ئاسۆ عومەر سوارە
ئاسۆ عومەر حاجی محەممەد قوربانی پێنجوێنی ناسراو بە ئاسۆ عومەر سوارە یان وشیاری گەردەلوول (لەدایکبووی ١٩٦٣ لە سلێمانی، عێراق – مردووی ٣٠ی کانوونی یەکەمی ٢٠١٩ لە سلێمانی[١]) زیندانی سیاسی، ئەکتەر، پێشکەشکار و شانۆکاری دیاری شاری سلێمانی و ھەرێمی کوردستان بوو.[٢] لە چەندین فیلم و زنجیرە درامای کوردستان بەشداریی کردووە، لە زنجیرە درامای گەردەلوول رۆڵی سەرەکی ھەبووە و لەم رێگایەشەوە زیاتر لە نێو خەڵکی کورستان ناسراوە. ھەروەھا یەکێک لە پێشکەشکاری بەرنامەی "وێنەکانی دوێنێ" بوو لە کەناڵی کوردسات و تیایدا وێنە دێرینەکانی کەسایەتییە ناسراوەکانی کوردستان و بەتایبەت شاری سلێمانی پیشانی بینەرەکانی دەدا.[٣]
| ئاسۆ عومەر سوارە | |
|---|---|
| لەدایکبوون | ١ی کانوونی دووەمی ١٩٦٣ سلێمانی، عێراق |
| پیشە | ئەکتەر |
ژیان دەستکاری
لە ساڵی ١٩٦٣ لە شاری سلێمانی لەدایکبووە. لە ساڵی ١٩٤٦ بنەماڵەکەی لە پێنجوێنەوە کۆچ دەکەن بۆ سلێمانی. یەکەم کوڕى بنەماڵەکەى و دووەم منداڵى ئەو خێزانە بوو.[٤] پەیمانگای کارگێری لە بەغدا تەواو کردووە.[٥] یەکێک بووە لە ئەندامانی دەستەی بەڕێوەبەری فێستیڤاڵی گەلاوێژ.[٦]
مردن دەستکاری
ئاسۆ عومەر سوارە لە ڕۆژی ٣٠ کانوونی یەکەمی ٢٠١٩ بە نەخۆشی جەڵتەی دڵ کۆچی دواییی کرد، و تەرمەکەی لە ڕێوڕەسمێکی میللی و فەرمیدا لە گۆڕستانی گردی سەیوان بە خاک سپێردرا.[٧][٨]
سەرچاوەکان دەستکاری
- ^ "چلەی ماتەمینی ھونەرمەند ئاسۆ عومەر سوارە لەسلێمانی بەڕێوەچو". xendan.org. 2022-08-25.
- ^ "چلەی ماتەمینی ئاسۆ عومەر سوارە بەڕێوەدەچێت". awene.com. 2022-08-24.
- ^ "ڤیدیۆ.. وەسیەتی ھونەرمەندی کۆچکردو (ئاسۆ عومەر سوارە) لە تۆڕە کۆمەڵایەتییەکان بڵاو کرایەوە". speemedia.com. 2022-08-24.
- ^ "باوکی ئاسۆ عومەر چۆن ھەواڵی کۆچی دوایی کوڕەکەیی بیست؟". rudaw.net. 2022-08-25.
- ^ "ھونەرمەند ئاسۆ عومەر سوارە ماڵئاوایی کرد". gksat.tv. 2022-08-25.
- ^ "سلێمانی.. ھونەرمەند ئاسۆ عومەر سوارە کۆچی دوایی کرد". aa.com. 2022-08-25.
- ^ "ھۆکاری مردنی ھونەرمەند ئاسۆ عومەر سوارە ئاشکرا بوو". bakrajo.com. 2022-08-25. ٢٥ی ئابی ٢٠٢٢ لە وەیبەک مەشین، ئەرشیڤ کراوە.
- ^ "ئاسۆ عومەر سوارە". manumedia.org. 2022-08-25.[بەستەری مردوو]
