عاسم بن ئەبی نجود کووفی

ئەبووبەکر عاسم بن ئەبی نجود بەھدەلە کووفی، (بە عەرەبی: عاصم بن أبي نجود بھدلة الکوفي)، ئیبن جەزەری وتویەتی کە بەھدەلە دایکییەتی، بەڵام زەھەبی لە (سیر اعلام النبلاء) دەڵێت کە بەھدەلە باوکییەتی.

یەکێک بووە لە حەوت ئیمامەکانی قیڕائاتی سەبع، لەلای ئەبوو عەبدوڕڕەحمانی سولەمی و زوڕ بن حوبەیش قوڕئانی خوێندووە، دەگووترێ کە ئەو زۆر فەسیح و دەنگخۆش بوو، لە کووفە وەفاتی کردووە.

زۆر کەس قوڕئانیان لەلای خوێندووە و لێیان گێڕاوەتەوە، بەناوبانگترینییان ھەردوو ئیمامی حەفس بن سولەیمان کووفی و شوعبە بن عەییاش.

لە کۆتایی ساڵی ١٢٧ کۆچی دوایی کردووە، گێڕدراوەتەوە کە کۆتا قسەی ئیمام ئەم ئایەتەی ٦٢ـی سووڕەتی ئەنعام بووە: ﴿ثُمَّ رُدُّوا إِلَى اللَّهِ مَوْلَاهُمُ الْحَقِّ أَلَا لَهُ الْحُكْمُ وَهُوَ أَسْرَعُ الْحَاسِبِينَ ۝٦٢﴾ [ئەنعام:٦٢].

شایەنی باسە کە ڕیوایەتی حەفس لە عاسمەوە لە ھەموو ڕیوایاتەکانی تر بڵاوترە، لە کوردستانیش ھەر ئەو ڕیوایەتە بڵاوە.

سەرچاوەکان

• سیر اعلام النبلاء
• پەرتووک:وفیات الاعیان-ئیبن خەلەکان-بەرگی سێیەم-عاسم
• الالوکە-ترجمە الامام عاێم