوڕی ھاشم (برا)

نەژاد

ئەسەد کوڕی ھاشم کوڕی عەبدولمەننافی کوڕی قوسەیی کوڕی کیلابی کوڕی مڕەی کوڕی کەعبی کوڕی لوئەیی کوڕی غالیبی کوڕی فەھری کوڕی مالیکی کوڕی نەزڕی کوڕی کینانەی کوڕی خەزیمەی کوڕی مدرکەی کوڕی ئلیاسی کوڕی مزڕی کوڕی نزاری کوڕی موعدی کوڕی عەدنان.

لەدایکبوون

مێژوونووسان دڵنیا نین دەربارەی ڕێکەوتی تەواوی لەدایکبوونییەوە، بەڵام بەپێی ھەندێک لە سەرچاوەکان دەڵێن لە ساڵی ٤٨٥ی ز یان ٤٩٧ی ز لە مەککە لەدایکبووە.

ئایین

بەپێی سەرچاوەکان لە ئایینێکی ئیبراھیم بووە، وەک ئەوەی زۆربەی عەرەبەکان لە ئاینی ئیبراھیم بوون، ھۆزی قوڕەیش و مامەکانی دیکەشی ئەسەد پێش لەدایکبوونی پێغەمبەری ئیسلام محەممەد کۆچی دواییان کردووە.

مەرگ

پێش لەدایکبوونی محەممەد کۆچی دوایی کرد، لە گۆڕستانی جەنات موعەللا، کە پێشتر بە حاجون ناسراوە، لە مەککە لەگەڵ ئەندامانی دیکەی خێزانەکەی نێژران.

سەرچاوەکان

بەشداربووانی ویکیپیدیا، «أسد بن هاشم»، ویکیپیدیای عەرەبی. سەردان لە ٢٧ی تشرینی دووەمی ٢٠٢٠.