پێڕستە ڕەشەکە (زنجیرەی تەلەڤیزیۆنی)

پێڕستە ڕەشەکە (بە ئینگلیزی: The Blacklist) بریتییە لە زنجیرەیەکی تاوانی درامای ئەمریکی لە ڕێکەوتی ٢٣ ئەیلوولی ٢٠١٣ لەسەر ئێن بی سی دەستی پەخش کرد. زنجیرەکە لە پاڵەوانێتی جەیمس سپێدەر و مێگان بوون و ھاری لینکسە. بریکاری پێشووی حکومەت رێیمۆند رێدینگتۆن کە ناتوانێرت دەستگیر بکرێت، بە شێوەیەکی سەیر خۆی ڕادەست دەکات و ھەروەھا پێشنیارێکی پێیە کە ناتوانرێت ڕەتبکرێتەوە، بەڵام تەنھا بە یەک مەرج: رێدینگتۆن تەنھا لەگەڵ ئیلیزابێس کەین، شیکەرەوەیەکی نوێی ئێف بی ئای قسە دەکات. زنجیرەی یەکەم جۆن بۆکینکامب نووسییەتی و جۆ کارنھان دەریھێناوە. لە ۳ی کانوونی یەکەمی ۲۰۱۳، ئێن بی سی زنجیرەکەی بۆ وەرزی دووەم بە ۲۲ ئەڵقە نوێکردەوە.

ھەروەھا زنجیرەکە بۆتە خاوەنی گەواھیدانی ڕەخنەگران، و زۆرێک لە ڕەخنەگران ستایشی ڕۆڵگێڕانەکەی جەیمس سپێدەریان کردووە.

چیرۆک

رێیمۆند رێدینگتۆن، بریکاری پێشووی حکومەت و یەکێک لە هەڵاتووەکان لەدەستی ئێف بی ئای، لە بنکەی نووسینگەی لێکۆڵینەوە فیدرالییەکان لە واشینگتۆنی پایتەخت خۆی بەدەستەوە دەدات. و دەڵێت کە ئەو و ئێف بی ئای هەمان بەرژەوەندیان هەیە لە لەناوبردنی تاوانبارە مەترسیدار و تیرۆرستەکان. پێشنیارێک پێشکەش دەکات کە ئێف بی ئای ناتوانێت ڕەتی بکاتەوە بەڵام لە ژێر یەک مەرجدا: رێدینگتۆن تەنها لەگەڵ ئیلیزابێس کەین، شیکرەوە نوێکەی ئێف بی ئایدا، قسە دەکات. کەین لێپرسینەوە لە ڕێدینگتۆن دەکات دەربارەی ئەو گرنگیدانە لەناکاوەی ئەو، بەڵام ڕێدینگتۆن تەنها بەوە وەڵام دەداتەوە کە ئەو زۆر تایبەتە.