ڕۆبێرتۆ مانچینی
ڕۆبێرتۆ مانچینی (گۆکردنی ئیتاڵی: [roˈbɛrto manˈtʃi:ni] ; لەدایکبووی ٢٧ی تشرینی دووەمی ١٩٦٤) ڕاھێنەری تۆپی پێی ئیتاڵییە و پێشتر یاریزان بووە. لە ئێستادا ڕاھێنەری ھەڵبژاردەی ڕاھێنەری ھەڵبژاردەی ئیتاڵیایە.
| ڕۆبێرتۆ مانچینی | |
|---|---|
| بە ئیتالی: Roberto Mancini | |
 | |
| لەدایکبوون | ٢٧ی تشرینی دووەمی ١٩٦٤ Jesi، ئیتاڵیا |
| وڵاتی وەرزش | ئیتاڵیا |
| منداڵ | Andrea Mancini، Filippo Mancini |
| کەسێکی دیار | Gianluca Vialli |
| زمانەکانی ئاخاوتن | زمانی ئیتاڵی |
| پیشە | یاریزانی تۆپی پێ، association football manager |
| شوێنی یاریکردن لە تیپ | ھێرشبەر |
| ئایین | کاسۆلیکی |
| وەرزش | تۆپی پێ |
| بەشداربووە لە | جامی جیھانیی فیفای ١٩٩٠، UEFA Euro 1988 |
| خول | خولی نایابی ئینگلیزی، Q97240987 |
| خەڵاتەکان | Italian Football Hall of Fame - Italian manager، Knight of the Order of Merit of the Italian Republic، Grand Officer of the Order of Merit of the Italian Republic |
| وێبگە | http://www.robertomancini.com |
کاتێک یاریزان بوو وەک ھێرشبەری قۆڵ یاری کردووە، لە یانەی بۆڵۆنیا ژیانی پیشەگەرانەی دەستپێکردووە، پاشان لە ساڵی ١٩٨٢ ڕووی کردە یانەی سامپدۆریا کە زیاتر لە ٥٥٠ یاری تێدا ئەنجامدا، و یارمەتی تیپەکەی دا نازناوی خولی ئیتاڵیا و چوار نازناوی جامی ئیتاڵیا و جامی براوەکانی جامی ئەورووپا بەدەستبھێنێت . ٣٦ یاری بۆ ئیتاڵیا کردووە، بەشداری لە جامی نەتەوەکانی ئەورووپای ١٩٨٨ و جامی جیھانیی فیفای ١٩٩٠ کردووە، ھەرچەندە لە جامی جیھانیی ١٩٩٠ دا بەشداری یارییەکانی نەکرد. لە ساڵی ١٩٩٧ دوای ١٥ ساڵ لە یاری بۆ سامپدۆریا، مانچینی یانەکەی بەجێھێشت و پەیوەندی بە لاتسیۆوە کرد، لەوێش توانی جگە لە جامی سوپەری ئەورووپا، دوو نازناوی دیکەی جامی ئیتاڵیا بەدەستبھێنێت. شانبەشانی جیانلویجی بوفۆن دێت کە زۆرترین جار نازناوی جامی ئیتاڵیا بەدەستھێناوە (٦).[١] ساڵی ١٩٩٤ بە فەرمی وازھێنانی لە یاری نێودەوڵەتی ڕاگەیاند[٢]
یەکەم ئەرکی ڕاھێنەرایەتی لە فیۆرێنتینا بوو لە ساڵی ٢٠٠١، تەمەنی تەنھا ٣٦ ساڵ بوو، نازناوی جامی ئیتاڵیا بەدەستھێنا. وەرزی دواتر پۆستی ڕاھێنەرایەتی یانەی لازیۆی گرتە ئەستۆ و لەوێش توانی سەرکەوتن تۆماربکات لە بردنەوەی جامی ئیتالیا. لە ساڵی ٢٠٠٤دا، مانچینی پۆستی ڕاھێنەرایەتی لە ئینتەر میلان پێشکەش کرا، سێ نازناوی لەسەریەک لە خولی ئیتاڵیا بەدەستھێنا، کە ژمارەیەکی پێوانەیی یانەکەیە؛ لە ساڵی ٢٠٠٨ لە کارەکەی دوورخرایەوە. دوای ئەوەی زیاتر لە ساڵێک لە ئەرکی ڕاھێنەرایەتی دورکەوتەوە، مانچینی لە مانگی کانوونی دووەمی ٢٠٠٩ وەک ڕاھێنەری یانەی مانچستەر سیتی دەستنیشانکرا. یارمەتی سیتی دا لە وەرزی ٢٠١٠–٢٠١١ جامی یەکێتی ئینگلتەرا بباتەوە، کە یەکەم نازناوی گەورەی یانەکەی بوو لە ماوەی ٣٥ ساڵدا. مانچینی لە مانگی ئەیلوولی ساڵی ٢٠١٣ ئەرکی ڕاھێنەرایەتی لە یانەی گەلاتەسەرای تورکی وەرگرت و لە تاکە وەرزیدا لە یانەکەیدا نازناوی جامی تورکیای بەدەستھێنا، پێش ئەوەی بۆ ماوەی دوو ساڵی دیکە بگەڕێتەوە ئینتەرمیلان پێش ئەوەی ڕاھێنەرایەتی یانەی یانەی زێنیت ڕووسی بکات. لە ساڵی ٢٠١٨ ڕاھێنەری ھەڵبژاردەی ئیتاڵیا بوو، دوای ئەوەی ئیتاڵیا نەیتوانی سەرکەوێت بۆ جامی جیھانیی فیفای ٢٠١٨. لە ساڵی ٢٠٢١ توانی نازناویی دووەمی جامی نەتەوەکانی ئەورووپا بۆ ئیتالیا بەدەستبھێنێت. پاشان لەژێر ئیدارەی ئەودا، ئیتاڵیا بۆ دووەمجار لەسەریەک نەیتوانی بگاتە جامی جیھانیی فیفا دوای دۆڕان بەرامبەر مەقدۆنیای باکوور.
مانچینی لە ھەموو وەرزێکدا کە ڕاھێنەر بووە، لە ساڵی ٢٠٠٢ تا ٢٠١٤، لانیکەم گەیشتووەتە قۆناغی پێش کۆتایی پێشبڕکێیەکی گەورە. خاوەنی کۆمەڵێک ڕیکۆردە، لەوانە زۆرترین یاریی کۆتایی جامی ئیتاڵیا لەسەریەک لە ساڵی ٢٠٠٤ تا ٢٠٠٨، لەگەڵ لازیۆ جارێک لە ٢٠٠٤ و لەگەڵ ئینتەرمیلان لە چوار وەرزی دواتردا.[٣]
سەرچاوەکان
دەستکاری- ^ «Buffon wins Coppa with Chiesa Senior and Junior». www.football-italia.net. ١٩ی ئایاری ٢٠٢١. لە ١٩ی ئایاری ٢٠٢١ ھێنراوە.
- ^ «Roberto Mancini Profile». PlanetSport (بە ئینگلیزی). لە ١ی ئابی ٢٠٢٣ ھێنراوە.
- ^ Cox، Michael. «Talking Tactics: Mancini the cup specialist». ITV. لە ڕەسەنەکە لە ٢٥ی ئازاری ٢٠١١ ئەرشیڤ کراوە. لە ٢٨ی تشرینی یەکەمی ٢٠١٣ ھێنراوە.
بەستەرە دەرەکییەکان
دەستکاری
| کۆمنزی ویکیمیدیا، میدیای پەیوەندیدار بە ڕۆبێرتۆ مانچینی تێدایە. |