ھرانت دینک
ھیرانت دینک (ماوەی ژیان : ١٥ی ئەیلوولی ١٩٥٤ لە مەلەدی لە تورکیا تاکوو ١٩ی کانوونی دووەمی ٢٠٠٧) ڕۆژنامەنووس و ستوونسووس و سەرنووسەرێکی تورکی بەڕەچەڵەک ئەرمەنی بووە، لەشاری مەلادی باشوری ڕۆژھەڵاتی تورکیا لە ١٩ ئەیلوولی ساڵی ١٩٥٤ لەدایک بووە، دایک و باوکی لەیەک جیابونەتەوە و ئەویش تا تەمەنی ٧ ساڵان لەماڵی نەنکی بووە و دواتر چۆتە ھەتیوخانەیەکی ئەرمەنی لە ئەستەنبول و تاکو قۆناغی ناوەندی لەو ھەتیوخانەیە خوێندووە و پاشان بەھۆی ئەوەی چۆتە سەر ڕێبازی بیروباوەڕی کۆمۆنیزم ماوی لەھەتیوخانەکە دەرکراوە و ئەویش قۆناغی ناوەندی لە قوتابخانەی سیسیلی تەواوکردووە. ھیرانت دینک بڕوانامەی بەکالۆریۆسی لەبواری ئاژەڵ لە زانکۆی ئەستنبول وەرگرتووە و دواتر چۆتە بەشی فەلسەفە، دوتر وازی لەخوێندن ھێناوە و خۆیی و ڕایتشڵی ھاوسەری خەیوەتگایەکیان بۆ پێگەیاندنی لاوە ئەرمەنیەکان کردۆتەوە کە ١٥٠٠ ھەتیوی لەخۆگرتبوو بەڵام لەساڵی ١٩٧٩ دەسەڵاتدارانی تورکیا دەستیان بەسەر خەیوەتگاکەدا گرتووە و ئەویش چیرۆکێکی لەسەر خەیوەتگای ھەتیوە ئەرمەنەکاندا نوسیوە و بەھۆی ھەڵوێستە سیاسیەکانێوە ٣ جار زیندانی کراوە. ھیرانت دینک لەساڵی ١٩٩٦ ڕۆژنامەی ئاغۆسی دامەزراندووە و خۆشی وەکو سەرنوسەر لەو ڕۆژنامەیەدا کاری کردووە و بەھەردوو زمانی تورکی و ئەرمەنی بڵاودەکرایەوە و کڕیارانی ئەم رۆژنامەیەش گەشتۆتە ٦٠٠٠ کەس، بەھۆی ئەوەی داکۆکی لە مافەکانی ئەرمەن کردووە و داوای لەحکومەت کردووە دان بە کۆمەڵکوژی ئەرمەنەکاندا بنێت ھیرانت دینک ڕوبەڕوی ناڕەحەنی و ھەڕەشەیەکی زۆر بۆتەوە و لەساڵی ٢٠٠٦ بەتۆمەتی سوکایەتی کردن بە ناسنامەی تورکی بۆ ماوەی ٦ مانگ زیندانی کراوە. ھیرانت دینک لەساڵی ٢٠٠٥ لەلایەن ڕێکخراوی مافی مرۆڤی تورکیاوە خەڵاتی ئازادی بیرکردنەوە و گوزارشتکردنی وەرگرتووە، ساڵی ٢٠٠٦ لەلایەن گۆڤاری سترنەوە خەڵاتی ئازادی بیرکردنەوە و قارەمانی ڕۆژنامەوانی پێبەخشراوە و خەڵاتێ دیکەشی بۆ بیرۆکە و بیرکردنەوەی وەرگرتووە، ساڵی ٢٠٠٧ پێش مردنی خەڵاتی بجۆرنسۆنی نەرویجی بۆ مافی مرۆڤی بەدەستھێناوە. ھیرانت دینک لە ١٩ یەنایری ٢٠٠٧ لەبەردەم بارەگای ڕۆژنامەکەیدا ئاغۆس ھاوڵاتیەکی بەڕەچەڵەک تورک لەڕقی ئەوەی ئەرمەن بووە و داکۆکی لەمافی ئەرمەن کردووە داوێتە بەر دەستڕژی گوللە و دەست بەجێ گیانی لەدەستداوە.
| ھرانت دینک | |
|---|---|
 Hrant Dink Peace Monument in Mersin, Turkey | |
Հրանտ Դինք  | |
| لەدایکبوون | ١٥ی ئەیلوولی ١٩٥٤ مەلەتی |
| مەرگ | ١٩ی کانوونی دووەمی ٢٠٠٧ (٥٢ ساڵ ژیاوە) ئەستەمبوڵ |
| گۆڕ | Balıklı Armenian Cemetery |
| زانکۆ |
|
| پیشە | Columnist، یاریزانی تۆپی پێ، ڕۆژنامەوان، بەرگریکاری مافی مرۆڤ، نووسەر، ڕای ڕۆژنامەنووس، editing staff، publisher |
| ھاوسەر | Rakel Dink |
| مناڵ | Arat Dink |
| خەڵاتەکان |
|
| پلە | editor-in-chief (Agos، ١٩٩٦–٢٠٠٧) |
سەرچاوە
دەستکاری- بەشداربووانی ویکیپیدیا، «هرانت دينك»، ویکیپیدیای عەرەبی. سەردان لە ١٤ی کانوونی یەکەمی ٢٠٢٠.
| کۆمنزی ویکیمیدیا، میدیای پەیوەندیدار بە ھرانت دینک تێدایە. |