٦٤ دی دی
٦٤ دی دی یان نینتێندۆ ٦٤ دی دی (بە ئینگلیزی: 64DD)یەکێکە لە ئامێرە لاوەکییەکانی فلۆپی دیسکی موگناتیسی بۆ کۆنسڵی یارییەکانی نینتێندۆ ٦٤ کە لەلایەن کۆمپانیای نینتێندۆوە پەرەی پێدراوە. لە ساڵی ١٩٩٥، پێش نمایشکردنی نینتێندۆ ٦٤ لە ساڵی ١٩٩٦ ڕاگەیەندرا، و دوای چەندین دواکەوتن لە ژاپۆن لە ١٣ی کانوونی دووەمی ١٩٩٩ بڵاوکرایەوە. "٦٤" ئاماژەیە بۆ ھەردوو کۆنسۆلی نینتێندۆ ٦٤ و توانای ھەڵگرتنی ٦٤ مێگابایت و دیسکەکان، و "دی دی"" کورتکراوەی "دیسک درایڤ" یان "داینامیک درایڤ"ە.[١] بە پەیوەندیکردن بە دەرچەی درێژکراوەی ژێرەوەی کۆنسۆڵەکەوە، ٦٤ دی دی ڕێگە بە نینتێندۆ ٦٤ دەدات کە دیسکی موگناتیسی ٦٤ مێگابایت تایبەتمەند بەکاربھێنێت بۆ ھەڵگرتنی زانیاری فراوانکراو و دووبارە بنووسرێتەوە.[٢] کاتژمێرێکی کاتی ڕاستەقینە بۆ دیزاینی جیھانی یارییە بەردەوامەکان، و کتێبخانەی فۆنت و دەنگی ستاندارد بەکاردێت بۆ ھەڵگرتنی کارایی زیاتر. یارییەکانی و ئیکسسواراتە ڕەقەکاڵاکانی ڕێگە بە بەکارھێنەر دەدات فیلم و کارەکتەر و ئەنیمەیشن دروست بکات بۆ ئەوەی لەناو یارییە جیاوازەکانی تردا بەکاری بھێنێت و بە شێوەی ئۆنلاین ھاوبەشی بکات. سیستمەکە دەتوانێت لە ڕێگەی خزمەتگوزارییەکی تایبەت بە ئۆنلاین بە ناوی ڕاندنێت پەیوەندی بە ئینتەرنێتەوە بکات بۆ بازرگانی ئەلیکترۆنی و یاری ئۆنلاین و ھاوبەشکردنی میدیا.[٣] بە وەسفکردنی وەک «یەکەم ئامێری ھەڵگرتنی زانیاری بەکۆمەڵ کە دەتوانرێت بنووسرێت بۆ کۆنسۆلی یاری ڤیدیۆیی مۆدێرن».[٤]
نینتێندۆ «٦٤ دی دی»ی وەک پلاتفۆرمی تەکنەلۆژیای کاراکردن بۆ پەرەپێدانی ژانەرە نوێیەکانی یاری و بەرنامەکان دیزاین کرد، کە چەندینیان بۆ چەند ساڵێک لە پەرەپێدان بوون. تەنھا دە پارچە نەرمەکاڵا بڵاوکرایەوە تاوەکو یەکەکە لە شوباتی ٢٠٠١ وەستێنرا، لەو کاتەدا ١٥ ھەزار بەشداربووی ڕاندنێت بوون. شکستی بازرگانی بوو، بەلایەنی کەمەوە ١٥ ھەزار یەکە بە کۆی گشتی فرۆشرا، ھەرگیز لە دەرەوەی ژاپۆن بڵاونەکرایەوە.[٥] زۆربەی ئەو یارییانەی کە جارێک بۆ ٦٤ دی دی پلانیان بۆ دانرابوو وەک یاری ستانداردی نینتێندۆ ٦٤ بڵاوکرانەوە، گواستراونەتەوە بۆ کۆنسۆڵەکانی دیکەی وەک گەیم کیووب، یان ھەڵوەشاونەتەوە.[٦]
سەرچاوەکان دەستکاری
- ^ "Ultra 64 Tech Specs". Next Generation. No. 14. Imagine Media. February 1996. p. 40.
- ^ Schneider, Peer (February 9, 2001). "Everything About the 64DD". IGN. Retrieved June 12, 2014.
- ^ "64DD: Broken Promises". IGN. Ziff Davis. February 23, 2001. Retrieved January 11, 2015.
- ^ "Nintendo Reveals New Details on 64DD at N64 Developer's Conference". Nintendo of America. 1997. Archived from the original on June 6, 1997. Retrieved January 11, 2015. ٦ی حوزەیرانی ١٩٩٧ لە وەیبەک مەشین، ئەرشیڤ کراوە.
- ^ "Super Nintendo Entertainment System Unrivaled Champion of the Fourth Generation". GameConsoles.co.uk. 2007. Archived from the original on June 27, 2008. Retrieved February 28, 2014. ٢٧ی حوزەیرانی ٢٠٠٨ لە وەیبەک مەشین، ئەرشیڤ کراوە.
- ^ "The 64 Dream". The 64 Dream. February 2001.
| کۆمنزی ویکیمیدیا، میدیای پەیوەندیدار بە ٦٤ دی دی تێدایە. |