بانگەوازی ئاگربەست لە ماوەی شەڕی ئیسرائیل و حەماس

لە ماوەی شەڕی ئیسرائیل و حەماس لە ساڵی ٢٠٢٣دا، داوای ئاگربەست تایبەتمەندییەکی باوی کاردانەوە نێونەتەوەیییەکان بوو بەرامبەر بەو ململانێیە. زۆرێک لە لایەنە نێونەتەوەیییەکان بە ھۆی جددیەتی قەیرانی مرۆیی لە غەززە و ژمارەی زۆری کوژراوانی مەدەنی کە لە ئەنجامی گەمارۆ و لەشکرکێشییەکانی ئیسرائیل بۆ سەر کەرتی غەززە، پێویستی بەپەلەی ئاگربەستیان زانیوە. شایەنی باسە سەرکردەکانی ھەندێک لە حکوومەتە ئەوروپییەکان کە بەگشتی پشتیوانی ئیسرائیل دەکەن لە ململانێی ئیسرائیل و فەلەستین، لەنێو ئەو دەنگانەدا ھەبوون داوای ئاگربەستیان دەکرد، لەوانە فەڕەنسا، ئیسپانیا، پورتوگال و ئێرلەندا، لەگەڵ تورکیا، ڕووسیا، میسر، قەتەر، سعوودیە، و ئەوانی تر.

خۆپیشاندەرێک لە گردبوونەوەیەکی لایەنگری ئاگربەست لە فینلاند

خۆپیشاندانێک کە داوای ئاگربەست لە تۆرۆنتۆ دەکات

باسکردن لە کاریگەری و کاتی ئاگربەست لە گوتاری سیاسی ناوخۆیی زۆرێک لە وڵاتاندا دیار بووە، لەوانە ئەمریکا و بەریتانیا، کە حکوومەتەکانیان لەبری ئەوە داوای "راگرتنێکی کاتییان کرد لەبەر ھۆکاری مرۆیی". ڕۆژی ١١ی تشرینی دووەم بێنیامین نێتانیاھۆ سەرۆکوەزیرانی ئیسرائیل بەردەوام بوو لە ڕەتکردنەوەی داواکارییەکانی ئاگربەست، لەکاتێکدا لە سێزدەی ھەمان مانگدا وتەبێژی لیواکانی قەسام کە سەر بە حەماسە، پێشنیازی ئازادکردنی حەفتا بارمتەی ئیسرائیلی کرد لە بەرامبەردا ماوەی پێنج ڕۆژ ئاگربەست بکرێت.