پیریۆنس
پیریۆنس (بە زاراوەی خۆماڵی پیروێنس)کوڕی شێخ زەکەریا و لە سەییدە حەسەنیەکانە. پیریۆنس لە زانایانی ئایینی و خواناسانی سەدەی سیانزەی زاینیی مەریوانە کە شێعری فارسیی لێ بەجێ ماوە. مەلا عەبدولکەریم مودەریس پیریۆنسی بە برای شا نیعمەتوڵڵای وەلی زانیوە. جگە لە شەجەرەنامەکەی، ئەم بەیتە فارسییەی پیریۆنسیش ئەم خاڵە دەسەلمێنێت:
پیریۆنس | |
|---|---|
| لەدایکبوون | سەدەی سیانزەھەم ناوچەی مەریوان |
| مەرگ | |
| نەتەوە | کورد |
| ئایین | ئیسلام |
| خزمەکان | شا نیعمەتوڵڵای وەلی |
برادر کو بود شە نعمت اللە ولی بی شک
پدر باشد ذکریا جد اھدل شاە دورانم
واتە: براکەم کە شا نیعمەتوڵڵای وەلی بێت و بابم شێخ زەکەریا و باپیرم ئەھدەل، ئەمن بێگومان پاشای ئەم سەردەمەم.
پیریۆنس لە مێژوودا
دەستکاریپارچە شێعرێک لە شێخ شەھابەدین شازڵی(سەدەی شانزە و حەڤدەی زاینی) بە زاراوەی ھەورامی ماوەتەوە کە ناوی پیریۆنسی تێدا ھێناوە. دیارە ھۆنراوەکە وەکوو شکایەتنامەیەکە لە دەستدرێژیی لەشکری عەجەم واتە سەفەوییەکان لەو سەردەمەدا. شێعرەکە ئاوەھایە:
پیریۆنس ھانا، پیریۆنس ھانا
مەزڵوومان تەنیا لای تۆشەن ھانا
نەبیرەی ئەکرەم شاھ مەردانی
فەرزەند دڵبەند شێخ زەکەریانی
پەی وایەمەندان عەجەب دەریانی
چون شێر کەمین حازر مەیدانی
ئینتقام سکان بابای ئەکرەمت
بە شەپۆل کین قەلب قولزمت
بستان جە لەشکر عەجەم بێ ئەندێش
نمازی یەکێ بشۆ وە جای وێش
شەھاب ھەرچی ھەن نەوەی ڕەسووڵەن
زوڕڕیەی تاھیر عەلی و بەتووڵەن
شوێنی کۆچی دوایی و گڵکۆکەی
دەستکاریپیریۆنس، ئاوایی ھەنجیران سەر بە شاری مەریوانی ئاوەدان کردوەتەوە وە ھەر لەوێ کۆچی دوایی کردوە. گڵکۆکەی ئێستا جێگای زیارەتی خەڵکی مەریوان و دەور و بەریەتی.
سەرچاوەکان
دەستکاری١- بنەمالەی زانیاران، عەبدولکەریم مودەریس
٢-دەقەکانی ئەدبی کوردی عەلائەدین سەججادی، چاپخانەی کۆڕی زانیاریی کورد، بەغدا، ١٩٧٨
٣- «کاروانی پێنووس، شاعیران و نووسەرانی مەریوان و ھەورامان» - نووسراوەی فاتح مستەفایی - بڵاوکردنەوەی ئاراس - سنە - ٢٠١١
