پادشا
پادشا یان پاشا یان شا بە کەسێک دەوترێت کە وڵاتێک بەبۆنەی میراتگرییەوە فەرمانڕەوایی دەکات. پاشایەک کاتێک ھێزی دەکەوێتە دەست کە شای پێشوو، کە ئەندامێکی بنەماڵەی ئەمە، مردبێت. ھەندێ جار شایەد یەکێک بە بۆنەی دەست لەکار کێشانەوەی شای پێشوو ببێت بە پادشا وەک: جۆڕجی شەشەم. لە زۆرترین بەشی مێژوودا، زۆرتری وڵاتەکان، بە تایبەت لە ئەورووپادا، بەم شێوە فەرمانڕەوایی کراون. ھەندێ لە وڵاتەکان وەک فەڕەنسا دەمێکە پاشایەتی نەماون. ھەندێک وەک بریتانیا ھێشتا بنەماڵەی پادشایەتییان ھەیە. لە ھەندێک لە وڵاتەکان، خەڵک پاشای نوێ لە نێوان کەسانێکی تر کە بڕیارە لەوان بێت، ھەڵدەبژێرن.
ژنی پادشایەک بە شاژن ناودەبرێت. ژنێکیش کە بە بۆنەی میراتگرییەوە دەبێتە فەرمانڕەوا بە شاژن ناو دەبرێت.
ئەگەر وڵاتێک پادشا یان شاژنی بێت، ئەوە بەو واتایە کە پاشایەتییە. بە وڵاتێک کە لەلایەن پاشا یان شاژنەوە فەرمانڕەوایی دەکرێت، شانشین دەوترێت.
