مۆتۆر (لە بنەڕەتدا وشەیەکی لاتینە و بە مانای بزوێنەر و جووڵەپێکەرە) مەکینەیەکە داڕێژراو بۆ گۆڕینی وزە بە جووڵەی میکانیکی. مۆتۆرە گەرمایییەکان کە بریتین لە مۆتۆرەکانی سووتانی ناوەکی و مۆتۆرەکانی سووتانی دەرەکی (وەکوو مۆتۆری ھەڵم) بۆ دروستکردنی گەرما و پاشان دروستکردنی جووڵە لەو گەرمایە، سووتەمەنی بەکار ئەبەن. مۆتۆرە کارەبایییەکان وزەی کارەبایی ئەکەن بە جووڵەی میکانیکی، مۆتۆرە ھەوایییەکان ھەوای پەستاوتە بەکار دێنن و ئەوانی تر - وەکوو ئەوانەی وا کاتژمێرەکان ئەخەنە کار وزەی ئێلاستیک بەکار ئەبەن. لە سیستەمە بایۆلۆژیکییەکاندا، مۆتۆرگەلی مۆلیکولی، وەکوو میووزین لە ماسوولکەکاندا، بۆ دروستکردنی جووڵە وزەی کیمیایی بەکار ئەبەن.

مۆتۆری سووتانی ناوەکیی V6، ئۆتۆمبیلی مێرسێدێس