حەسەن یووسف
حەسەن یووسف (لەدایکبووی ١٩٥٥) چەکدارێکی فەلەستینییە و ھاوبەشی دامەزرێنەری بزووتنەوەی حەماسە و لە ئێستادا وەک سەرۆکی ڕێکخراوەکە لە کەناری ڕۆژاوا کاردەکات.
ناوبراو بە ئەندامی کوتلەی توندڕەوی حەماس دادەنرێت و خۆی لە ھەر باسێکی نزیکبوونەوەی ئیسرائیل و فەلەستین دەپارێزێت.[١] ھەروەھا بە یەکێک لە سەرکردە ڕۆحییەکانی حەماس دادەنرێت.[٢]
یووسف ھاوسەرگیری لەگەڵ سەبا ئەبو سالم کردووە. خاوەنی شەش کوڕ و سێ کچن. کوڕە گەورەکەی، موسعەب حەسەن یووسف، لە ساڵی ١٩٩٧ تا ٢٠٠٧ بە نھێنی لەگەڵ شین بێت کاریان کردووە بۆ ڕێگریکردن لە ھێرشکردنە سەر ھاووڵاتیانی مەدەنی ئیسرائیل، چونکە ئەو جۆرە ھێرشانە بە بێ ئەخلاقی و وێرانکەری دۆزی فەلەستین دەزانی. لەلایەن باوکییەوە ئینکاری لێکرا بەڵام لەلایەن زۆرێک لە ئەمریکییەکان و ھەروەھا ئیسرائیلییەکانەوە بە پاڵەوان دادەنرێت.[٣][٤]
لە ٢ی تەممووزی ٢٠١٩، سوھەیب حەسەن یووسف کوڕە بچووکەکەی حەسەن لە چاوپێکەوتنێکدا لەگەڵ تەلەڤیزیۆنی ئیسرائیل دەرکەوت و ڕەخنەی لە حەماس گرت و بە ڕێکخراوێکی تیرۆریستی گەندەڵ وەسفی کرد کە ئەمەش توڕەیییەکی زۆری ئەندامانی حەماس لێکەوتەوە کە بە خیانەتکار و ھاوکار و تۆڕەکانی دیکەی سەر بە حەماس وەسفیان کرد وتی کە لەگەڵ مۆساد کاردەکات کە بە تەواوی ڕەتیکردەوە.[٥]
سیاسەت و دەستگیرکردن
دەستکارییووسف چەند جارێک لەلایەن دەسەڵاتدارانی ئیسرائیلەوە دەستگیرکراوە، کە لە ساڵی ١٩٩٣ەوە دەست پێدەکات. بوو بە سەرکردەی بینراوی ئینتیفادەی دووەم. بەپێی ناوەندی زانیاری فەلەستین، یووسف زیاتر لە ٢٣ ساڵ لە زیندانەکانی ئیسرائیلدا بەسەر بردووە.
لە ساڵی ٢٠٠٥دا یووسف لە زیندان کاندید کرا بۆ نوێنەرایەتیکردنی بزووتنەوەی حەماس لە کاتی ھەڵبژاردنەکاندا. ئەمەش پێچەوانەی ویستی ئەو بوو، بەو پێیەی پێی وا نەبوو حەماس ببێتە پارتێکی سیاسی. سەرەتا ئامادە نەبوو کاندیدکردنەکە قبوڵ بکات، بەڵام دواجار ڕازی بوو، کاتێک بۆی دەرکەوت کوڕە گەورەکەی ھەڕەشەی کوشتنی لێ کراوە.[٦]
لە ١٩ی تشرینی یەکەمی ٢٠١٥، لە کاتی نائارامییە بەردەوامەکانی فەلەستین، ھێزەکانی بەرگری ئیسرائیل ھەڵیانکوتایە سەر ماڵی یووسف لە بەیتونیا لە کەرتی ڕۆژاوا و دەستگیریان کرد و تۆمەتباریان کرد بە ھاندانی توندوتیژی.[٧] لە ٣١ی ئابی ٢٠١٧ ئازاد کرا.[٨] دوای چەند مانگێک، لە مانگی کانوونی دووەمدا جارێکی دیکە لەلایەن دەسەڵاتدارانی ئیسرائیلەوە دەستگیرکرا و تا مانگی تشرینی یەکەمی ٢٠١٨ دەستبەسەرکرا.[٩] ھەر جارێک لە دەستبەسەرکردنی کارگێڕیدا ڕاگیرابوو، واتە زیندانیکردن بەبێ دادگاییکردن و تۆمەتبارکردن. ڕۆژی ٣ی تشرینی یەکەمی ٢٠٢٠ جارێکی دیکە دەستگیرکرایەوە.[١٠] لە ١٩ی تشرینی یەکەمی ٢٠٢٣ جارێکی دیکە دەستگیرکرایەوە لە چوارچێوەی سەرکوتکردنی فراوانتری ئیسرائیل بۆ سەر حەماس دوای لەشکرکێشی حەماس لە ٧ی تشرینی یەکەم.[١١]
سەرچاوەکان
دەستکاری- ^ Avi Issacharoff, Haarez News, 21 June 2006
- ^ Caridi، Paola (2012). Hamas: From Resistance to Government. Seven Stories Press. pp. 362. ISBN 978-1-60980-382-7.
- ^ Elsworth، Catherine (August 24, 2008). «Mosab Hassan Yousef, son of Hamas leader, becomes a Christian». Daily Telegraph. London. لە March 7, 2010 ھێنراوە.
{{cite news}}: نرخەکانی ڕێکەوت بپشکنە لە:|access-date=و|date=(یارمەتی) - ^ Mosab Hassan Yousef (2010). -9781414333076 Son of Hamas.
{{cite book}}: نرخی|url=بپشکنە (یارمەتی) - ^ Eglash، Ruth (2019-07-08). «Son of Hamas leader calls the militant movement a 'racist terror organization'». Washington Post (بە ئینگلیزیی ئەمەریکایی). ISSN 0190-8286. لە 2023-10-20 ھێنراوە.
- ^ Yousef, Mosab Hassan, and Ron Brackin, Son of Hamas. SaltRiver, 2010. ISBN 9781414333076 p235
- ^ «WATCH: IDF troops arrest Hamas co-founder Hassan Yousef before dawn». The Jerusalem Post | JPost.com. ٢٠ی تشرینی یەکەمی ٢٠١٥.
- ^ «Hassan Yousef». Addameer. ٢٣ی کانوونی دووەمی ٢٠١٨.
- ^ «Israel renews administrative detention of Palestinian MP, Hassan Yousef». Middle East Monitor. ٦ی حوزەیرانی ٢٠١٨.
- ^ «Israeli army arrests senior Hamas leader in West Bank: sources - Xinhua | English.news.cn». www.xinhuanet.com.
- ^ «Security forces arrested a Senior Hamas operative in the West Bank, IDF». Ynetnews. 19 October 2023.
{{cite news}}: نرخەکانی ڕێکەوت بپشکنە لە:|date=(یارمەتی)
