پۆل سێزان

پۆل سێزان وێنەکێشێکی گەورەی فەڕەنسییە کە لە (۱۹ی ژانوییەی۱۸۳۹) لە «ئیکسن پروانس» هەڵکەوتووە و لە باشووری فەڕەنسا لەدایک بووە و لە (۲۲ی ئۆکتۆبەری ۱۹۰٦) لە شوێنی لەدایکبوونەکەی ماڵاواییی لە ژیان کردووە. باوکیشی سەروەت و سامانێکی کەڵەکە کردبوو و خەریکی بانکداری بوو و ژیانێکی ئاسوودەیان هەبوو. پۆل لە خوێندنگەی «ئێکس» بوو کە «ئێمیل زۆلا»ش لەوێ دەیخوێند و پەیوەندییەکی دۆستانە لەنێوان ئەو دوانەدا دەستی پێ کرد. باوکی حەزی دەکرد کەکوڕەکەی بکاتە جێگری خۆی و لەگەڵ «پۆل» کە زۆر هۆگری وێنەکێشان بوو، دژایەتیی دەکرد، وە هەر ئەم دژایەتییە بووە هۆی ئەوەی کە «پۆل» بچێتە ناو کۆلێژی یاسا و هەروەها لەبانکەکەی باوکیشیدا خەریکی کارکردن بێت. لە تەمەنی ۲۷ ساڵیدا بۆ یەکەمین جار تابلۆیەکی ڕەوانەی «هۆڵی پاریس»کرد، بەڵام چونکە زۆریان گوێ نەدایە، لە نامەیەکی ناڕەزایەتیدا نووسیی:

پۆل سێزان
لەدایکبوون	۱۹/۱/۱۸۳۹ ئیکسن پروان
شوێنی گۆڕ	فەڕانسە
نیشتەجێی	پاریس ، ئیکس لە فەڕانسە
نەتەوە	فەڕانسە
پیشە	وێنەکێشان

«من ناتوانم دادوەریی بێ بنەمای کەسانێک کە بەرهەمەکانم پەسەند ناکەن، قبووڵ بکەم.»

«زۆلا» لە پاریس کە دوای شەڕی (۱۸۷۰) کەسایەتییەکی تازەی بە خۆیەوە گرتبوو، ناوبانگی دەرکرد و دەوڵەمەند بوو. بەڵام سزان بێجگە لە سەرکۆنەکردن و بێمتمانەیی هیچی دیکەی بەدەست نەهێنا. سەرەڕای هەمووی ئەوانەش، «سزان» لەوڕێگایە پەشیمان نەبووەوە کە گرتبوویە بەر و هەوڵە بەردەوامەکانی بۆ بەدیهێنانی ئەو خۆزگەیەی کە لە وێنەکێشاندا هەیبوو، ئەوی هیلاک نەکرد.

تابلۆ ناودارەکانی

وەرق بازەکان ، پیاوێک بە سەبیلەوە ، خانمی سزان لە گوڵخانە ، با و تۆفان ، سپیدارەکان ، وەزیری بەساڵاچوو ، سروشتی بێ گیان ، پەیکەری عەشق و کەرەستە بێ گیانەکان ، ژەنیاری پیانۆ ، ئێمبل زۆلا و پۆل ئالێکسیس...