توون دیزنی
تون دیزنی (بە ئینگلیزی: Toon Disney) کەناڵێکی جیھانی دیجیتاڵی کەیبڵ و مانگی دەستکردە کە پێشتر خاوەندارێتی کەناڵەکانی جیھانی دیزنی بووە و سەر بە گرووپی تەلەڤیزیۆنی دیزنی-ABCیە. کەناڵەکە لقێکی کەناڵی دیزنییە، کەناڵەکە زۆربەی زنجیرە ئەنیمەیشنی منداڵان و ھەندێک بەرنامەی لایڤ ئەکشن پەخش دەکات. ڕکابەرییەکی بەھێزی ھەبوو بۆ دیسکۆڤەری کیدز و کارتۆن نێتۆرک و نیک تونز. ئامانجی کەناڵەکە منداڵانی تەمەن ٢-١١ ساڵ بوو، ھەروەھا منداڵانی تەمەن ٧-١٤ ساڵ لە کاتی بەشێکی شەوانەدا بە ناوی GITEX.[١] تون دیزنی لە ١٣ی شوباتی ٢٠٠٩ داخرا، دوای نزیکەی ١١ ساڵ لە پەخشکردنی بەردەوام، لە شوێنیدا دیزنی ئێکس دی گرتەوە کە ھەندێک لەو بەرنامانە پەخش دەکات کە پێشتر لە تون دیزنی بینراون.
تون دیزنی لە ١٨ی نیسانی ١٩٩٨ کە ١٥ ساڵەی دەستپێکردنی کەناڵی دیزنی بوو، لەلایەن تۆڕی دیزنی ئەی بی سی لەسەر ئاستی دیجیتاڵی لە Directv و Marcus Cable و Echoster دەستیپێکرد. یەکەم بەرنامە کە لە کەناڵەکەدا پەخشکرا، شاگردی جادووگەر (١٩٤٠) و کورتە فیلمەکانی تری میکی ماوس بوو. بۆ دەستپێکردنی، کەناڵەکە نیوەی زنجیرە تەرخانکراوەکانی لەگەڵ کەناڵی دیزنی ھاوبەش کرد. کەناڵەکە ھیچ ڕیکلامێکی نەبوو تا ژمارەی بینەران نەگەیشتە ژمارەیەکی دیاریکراو.[٢] لە مانگی یەکی ساڵی ١٩٩٩ یەکەم ئەڵقەی فیلمی "پومبا" نمایشکرا.
