گەڕاوە لە مردن (فیلم)
ئەم وتارە ئاماژەی بە ھیچ سەرچاوەیەک نەداوە. تکایە بە دانانی ئاماژە بۆ سەرچاوە بڕواپێکراوەکان، ئەم وتارە باشتر بکە. دەقە بێسەرچاوەکان لەوانەیە داوای سەرچاوەیان لێ بکرێت یان لاببرێن. |
گەڕاوە لە مردن (بە ئینگلیزی The Revenant) فیلمێکی ئەمریکی ژیاننامەیی و کاوبۆییە دەرھێنراوە لەلایەن ئەلێخاندرۆ گۆنزالێس ئیناریتو. چیڕۆکی فیلمەکە لە نۆڤلەکەی مایکڵ پونک وەرگیراوە بەھەمان سەردێر. چیڕۆکی فیلمەکە ڕاستییە و باسی سەردەمی ھیندیە سوورەکان دەکات و بەتایبەتیش پیاوێکی لای سنوورەکانی ئەمریکا بەناوی ھیوگ گلاس. فیلمەکە لەنواندی ئەکتەران لیۆناردۆ دی کاپریۆ، تۆم ھاردی، ویل پۆلتەر و دۆمنھال گلیسنە.
| The Revenant گەڕاوە لە مردن | |
 | |
| دەرھێنەر | ئەلێخاندرۆ گۆنزالێز ئیناریتو |
|---|---|
| بەرھەمھێنەر | ئەلێخاندرۆ گۆنزالێز ئارنۆن میلچان ماری پارنێت کیت ڕێدمەن |
| نووسین | مارک سمیت ئەلێخاندرۆ گۆنزالێز ئیناریتو |
| سەرچاوەی چیڕۆک | (The Revenant) نووسەر: مایکڵ پەنک |
| کاست | لیوناردۆ دیکاپریۆ تۆم ھاردی ویل پۆلتەر دۆمنھۆڵ گلیسن |
| مۆسیقا | کارستن نیکۆلای |
| دەستکاری | ستێفن میرۆن |
| کۆمپانیای بڵاوکەرەوە | فۆکسی سەدەی ٢٠ەم |
| ڕێکەوتی دەرچوون | ٢٥ی کانوونی یەکەمی ٢٠١٥ویلایەتە یەکگرتووەکان ٨ی کانوونی دووەمی ٢٠١٦جیھان |
| ماوەی فیلم | ١٢٢ |
| وڵات | ویلایەتە یەکگرتووەکان |
| زمان | ئینگلیزی |
| تێچوون | ١٣٥ میلیۆن دۆلار |
فیلمەکە بەشێوەیەکی سنووردار لە سینەماکانی ئەمریکا لە ٢٥ی کانوونی یەکەمی ٢٠١٥ بڵاو دەبێتەوە و بەشێوەیەکی فەرمی لە ٨ی کانوونی دووەمی ٢٠١٦ بڵاو دەبێتەوە.
جگە لەوەش فیلمەکە لە ١٠ی کانوونی دووەمی ٢٠١٦ توانی سێ خەڵاتی گۆڵدن گڵۆب بباتەوە کە بریتین بوو لەخەڵاتی باشترین دەرھێنەر (ئەلیخاندرۆ گۆنزالێس) و باشترین ئەکتەر (لیۆناردۆ دی کاپریۆ) و باشترین فیلمی دراما. جگە لەوەش پاڵێوراو کرا بۆ ١٢ خەڵاتی ئۆسکار. توانی سێ دانەیان بباتەوە کە بریتی بوون: باشترین سینەماتۆگرافی (ئیمانوێل لۆبێزسکی)، باشترین دەرھێنەر (ئەلیخاندرۆ گۆنزالێز ئیناریتو)، و گرینگترینیان بۆ ئەکتەر (لیۆناردۆ دی کاپریۆ) بوو.
چیڕۆک
دەستکاریلە ساڵی ١٨٢٣، ھیوگ لاس (دی کاپریۆ) لەلایەن ورچێکەوە ھێرشی دەکرێتە سەر و لەلایان ھاوڕێکانیەوە بۆ مردن بەجێدەھێڵدرێت. دواتر ھاورێکانی ھەلدەستن بە دزینی سامانەکەی و کوشتنی کوڕە بچووکەکەی. ھیوگ بەزیندووی دەمێنێتەوە لەژیان و ٢٠٠ کیلۆمەتر بەپێ دەبڕێ و بەمەبەستی گەڕانەوە تۆڵەکردنەووە لەو پیاوانەی کە کورەکەیان کوشت و خیانەتیان لێکرد.
ئەکتەران
دەستکاری- لیۆناردۆ دی کاپریۆ لەڕۆڵی ھیوگ گلاس
- تۆم ھاردی لە ڕۆڵی جۆن فیتزگێرالد
- ویل پۆلتەر لەڕۆڵی جیم بریجەر
- دۆمھۆڵ گلیسن لەڕۆڵی ئەندریو ھێنری
بەرھەم‌ھێنان و پەرەپێدان و کاری وێنەگرتن
دەستکاریقۆناغی پەرەپێدانی فیلمەکە لە ئوگەستی ٢٠٠١ دەستی پێکرد کاتێ ئاکیڤا گۆڵدسمان ھەڵسا بە کڕینەوەی مافی بەفیلم کردنی کتێبەکە. فیلمەکە وادانرا لەسەرەدا کە ئەکتەر ساموێل جاکسن ڕۆڵی سەرەکی تیادا ببینێ، دواتریش قسە ھەبوو کە ئەکتەر کریستیان بەیل ڕۆڵی سەرەکی دەبینێ. دواتر لە ئوگەستی ٢٠١١ دەرھێنەر ئەلێخاندرۆ ئیناریتو کاری دەرھێنانی فیلمەکەی خرایە ئەستۆی، و ھەروەھا ڕایگەیاند کە ئەکتەر لیۆناردۆ دی کاپریۆش ڕۆڵی سەرەکی دەبینێ لە فیلمەکەدا. کاری وێنەگرتنی فیلمەکە لە تشرینی یەکەمی ٢٠١٤ دەستی پێکرد لە ناوچە بەفراویەکانی ئەرجەنتیندا، زۆرجار بەھۆی سەختی و ساردی کەشی ئەو ناوچەیە زۆربەی ئەکتەرە لاوەکیەکان وازیان لە فیلمەکە دەھێنا یاخود دەردەکران. لیۆناردۆ لە لێدوانێکدا گوتی: سەخترین ڕۆڵی ژیانم ئەو ڕۆڵە بوو و ئەو دیمەنەش کە گۆشتی خاو دەخۆم و لەنێو سکی ئەسپەکەدا دەخەوم؛ و لە ئوگەستی ٢٠١٥ کاری وێنەگرتینی فیلمەکە بەکۆتا ھات.
دەرچوون
دەستکاریفیلمەکە سەرەتا دزەی کردە نێو سایتەکانی تۆرێنت و ئەمەش بووە ھۆی ئەوەی زیانێکی زۆر بەداھاتی فیلمەکە بگات و بەشێوەیەکی سنووردار لە سینەماکانی ئەمریکا لە ٢٥ی کانوونی یەکەمی ٢٠١٥ بڵاو بۆوە و بەشێوەیەکی فەرمی لە ٨ی کانوونی دووەمی ٢٠١٦ کەوتە سینەماکانەوە.
سەرچاوەکان
دەستکاری
| کۆمنزی ویکیمیدیا، میدیای پەیوەندیدار بە گەڕاوە لە مردن (فیلم) تێدایە. |