ئەبووسەعید ئەبولخەیر

ئەبووسەعیدی ئەبولخەیر (بە فارسی: ابوسعید ابوالخیر)، (٣٥٧-٤٤٠ی کۆچی) لە عارفان و شاعیرانی ناسراوی فارسە. ئەبووسەعید، ھەم لە بواری خواناسیدا زۆر ناسراوە و لە ڕیزی خواناسانی گەورەی ئیسلامیە و ھەم لە بواری شێعردا دەستێکی بەرزی ھەبوە و لە چوارینە نووسە ناسراوەکانی فارسە.

ئەبووسەعید ئەبولخەیر
ابوسعید ابوالخیر
لەدایکبوون	٧ی کانوونی یەکەمی ٩٦٧  Miana
مەرگ	١٢ی کانوونی دووەمی ١٠٤٩  (٨١ ساڵ ژیاوە) خۆراسان
گۆڕ	Miana
پیشە	زانای عەقیدە، شاعیر
پلە	murshid

ژیان

ئەبوو سەعید لە ساڵی ٣٥٧ی کۆچیدا لە شاری میھەنە لە وڵاتی تورکمانستان لە دایک بوە. لە لای باوکی و زانایانی ئەو شارەدا دەرسی خوێندوە. ھەروەھا سەفەرێکی بۆ شاری نەیشابوور کردوە و لەوێدا چاوی بە زانایان و گەورەپیاوانی ئەو شارە کەوتوە. ئەبووسەعید لە دوا ماوەیەک ڕووی لە ڕێبازی سۆفیان کرد و بوو بە یەکێک لە گەورەترین خواناسانی ئەو سەردەمە. لە ساڵی ٤٤٠ی کۆچیدا لە دنیا ماڵئاوایی کرد و ھەر لە میھەنەدا نێژرا.

بەرھەمەکان

بووسەعید بێجگە لە شێعرەکانی ھیچ بەرھەمێکی نووسراوی لە دوا خۆی بە جێ نەھێشت بەڵام ناوی و قسەکانی لە زۆر جێگەی عیرفانی ئیسلامی و ئەدەبی فارسیدا ھەیە.

ئەو بەرھەمانەی پەیوەندیان بە شێخ سەعیدەوە ھەیە بریتین لە:

• اسرار توحید فی مقامات شیخ ابی سعید: نووسراوەی محەمەد کوڕی منەووەرە کە لە نەسڵی ئەبووسەعیدە، ئەم کتێبە بە پەخشانی فارسیە و بە سەرھاتەکانی بووسەعیدی تێدایە.
• رسالە حالات و سخنان شیخ ابوسعید: نووسراوەی ئەبووڕۆح لوتفوڵا کە لە نەسڵی ئەبووسەعیدە
• شێعرەکانی ئەبووسەعید کە بە فارسین

سەرچاوەکان

• شەڵماشی، م.، مەجلیسی ئەولیا، بڵاوکەرەوەی کوردستان، سنە، ١٣٨٦.
• ویکیپیدیای فارسی