کۆڵانەکانی پشتەوە (دراما)

کۆڵانەکانی پشتەوە (بە تورکی: Arka Sokaklar) زنجیرە درامایەکی تورکییە کە لە کەناڵ دی لە وڵاتی تورکیا پێشکەش دەکرێت. یەکەم پێشکەشکردنی لە تەممووزی ٢٠٠٦ بوو و تا ئێستاش بەردەوامە. زنجیرە دراماکە تا ئێستا ١٤ وەرز ڕۆیشتووە. ئەم درامایە بە یەکێک لە سەرکەوتووترین دراماکانی تەلەفزیۆن دادەنرێت و بینەرێکی زۆریشی ھەیە لە وڵاتی تورکیا. لە کوردستانیش کەناڵی ئێن ئاڕ تی ٢ بەشێوەیەکی سەرکەوتووانە ٩ وەرزى کردووە بە زمانی کوردی..

کۆڵانەکانی پشتەوە (دراما)
چەشنلێکۆڵینەوەیی • ئەکشنی. خێزانی
نووسەر
  • ئەحمەد یەردوکال
  • ئۆزان یەردوکال
وڵاتی بەرھەمھێنەرتورکیا
ژمارەی وەرزەکان١٤
ژمارەی ئەڵقەکان٥٤٠... بەردەوامە
پەخش
کەناڵکەناڵ دێ
بڵاوبوونەوەی ڕەسەن٣١, ٧, ٢٠٠٦
گرێدان بۆ دەرەوە
ماڵپەڕی فەرمی بەرھەمھێنان

چیرۆکی دراماکەدەستکاری

دراماکە بە گشتی باس لە دەزگای ئاسایشی شاری ئەستەمبوڵ و بەتایبەتی باس لە کۆمەڵێک ئەفسەر لەم دەزگایە دەکات کە گروپێکیان پێکھێناوە و ڕۆژانە کاتێک ڕووداوەکانی تاوانکاری (کوشتن - فڕاندن - ماددەی ھۆشبەر - دەستدرێژی -.... ھتد) ڕوودەدات ئەم گروپە بەرپرسیاریەتی دۆزینەوە و چارەسەرکردنی کێشەکە دەگرنە ئەستۆ. بەڵام لەپاڵ ئەمەشدا باس لە ژیانی خێزانی و ھاوڕێیەتی ھەر یەکێک لە ئەندامەکان دەکات لە دەرەوەی ژیانی ئاسایش. وە ھەروەھا ئەندامانی گروپەکە وەکو سەرەتا نامێننەوە بەڵکو ھەندێک جار کەسێکیان دەمرێت یان بەجێیان دەھێڵێت و دەگواسرێتەوە بۆ شارێکی تر یان ھەندێک ئەندامی تازە لە شارەکانی دیکەوە دەگوازرێنەوە بۆ ناو گروپەکە.

کەسایەتییەکاندەستکاری

لەبەر ئەوەی ئەم درامایە تا ئێستا لە پەخشکردن بەردەوامە و ساڵانە وەرزی نوێی بڵاودەبێتەوە بۆیە نازانرێت کە ئاخۆ ھەندێک ئەکتەر کەی دەورەکەیان کۆتایی دێت.

ناوی ئەکتەر ناوی لە دراماکەدا لە چ کاتێکدا بەژدار بوون تێبینی
Zafer Ergin ڕەزا سۆیلۆ ١ - بەردەوامە یەکێکە لە بەڕێوبەرەکان لە پلەی چوارەم لە ئاسایشی ئەستەمبوڵ. خاوەنی کەسایەتییەکی زۆر باشە و فەرماندەی گشتی گرووپەکەیە و لەناو گروپەکەیدا بانگی دەکەن بە بابە ڕەزا (باوکە ڕەزا).
Özgür Ozan حوسنو چۆبان ١ - بەردەوامە ئەفسەری لێکۆڵەرەوە، یەکێکە لە ئەندامانی گروپەکە و کەسێکی زۆر سەرکەوتووە و چەندین جار پاداشت کراوە. خاوەنی خێزانێکی گەورەیە کە ٥ منداڵ و ھاوسەرێکە. ڕۆژانە سەرقاڵە بە کێشەکانی خێزانەکەی و کارەکەی لە ئاسایش. ھاوڕێیەکی زۆر دێرین و نزیکی ڕەزا و مەسعودە.
Şevket Çoruh مەسعود گونەری ١ - بەردەوامە ئەفسەری لێکۆڵەرەوە، یەکێکە لە ئەندامانی گروپەکە، سەرەتا لە ھێزێکی تایبەت بووە لە شاخەکان بەڵام دواتر گواستراوەتەوە بۆ ئەستەمبوڵ. لە ژیانیدا چەندین ناخۆشی بەسەرھاتووە وەکو مردنی ٧ ھاوڕێی لەبەر چاوی خۆیدا و مانەوە لەگەڵ لاشەکانیان بۆ ماوەی چەندین ڕۆژ لە ئەشکەوتێکی گەمارۆدراودا، یاخود تووشبوونی کوڕەکەی بە نەخۆشی شێرپەنجەی خوێن، و چەندین شتی دیکە، ھەر بۆیە خاوەنی کەسایەتییەکی زۆر توند و تیژە. وە ھاوڕێیەکی زۆر نزیکی حوسنوە.
Çağla Kubat ئێلیف دۆغان بەھادور ١٢٦ - ٢٥٠ یەکێک بوو لە ئەفسەرە گەنجەکان لە گروپەکەدا بۆ ماوەی دوو ساڵ. باوکی فەرماندەیەکی توانا بووە کە لەکاتی ئەرکەکەیدا کەمئەندام بووە و لەسەر جێگایە. پەیوەندی سۆزداری دروست دەکات لەگەڵ ئەفسەر سینان و بڕیاری ھاوسەرگیری دەدەن بەڵام لە ڕۆژی ئاھەنگەکەیاندا بە چەقۆ بریندار دەکرێت و بەھۆکاری خوێنبەربوونێکی زۆرەوە دەمرێت.
Gamze Özçelik زەینەب ئەکیوز ئەتێش ١ - ١٢٦

٢١٠ - ٢٩٢

ئەفسەرێکی گەنج، یەکێکی ترە لە ئەندامانی گروپەکە و کچی فەرماندەیەکی شەھیدە. ھاوسەرگیری دەکات لەگەڵ ئەفسەر موڕاد و بەیەکەوە بەردەوامن، ماوەیەک لە دراماکە دوور دەکەوێتەوە بەھۆی گواستنەوەی بۆ شاری لەندەن بەڵام دواتر دەگەڕێتەوە و بەردەوام دەبێت تا چەند ساڵێک دواتر بریندار دەکرێت و بەھۆی خوێنبەربوون لە ملیدا دەمرێت.
Uğur Pektaş موڕاد ئەتێش ١ - ١٢٥

١٧٣ - بەردەوامە

ئەفسەر، یەکێکی دیکەیە لە ئەندامانی گروپەکە، خاوەن کەسایەتیەکی باش و پاڵەوانە ، مێردی ئەفسەر زەینەبە. لەگەڵ زەینەب لە دراماکە نامێنێت و دەچێتە شاری لەندەن بەڵام دواتر دەگەڕێتەوە. ماوەیەک لەگەڵ زەیبەن جیا دەبنەوە بەڵام دواتر دوبارە ھاوسەرگیری دەکەنەوە. خاوەنی کوڕێکە بەناوی (عومەر). دوای مردنی زەینەب هاوسەرگیری لەگەڵ ئەفسەر لەیلا دەکات و نەقڵ دەبن بۆ ئیزمیر بەم جۆرە ڕۆڵی لە دراماکەدا نامێنێت .
Berk Oktay سینان بەھادور ١٢٦ - ٢٥٠ یەکێکی دیکە بوو لە ئەفسەرەکان، کە لە ماوەیەکدا دەرکەوت لەناو گروپەکەدا، ویستیان ھاوسەرگیری بکەن لەگەڵ ئێلیف بەڵام ئەو کوژرا. و پاشان ئەمیش گواستراوە بۆ ئەوروپا ڕۆڵی لە دراماکەدا نەما.
Zeynep Beşerler مەلەک سیرتر ١٢٦ - ٢٩٣ یاریدەدەری ئەفسەر، لە بەشی (ماددە ھۆشبەرەکانەوە) دێت و ماوەیەک لە گروپەکەدا دەمێنێتەوە و چەندین کاری گرنگ دەکات و کاتیان لەگەڵ بەسەر دەبات بەڵام دواتر دەگواسرێتەوە بۆ شارێکی دیکە بەڵام دیار نییە دواتر دەگەڕێتەوە یان نا.
Alp Korkmaz عەلی ئاکدۆغان ١ - بەردەوامە ئەفسەرێکی گەنج، یەکێکی ترە لە ئەندامانی گرووپەکە، مێردی کچەکەی بابە ڕەزایە، لە تەمەنی ٢٠ ساڵیەوە لە گروپەکەدایە، یەکێکە لە نیشانە شکێنە بەتواناکان و زۆر ورد و لێزانە لە بەکارھێنانی قناص دا..
Özlem Çınar ئایلین ١ - بەردەوامە یاریدەدەری ئەفسەر، یەکێکە لە ئەندامانی گروپەکە بەڵام زیاتر کارەکانی لەناو بنکەدا ئەنجام دەدات و کەم دەچێتە دەرەوە.
Figen Evren سوعات چۆبان ١ - ٤٤٨ خێزانی ئەفسەر حوسنوە، کەسایەتیەکی ساددە و  کۆمەڵایەتی ھەیە. ماوەیەکی زۆر لە دراماکەدا دەمێنێتەوە و لە کۆتایی وەرزی یانزەھەمدا لە کاتی ھەوڵی گەیشتن بە ئاھەنگی ھاوسەرگیری کوڕە گەورەکەی توشی ڕووداوی ھاتوچۆ دەبێت و دەمرێت.
Gülcan Arslan لەیلا جانداش ٢٩٤ - بەردەوامە یەکێکە لە تازەترین ئەندامی گروپەکە، لەگەڵ مزۆ دەردەکەوێت. لێکۆلەر بووە لە بەشی کوشتن، لە سەرەتاوە ئەزموونی کەمە لە گروپەکە بەڵام بە ئەزموونە لە لێکۆڵینەوە لە شوێنی تاوان ، هاوسەرگیری لەگەڵ ئەفسەر موڕاد دەکات و ڕۆڵی لە دراماکە کۆتایی پێدێت .
Gizem Soysaldı موعەزەز کابڵان (مزۆ) ٢٩٤ - بەردەوامە یەکێکە لە تازەترین ئەندامی گروپەکە، لەگەڵ لەیلا دەردەکەوێ، زۆر شارەزایە لە تەقەمەنیدا، کەسایەتیەکی کەمێک توند و توڕەی ھەیە.
İpek Yaylacıoğlu بنار سۆیلۆ ئاکدۆغان ١ - بەردەوامە کچی بابە ڕەزا و خێزانی ئەفسەر عەلی یە، ژیانێکی ئاسایی ڕۆژانە بەسەر دەبات. لەسەرەتای دراماکەدا واتە سەردەمی خوێندکاریدا دەیویست ببێت بە گۆرانی بێژ بەڵام دواتر وازی ھێنا و ئێستا مامۆستای باخچەی ساوایانە.
Onur Bay تەکین ١ - بەردەوامە کوڕی حوسنوە و سێیەم منداڵی خێزانەکەیە، خاوەن کەسایەتیەکی بێزارکەرە و چونکە بەردەوام سەرکێشی ھەرزەکارانە دەکات. وەکو ئەکتەر ھەر لە تەمەنی منداڵیەوە بەردەوامە لەناو دراماکە تا تەمەنێکی پێگەیشتوو.
Furkan Göksel مەتین ١ - بەردەوامە کوڕە گەورەی حوسنوە و دووەم منداڵی خێزانەکەیە، بە ھەمان شێوەی براکەی زۆر کارەکانی سەرکێشی ھەرزەکارانەی پێوە دیارە. وەکو ئەکتەر ھەر لە منداڵیەوە بەردەوامە لەناو دراماکە تا تەمەنێکی پێگەیشتوو.
Yüsra Geyik زەلیھا ١ - بەردەوامە کچی حوسنوە و گەورەترین منداڵی خێزانەکەیە. لە دوای تەواو کردنی خوێندنی زانکۆیی دەبێت بە ڕۆژنامەنووس.
Manolya Aşık شوعلە ١ - بەردەوامە کچە بچووکی حوسنوە و چوارەم منداڵی خێزانەکەیە.
Kerimhan Duman تونج گونەری ١ - بەردەوامە کوڕی مەسعودە، ھاوڕێیەکی زۆر خۆشەویست و نزیکن لەگەڵ دوو کوڕەکەی حوسنودا. بەڵام ئەم بە پێچەوانەی دوو ھاوڕێکەیەوە ھەر لە منداڵیەوە خاوەنی توانایەکی زیرەکی لە ڕادە بەدەرە و زۆربەی قۆناغەکانی خوێندنی بە پلەی یەکەم تەواو دەکات.
Ilker İnanoğlu ئینگین باڵکان  ٤٤ - ١٧٢

٢١٠ - ٢١٤ ۳٥٨ - بەردەوامە

فەرماندەی لێکۆلەرەوە، چەند جارێک لە دراماکەدا دێت و دەڕوات چونکە بەھۆی زیرەکی و بەتواناییەکی زۆرەوە دەگواسرێتەوە بۆ شارەکانی واشنتۆن و مەدرید و مۆسکۆ . دوای بەسەربردنی نزیکەی شەش ساڵ لەدەرەوەی وڵات ئەرکەکەی کۆتایی پێدێت و بەشێوەی فەرماندەی تیمەکە دەگەڕێتەوە .
İlker Yiğen یاڤوز ئەتێش ١ - بەردەوامە بە ڕۆڵی پزیشک بەژدارە و برا بچووکی ئەفسەر موڕادە.
Nazlı Tosunoğlu نەزیکە ١٣٨ - بەردەوامە پوری سوعاتە، لە ماڵەکەی ئەوان دەژی.

ئەو کەسایەتییانەی جار جار دەردەکەون.دەستکاری

ناوی ئەکتەر ناوی لە دراماکەدا لە چ کاتێکدا بەژدار بوون تێبینی
Cumhuriyet Kiper مەزڵوم ١٤٥ - بەردەوامە کەسایەتییەکە کە نەخۆشی دەروونی ھەیە، ھەندێ جار ھاوکارییەکی بچووکی  گروپەکە دەکات لە ڕووداوەکاندا.
Engin Kocagöz جانای ٥٠ - بەردەوامە کوڕێکە کە کەسایەتییەکی ھەست ناسکی ھەیە و لە یانە شەوانەکان کار دەکات، ھەندێ جار ھاوکاری گروپەکە دەکات لە ڕووداوەکاندا.

پەخشکردندەستکاری

وڵات ناوی دراما شوێنی پەخشکردن کاتی یەکەم پەخشکردنی
تورکیا Arka Sokaklar کەناڵ دی ٣١ تەمووزی ٢٠٠٦
بولگاریا Опасни улици BTV ٢٤ ئازار ٢٠١١
عیراق کۆڵانەکانی پشتەوە NRT2 ٥ ئاب ٢٠١٥

سەرچاوەکاندەستکاری