مەحموود فارس

مەحموود فارس ١٠ی حوزەیرانی ١٩٨٣–١٢ی ئایاری ٢٠٢١) ئەندازیارێکی فەلەستینییە لە پارێزگای خان یونس لە کەرتی غەززە لەدایکبووە ئەندامی لیواکانی شەھید عیزەدین قەسام، باڵی سەربازی بزووتنەوەی بەرخۆدانی ئیسلامی حەماس لە پڕۆژەیەکدا کاری کردووە بۆ دروستکردن و پەرەپێدانی فڕۆکەی بێفڕۆکەوان لە یەکەی بەرھەمھێنانی لیواکانی قەسام نازناوی شوڕشگێڕی بەھەشت لێنراوە، ئیسرائیل لە شەڕی سەیفول قودسدا تیرۆری کردووە.

گەورەبوون و خوێندن

مەحموود محەممەد فارس لە ١٠ی حوزەیرانی ساڵی ١٩٨٣ لە پارێزگای خان یونس لە کەرتی غەززە لەدایک بووە، خوێندنی ناوەندی لە شاری غەززە وەرگرتووە، و ڕووی کردووەتە سووریا بۆ خوێندنی ئەندازیاری میکانیک لە زانکۆی تیشرین لە لازقییە.

کاری ڕێکخراوەیی

لە ساڵی ٢٠٠٧ پەیوەندی بە لیواکانی شەھید عیزەدین قەسامەوە کردووە، پەیوەندی بە خولەکانی دروستکردنی فڕۆکەی بێفڕۆکەوانەوە کردووە لە ساڵی ٢٠١٢ لەلایەن محەممەد زوارییەوە ڕاھێنانی وەرگرتووە، وەک ئەندازیاری سەرەتایی لە پڕۆژەی دروستکردن و پەرەپێدانی فڕۆکەی بێفڕۆکەوان کاری کردووە کە فڕۆکەی بێفڕۆکەوانی ئەبابیلی بەرھەم ھێنا، و بەشداری کردووە لە پەرەپێدانی فڕۆکەی بێفڕۆکەوانی شیھاب و بزوێنەری موشەک.

تیرۆرکردن

ناوی مەحموود فارس لە کاتی شەڕی غەززە-ئیسرائیل لە ساڵی ٢٠١٤ سەریھەڵدا، کە بۆ یەکەمجار فڕۆکەی ئەبابیل بەکارھێنرا، ھێزەکانی ئیسرائیلیش لە کاتی شەڕەکەدا ماڵەکەی و ماڵی بنەماڵەکەیان وێران کرد، ئیسرائیل سەرکەوتوو بوو لە تیرۆرکردنی ئەو و جومعە تەڵحە لە ١٢ی ئایاری ٢٠٢١ لە کاتی شەڕی سەیفول قودس.