گورگی ڕووتەڵان
گورگی ڕووتەڵان (بە ئاڵمانیایی: Der Steppenwolf) ناوی دەیەمین ڕۆمانی نووسەری ئاڵمانیایی-سویسی ھێرمان ھێسەیە. سەرەتا، ساڵی ١٩٢٧ لە ئاڵمانیا بڵاو بووەوە، دوو ساڵ دواتر بۆ جاری یەکەم وەرگێڕدرایە سەر زمانی ئینگلیزی. لە ڕاستیدا گورگی ڕووتەڵان خۆژیاننامەیەکی تێکەڵکراو بە ھێمانگەلی خەیاڵییە. ئەو تەنگژە قووڵەی جیھانی دەروونیی ھێسە لە ساڵەکانی ١٩٢٠دا لە بەشی گەورەی چیرۆکەکەدا ڕەنگی داوەتەوە و لە زۆر جێگادا ئەو جیایی و درزەی نێوان ئادەمیزادبوونی ئەو، لە لایەکەوە، و شەڕلایی و ئاوارەیییە گورگ-ئاساکەی، لە لایەکی ترەوە، نیشان دەدرێ.
گورگی ڕووتەڵان سەرکەوتنێکی یەکجار زۆری لە ئاستی نێونەتەوەییدا بەدەست ھێنا، ھەرچەند دواتر ھێسە بانگەشەی کرد کە زۆر کەس لە مەبەستی ڕۆمانەکە بەباشی تێنەگەیشتوون.
وەرگێڕان بە کوردی
دەستکاریلەم کتێبە تا بە ئێستاکە دوو وەرگێڕان بە زمانی کوردی لەبەر دەستدایە. حەکیم کاکەوەیس لە سوێدییەوە کردوویەتی بە کوردیی سۆرانی و لە ساڵی ٢٠٠٧ەوە چاپی کردووە.[١] ھەروەھا ئەمجەد عوسمانی وەریگێڕاندووەتە سەر کوردیی سۆرانی.[٢]
- گورگی ڕووتەڵان، وەرگێڕانی حەکیم کاکەوەیس، ھەولێر: دەزگای وەرگێڕان، چاپی یەکەم: ٢٠٠٧.
- گورگی بیابان، وەرگێڕانی ئەمجەد عوسمانی.
سەرچاوەکان
دەستکاری- ^ گورگی ڕووتەڵان و کچە سەماکەرەکەی ھەڵۆی ڕەش، نووسینی ھاشم سەڕاج، لە کۆواری ڕامان، ژمارەی ٢٢٨، ٥ی ئایاری ٢٠١٦؛ ٢٩ی نیسانی ٢٠٢٣ لە وەیبەک مەشین، ئەرشیڤ کراوە. سەردان لە ٢٩ی نیسانی ٢٠٢٣.
- ^ کوردیپێدیا: گورگی بیابان، نوسراو لە ١٩ی تشرینی یەکەمی ٢٠١٦؛ سەردان لە ٢٩ی نیسانی ٢٠٢٣.
 | ئەم کتێب وتارە کۆلکەیەکە. دەتوانیت بە فراوانکردنی یارمەتیی ویکیپیدیا بدەیت. |
| کۆمنزی ویکیمیدیا، میدیای پەیوەندیدار بە گورگی ڕووتەڵان تێدایە. |