ئێزرا پاوەند

ئێزرا وێستۆن لوومیس پاوەند (لەدایکبووی ٣٠ی ئۆکتۆبەری ١٨٨٥ - لە ١ی تشرینی دووەمی ١٩٧٢ کۆچی دوایی کردووە)، شاعیرێکی ئەمریکییە لە بنەماڵەیەکی ئەرستۆکراتی و باڵا، بە ڕەچەڵەک ئێرلەندی بوو، لە سەدەی بیستەمدا. لە ئینگلتەرا بووە یەکێک لە پێشەنگەکانی بزووتنەوەی وێنەگەری و یەکەم گوڵچنی شیعری شوێنکەوتوانی ئەم بزووتنەوەیە لە ژێر ناوی وێنەگەراکانی بڵاوکردەوە. بە ھاوکاری لەگەڵ ڤیندھا لویس گۆڤاری بلاستی بڵاوکردەوە، کە بڵاوکەرەوەی بیری ڤێرتیستەکان بوو. ھەروەھا زانیاریدەری دەرەکیی گۆڤاری شیعریش بوو، لە ھەمان ئەو ساڵانەدا سەرنووسەری گۆڤاری لیتل ڕیڤیو بووە. ئەو کاریگەر بوو بە شیعری یۆنانی کۆن و شیعری ڕۆژھەڵاتی و گۆرانی سەدەکانی ناوەڕاست و شێوازی پارەدانی ھێماگەرایانە بووە. بەھۆی تێڕوانینە سیاسییە ئاڵۆزەکانییەوە، تا ئێستاش ھەر وەک سەردەمی ژیانی خۆی، بەرھەمەکانی جێی مشتومڕن. خەڵکی ویلایەتی ئایداھۆ بووە و لە ئیتاڵیا کۆچی دوایی کردووە .