ئیمامی نەوەوی

ئیمامی نەوەوی باوکی زەکەریا یەحیا کوڕی شەرەفی نەوەویە (٦٣١ کۆچی - ١٢٣٣ / ٦٧٦ کۆچی - ١٢٧٧) بەناوبانگە بەناوی نەوەوی ئەو نوێکار و فەقیھێک و زمانەوانێکی موسڵمانی سوننەیە، بەناوبەنگ بووە بە کتێبەکانی و بەرھەمە جۆراوجۆرەکانی لە بواری فیقھی ئیسلامی و فەرموودەی پێغەمبەری موسڵمانان محەممەد (د. خ) و زوبان و وەرگێران، وەسف دەکرێت بەوەی کەوا نوێکار و ڕێکخەری مەزھەبی شافعی یە، چونکە سەقامگیری کاری نێوان فەقیهەکانی مەزھەبی شافیعی لەسەر ڕای ئەوە، و نەوەوی بە شێخی شافیعییە ناوزەند دەکرێ.

یەحیا کوڕی شەرەف حزامی نەوەوی
لەدایکبوون	٦٣١ی کۆچی - ١٢٣٣ی زایینی نەوا، سوریا
مەرگ	٦٧٦کۆچی-١٢٧٦زاینی
شوێنی گۆڕ	نەوا، سوریا
نەتەوە	عەرەب
ئایین	ئیسلام
ھاوسەر	بێ ھاوسەر

ڕێڕەوی خوێندن

کاتێک تەمەنی دەگات بە دە ساڵان باوکی لە دوکان دایدەنێت، لەوێدا خەریکی فێربوون و لەبەرکردنی قورئانی پیرۆز دەبێت تاوەکو خەتمی دەکات و تەواو دەبێت. لە گوندی نەوە دەمێنێتەوە تادەگاتە تەمەنی ١٨ساڵی و دواتر دەچێتە دیمەشق لە ساڵی ٦٤٩ی کۆچی نەوەوی دەچێتە شام و لەوێ لەژێر دەستی موفتی عەبدولرەحمانی کوری ئیبراھیمی کوری فزاری دەخوێنێت، نەوەوی بۆ ماوەی بیست و ھەشت ساڵان لە دیمەشق مایەوە ھەموو ژیانی لەوێدا لە خانووێکی بچوک لە قوتابخانەی ڕواحییە بەسەربرد، ھەر خەریکی نوسین و فێربوون و فێرکردن و دانانی کتێب بوو. سەرۆکایەتی (دار حدیث الاشرفیە - دەزگای فەرموودەی ئەشرەفییە) ی پێبەخشرا و سەرۆکایەتی کرد تاوەکو وەفاتی لە ساڵی ٦٧٦ی کۆچی.

دانراوەکانی

• روضة الطالبين وعمدة المفتين لە زانستی فیقهدا
• (منهاج الطالبين وعمدة المفتين) لەزانستی فیقهدا
• التبيان في آداب حملة القرآن
• المنهاج في شرح صحيح مسلم بن الحجاج، ڕونکردنەوەی سەحیحی موسلیم

سەرچاوەکان

• ویکیپیدیای عەرەبی
• کەسایەتییە مەزنەکانی نێو دونیای تەسەوف