میلان کوندێرا

میلان کوندێرا (لەدایکبووی ١ی نیسانی ١٩٢٩، لە برنۆی چیکۆسلۆڤاکیای پێشوو واتا لە بەشی چیکی ئێستا و مردووی ۱۱ی تەمموزی ۲۰۲۳) میلان کۆندێرا لە ڕۆماننوسە هەرە بەناوبانگەکانی ئەمڕۆی دونیایە ، باوکی لۆدڤێک کۆندێرا پیانۆژەن و لە مۆسیقاژەنە ناودارەکانی ئەو سەردەمە بوو ، کۆندێرای لاویش مۆسیقای خوێندووە لە ئەکادیمییای مۆسیقا و هونەرە درامییەکانی پراگ خوێندنی تەواو کردووە هەر لەوێدا بووە بە مامۆستای فیلمساز ، بەڵام وردە وردە ڕووی لەنووسینی شیعر و کورتەچیرۆک و شانۆنامە و ڕۆمان کردووە یەکەمین دیوانە شیعری بەناوی (مرۆڤ _باخچەیەکی بەرین_۱۹٥۳) یەکەمین شانۆنامە بەناوی (کلیلدارەکان_۱۹٦۲) و یەکەمین ڕۆمانیشی(گاڵتە _۱۹٦۷) ، کۆندێرا لەماوەی ساڵانی ۱۹٤٨_۱۹۷۰ دوو جار بۆتە ئەندامی پارتی کۆمۆنیستی چیک و هەردووجارەکە دەرکراوە لە دوای ساڵی ۱۹٦٨ کە سۆڤیەت وڵاتەکەی داگیرکرد و ڕژێمی ستالینی دەسەڵاتی سەربازی و ئایدۆلۆژی بەسەر چیکۆسلۆڤاکیادا سەپاند کۆندێرا سەرسەختانە بەرەنگاری کردن ، ڕەخنەی لەو حیزب و گروپانە گرت کە بە هەر بیانوویەکەوە یارمەتی هاتنی ئەو لەشکرەی داوە یان بانگەشە بۆ مانەوەی دەکات ، ئیتر بەرهەمەکانی بەتەواوەتی قەدەغەکرا خۆشیان لەسەر کار لابرد، لەساڵی ۱۹۷٥ دا لەگەڵ ڤیرای هاوسەریدا بەیەکجاری وڵاتی بەجێهێشت و ڕووی لە پاریس کرد لە زانکۆی رینس تا ساڵی ۱۹۷٨ وانەی وتۆتەوە، میلان کۆندێرا لە ۱۱ ی تەمموزی ۲۰۲۳ لە تەمەنی ۹٤ ساڵی دا لە شاری پاریسی فەڕەنسا کۆچی دوایی کرد.

میلان کوندێرا لە ساڵی ١٩٨٠

بەرھەمەکان

• دڵداری گاڵتەجار
• ھێواش
• ناسنامە
• نەمری
• خیانەت لە ھاوپەیمانی
• نەزانی
• پەردە
• ئاهەنگی ماڵئاوایی
• گاڵتە
• ژیان لە شوێنێکی ترە

بەستەرە دەرەکییەکان

• ماڵپەڕی فەرمی میلان کۆندێرا