ئەشقی شێتانە (زنجیرەی تەلەڤیزیۆنی)

ئەشقی شێتانە (بە تورکی: Kara Sevda «کەرە سێڤدا») بریتییە لە زنجیرە درامایەکی ڕۆمانسی دڵتەنگی تورکی لە بەرھەمھێنانی کۆمپانیای مانگ بۆ بەرھەمھێنانی ھونەرییە پەخش کراوە لەسەر کەناڵی ستار تیڤی تورکی لە ڕێکەوتی ١٥ تشرینی یەکەمی ٢٠١٥. وەرزی یەکەم پێکدێت لە ٣٥ زنجیرە کە کار لێی تەواو بوو لە حوزەیرانی ٢٠١٦. وەرزی دووەم پەخش کرا لە ٢١ ئەیلولی ٢٠١٦.

چیرۆک

چیرۆکی زنجیرەکە دەسوڕێتەوە بەدەوری کەمال (بوراک ئۆزچیڤیت) کە گەنجێکی ھەژارە لەگەڵ نیھان (ناسلیھان ئەتاگول) کە کچێکی دەوڵەمەندە، کەمال و نیھان دەکەونە داوی خۆشەویستییەوە، وە لە لایەنێکی تر ئەمیر ھەیە کە پیاوێکی دەوڵەمەندی خاوەن دەسەڵاتە دەیەوێت وا لە نیھان بکات بکەوێتە داوی خۆشەویستی ئەوەوە بۆیە ھەڵدەستێ بەیامەتی باوکی بە بۆسە دانان بۆ براکەی بە تاوانی کوشتن، وە ھەڕەشە لە بنەماڵەکەی دەکات کە بە پۆلیس دەڵێت ئەگەر نیھان ڕازی نەبێت ھاوسەرگیری لەگەڵ بکات. وە ئەمە نیھان ناچار دەکات ھاوسەرگیری لەگەڵ کەمال نەکات و ھاوسەرگیری لەگەڵ ئەمیر بکات. وە دوای پینج ساڵ کەمال دەگەڕێتەوە بە مەبەستی تۆڵەکردنەوە، پاشان گومان لە ھاوسەرگیرییەکەیان دەکات، وە ھەوڵ دەدات ھۆکاری ھاوسەرگیرییەکەی بۆ ئاشکرا ببێت و پاشان نیھان دان بەھموو شتێک دەنێت و ئەویش سوێن دەخوات کە ڕزگاری کات لەو زیندانەی تێیدایە وە لەو ھاوسەرگیرییەی بە ئەمیر وە لەم کاتەدا کەمال ئاشنا دەبێت بە چەند کەسایەتییەکی مافیا و تێکەڵی چەند کارێک دەبێت پاشان لەگەڵ نیھان بڕیار دەدەن ڕابکەن و چیرۆکی ئەشقەکەیان دوور لە ئەمیر بژین، وە براکەی نیھان ھاوسەرگیری لەگەڵ خوشکی کەمال کردووە وە بەیەکەوە ڕایان کرد بەڵام خوشکەکەی کەمال پەیوەندی ھەیە لەگەڵ ئەمیر و شوێنی کەمال بە ئەمیر دەڵێت پاشان ئەمیر دێت بۆلای نیھان ھەڕەشەی کوشتنی کەمالی لێ دەکات ئەگەر نەگەڕێتەوە لەگەڵی، وە لەگەڵی گەڕایەوە، گەڕایەوە و بەکەمالی وت کە ئەو ڕقی لێیەتی و ھەوڵ دەدات ئەمیری خۆش بووێت وە دوای ئەوە کەمال ڕوو دەکاتە دادپەروەری وە ئۆزان (برای نیھان) دەکاتە ناو زیندان وە نیھان دەست دەکات بە توڕە بوون لە کەمال.

وە یارمەتیدەرەکەی ئەمیر (تۆفان) ھەڵدەستێ بە ناردنی وێنەی ئەمیر و زەینەب بۆ ئۆزان لە زیندان ھاوار دەکات، دەگری، بێزار دەبێت، توڕە دەبێت، پاشان دەکەوێتە نەخۆشخانە بەھۆی ژەھراوی بوونەوە کە ئەمیر پیلانی بۆ گێڕاوە و دەیەوێت لە زیندان بیفڕێنێ بەڵام کە زانی وێنەکانی بینیوە پیلانەکەی دەگۆڕێت بۆ کوشتنی. وە لێرە وەرزی یەكەم تەواو دەبێت

ئەکتەرەکان و کەسایەتییەکان

• بوراک ئۆزچیڤیت بە ڕۆڵی کەمال سۆیدەری
• ناسلیھان ئەتاگول بەڕۆڵی نیھان سیزین
• کان ئورجان شیئۆغلو (Kaan Organcıoğlu) بەڕۆڵی ئەمیر کۆزجی ئۆغڵو
• ئورھان جونار بەڕۆڵی حسێن سۆیدەری
• نیشی بایکنت بەڕۆڵی ڤیلدان سیزین
• زینو ئیراجار بەڕۆڵی فەھیمە سۆیدەری
• روزگار ئاکسۆی بەڕۆڵی تارق سۆیدەری
• باریش بایکوت بەڕۆڵی ئۆزان سیزین
• زیرین تیکیندور بەڕۆڵی لەیلا
• ھەزاڵ فیلیز بەڕۆڵی زەینەب
• میلسیا ئاسڵی بەڕۆڵی ئاسو
• چاغلا دەمیر بەڕۆڵی بانو

بەستەرە دەرەکییەکان

• وێبگەی فەرمی (تورکی)