خوا لە ئیسلامدا

خوا لە ئیسلامدا، زاتێکی بێ ھاوتا و دادپەروەرە، نەمرە و ھیچ ھاوەڵ و ھاوبەشێکی نیە، پەرستراوی حەقی ھەموو دروستکراوانە، و موسڵمانان لەو باوەڕەدان کە خوا تاک و تەنھایە و جێی ڕاز ونیازە، بەخشندە و میھرەبانە، لە گوناە خۆش دەبێت و گەڕانەوە وەر ئەگرێت و جیاوازی ناکات لە نێوان خەڵکدا تەنھا بە کردەوەی چاک نەبێت. دروستکەری گەردوونە و باڵادەستە بەسەر ھەموو شتێکیا، جیاوازە لە ھەموو دروستکراوانی و دوورە لە پێشبینی بەشەر.... یەکەم بنەمای بیروباوەڕ یان عەقیدەی ئیسلام باوەڕبوونە بە بوونی خوا (ﷲ). کە ئەمەش باوەڕی تەواو ئەگریتەوە بە خوا وەک پەروەردگاری پەرستراوی تاک و بێ ھاوەڵ، و ھەروەھا باوەڕبوون بە ھەموو ناو و سیفەتەکانی خوا کە لە قورئان و سوننەتی پێغەمبەردا ھاتوون.

باوەڕبوون بە خوا

باوەڕبوون بە خوا یەکەم پایەیە لە پایەکانی باوەڕ وەک پێغەمبەری ئیسلام ڕوونی کردۆتەوە لە وەڵامی پرسیارێکی جوبڕەیلدا لەسەر باوەڕ، فەرموویەتی (باوەڕت بە خوا و فریشتەکانی و کتێبەکانی و پێغەمبەرەکانی ھەبێت...)

و باوەڕ بە خوا ڕۆحی ئیسلامە، و گرنگنرین پایەی بیروباوەری ڕاستە، و مانای باوەربوون بە خوا ئەوەیە کە موسڵمان باوەری ھەبێت بەوەی کە خوا پەروەردگاری ھەموو بونەوەرە، و ھیچ پەروەردگارێک نیە بێجگە لە ئەو، بەدیھینەری ھەموو بوونەوەرە و بەدیھینەر نیە بێجگە لە ئەو، و خاوەن ڕەھایی تەواوە، و بڕیاردان و خاوەنێتی بە دەستە، و پەرستراوی حەقە و ھاوبەشی نیە، و موسڵمانان لەو باوەرەدان کە خوا خاوەنی ھەموو سیفەتێکی تەواوە، لە کەس نەبووە و کەسی لێ نابێت و هاوبەشی نیە. بەم شێوەیە باوەربوون بە خوا چوار بوار ئەگرێتەوە؛

• یەکەم/ باوەڕبوون بە بوونی خوا.
• دووەم/ باوەربوون بە پەروەردگارێتی خوا
• سێیەم/ باوەربوون بە پەرستراوێتی خوا
• چوارەم/ باوەڕبوون بە ناو وسیفەتەکانی.

سیفەتەکانی خوا

وتاری سەرەکی: ناوە جوانەکانی خوا

لە ئیسلامدا، خوا پەرستراوی حەق و تاک و تەنھایە، زانا و بەدیھێنەرە و ڕۆزی دەری ھەموو زیندەوەرانە، بەتوانا و بەخشندە و بە بەزییە لە گوناە خۆش دەبێت و گەڕانەوە وەردەگرێت و لێبوردە و لێخۆشبووە و کار بەجێ و لێزانە و جێی ڕاز و نیازە، ھەروەھا خوا نەوەد و نۆ ناوی ھەیە کە موسڵمانان باوەڕیان پێی ھەیە.

بابەتە پەیوەندیدارەکان

• بیروباوەڕی ئیسلامی
• پایەکانی باوەڕ

سەرچاوەکان

• باوەڕبوون بە خوای گەورە، وەرگێڕانی/ محمد عبدالرحمن لطیف
• https://web.archive.org/web/20160306085431/http://islam.aljayyash.net/encyclopedia/book-%D9%A1%D9%A1-%D9%A4