ئێدینسۆن کاڤانی
ئیدینسۆن کاڤانی (گۆکردن بە ئیسپانی: [ˈeðinsoŋ kaˈβani] ; لەدایکبووی ١٤ی شوباتی ١٩٨٧) یاریزانێکی پیشەگەری تۆپی پێی ئوروگوایییە و وەک ھێرشبەر یاری دەکات.[١][٢] نازناوی ئێل ماتادۆر ("بکوژ")یان کازادۆر ("ڕاوچی")ی لێنراوە.[٣] کاڤانی بە یەکێک لە باشترین ھێرشبەرەکانی نەوەی خۆی دادەنرێت و یەکێکە لە گەورەترین یاریزانەکانی ئوروگوای تا ئێستا. کاڤانی سەرەتای یاریکردنی بۆ یانەی دانوبیۆ لە یانەی مۆنتیڤیدیۆ دەستیپێکرد و بۆ ماوەی دوو ساڵ لەوێ یاریی کرد، دواتر لە ساڵی ٢٠٠٧دا ڕوو لە یانەی پالێرمۆی ئیتاڵی بکات. لە ساڵی ٢٠١٠ کاڤانی گرێبەستی لەگەڵ یانەی تۆپی پێی ناپۆلی بە خواستن لەگەڵدا واژوو کرد پێش ئەوەی بە کۆی گشتی ١٧ ملیۆن یۆرۆ بیکڕێت. لە ساڵی ٢٠١٢ دا نازناوی جامی ئیتاڵیای بەدەستھێنا و خۆی وەک باشترین ھێرشبەر لە خولی ئیتاڵیا جێگیر کرد.[٤] لە ناوەڕاستی ساڵی ٢٠١٣، کاڤانی پەیوەندی بە یانەی پاریس سان جێرمانەوە کرد لە فەرەنسا بە بڕی ٦٤ ملیۆن یۆرۆ کە لەو کاتەدا گرانترین گرێبەست بوو لە مێژووی تۆپی پێی فەرەنسادا.[٥] لەگەڵ پاریس سان جێرمان، کاڤانی شەش نازناوی خولی فەرەنسا و پێنج نازناوی جامی فەرەنسا و چوار جامی سوپەری فەرەنسای بەدەستھێنا.[٦] ھەروەھا پلەی دووەمی گۆڵکاری یانەکەیە لە ھەموو کاتێکدا.[٧] لە ساڵی ٢٠٢٠ کاڤانی گرێبەستی لەگەڵ مانچستەر یونایتد واژوو کرد، لە وەرزی یەکەمیدا ١٧ گۆڵی تۆمارکرد، لەنێویاندا گۆڵێک لە یاری کۆتایی یۆرۆپا لیگ، پێش ئەوەی لە ساڵی ٢٠٢٢ گرێبەست لەگەڵ ڤالێنسیا بکات. کاڤانی لە یەکەم یاری ئۆرۆگوای بەرامبەر کۆڵۆمبیا لە ساڵی ٢٠٠٨ گۆڵی تۆمارکرد، لەو کاتەوە تا ٢٠٢٢ (١٣٦)یاری و ٥٨ گۆڵی نێودەوڵەتی تۆمارکردووە، تەنھا لە دوای لویس سوارێزی ھاوبەشی ھێرشبەردێت. بەشداری لە دە پاڵەوانێتی گەورەی نێودەوڵەتیدا کردووە: چوار جامی جیھانی فیفا (٢٠١٠, ٢٠١٤, ٢٠١٨ و ٢٠٢٢)، پێنج کۆپا ئەمریکا (٢٠١١, ٢٠١٥, ٢٠١٦, ٢٠١٩ و ٢٠٢١)، و یەک جامی کیشوەرەکانی فیفا (٢٠١٣). کاڤانی لە مۆندیالی ٢٠١٠ گۆڵێکی تۆمارکرد و توانی یارمەتی ئوروگوای بدات بۆ پلەی چوارەمی پاڵەوانێتییەکە، لە ساڵی ٢٠١١ش بەشێک بوو لە پێکھاتەی ئوروگوای کە پازدەھەمین نازناوی کۆپا ئەمریکای بەدەستھێنا. بە تۆمارکردنی دە گۆڵ وەک گۆڵکاری پاڵاوتنەکانی مۆندیالی ٢٠١٨ی کۆنمێبۆڵ کۆتایی پێھێنا.
| ئێدینسۆن کاڤانی | |
|---|---|
.jpg) | |
| لەدایکبوون | ١٤ی شوباتی ١٩٨٧ Salto، ئوروگوای |
| وڵاتی وەرزش | ئوروگوای |
| ناوی کاتی لەدایکبوون | Edinson Roberto Cavani Gómez |
| ناوی خوازراو | El Matador Del Siglo |
| خوشک و برا | Walter Guglielmone |
| زمانەکانی ئاخاوتن | زمانی ئیسپانی |
| پیشە | یاریزانی تۆپی پێ |
| شوێنی یاریکردن لە تیپ | ھێرشبەر |
| دەستپێکی چالاکی | ٢٠٠٣ |
| ئەندامی تیپی وەرزشی | Fivizzano |
| وەرزش | تۆپی پێ |
| ژمارەی یاریزان | 10 |
| وێبگە | http://www.edicavaniofficial.com |
سەرچاوەکان
دەستکاری- ^ «Edinson Cavani - Soccer News, Rumors, & Updates». FOX Sports (بە ئینگلیزیی ئەمەریکایی). لە ٢٤ی کانوونی یەکەمی ٢٠٢٣ ھێنراوە.
- ^ mlssoccer. «Edinson Cavani | MLSsoccer.com». mlssoccer (بە ئینگلیزی). لە ٢٤ی کانوونی یەکەمی ٢٠٢٣ ھێنراوە.
- ^ «Edinson Cavani Profile». PlanetSportcom (بە ئینگلیزی). لە ٢٤ی کانوونی یەکەمی ٢٠٢٣ ھێنراوە.
- ^ O'Brien، Colin. «Napoli's Edinson Cavani: Serie A's Most Wanted Striker». Bleacher Report. لە ٣١ی ئایاری ٢٠٢٢ ھێنراوە.
- ^ «Ligue 1 - Cavani completes blockbuster £55.4m move to PSG - Yahoo! Eurosport UK». لە ڕەسەنەکە لە 19 July 2013 ئەرشیڤ کراوە. لە 16 July 2013 ھێنراوە.
{{cite news}}: نرخەکانی ڕێکەوت بپشکنە لە:|access-date=و|archive-date=(یارمەتی) - ^ «Edinson CAVANI». Ligue 1. لە 31 May 2015 ھێنراوە.
{{cite news}}: نرخەکانی ڕێکەوت بپشکنە لە:|access-date=(یارمەتی) - ^ «Cavani and Mbappe win top Ligue 1 awards». ESPN. لە 16 May 2017 ھێنراوە.
{{cite news}}: نرخەکانی ڕێکەوت بپشکنە لە:|access-date=(یارمەتی)
| کۆمنزی ویکیمیدیا، میدیای پەیوەندیدار بە ئێدینسۆن کاڤانی تێدایە. |
