ڕووداوی سیاھکەل
ڕووداوی سیاھکەل، ئۆپراسیۆنی سیاھکەل یان بزووتنەوەی سیاھکەل بە ڕووداوی ھێرشی پارتیزانەکانی ڕێکخراوەی چریکەکانی فیداییی گەلی ئێران بە بنکەی ژاندارمیریی شاری سیاھکەل لە پارێزگای گێڵان لە باکووری وڵاتی ئێران دەوترێت کە لە ڕێکەوتی ٨ی شوباتی ١٩٧١ (١٩ی ڕێبەندانی ١٣٤٩) ڕوویداوە. ئامانجی پارتیزانەکان کە چریکیان پێ دەگۆترا، ئازادکردنی یەکێک لە ئەندامانی دەستبەسەرکراوی ئەو ڕێکخراوە بوو. لە پێکدادانەکانی ئەو ڕووداوە ٣ کەس لە چریکەکان کوژراون، ھەروەھا ١٠ چریکیش دەستبەسەر کراون و پاشان بە دەستی حکۆمەتی پەھلەوی گولەباران کراون. ھەندێک لە شیکەران و مێژوونووسان لە ڕووداوی سیاھکەل وەکوو یەکەمین خەباتی چەکدارانە بە ئامانجێکی سیاسی لە مێژووی ھاوچەرخی ئێران ناو دەبەن.[١]
سەرچاوەکان
دەستکاری- ^ کێدی، نیکی ئار، و ڕیشارد، یان. ٢٠٠٦. ئێرانی مۆدێرن: بنەماکان و ئاکامەکانی شۆڕشەکە (بە ئینگلیزی)؛ پ ٢٢٠.
| کۆمنزی ویکیمیدیا، میدیای پەیوەندیدار بە ڕووداوی سیاھکەل تێدایە. |