پەیوەندییەکانی ئیتاڵیا ‒ ھەرێمی کوردستان

پەیوەندییەکانی ئیتاڵیا و ھەرێمی کوردستان پەیوەندییە دووقۆڵییەکانی نێوان ئیتاڵیا و ھەرێمی کوردستانە. ئیتاڵیا کونسوڵخانەی گشتی لە ھەولێر ھەیە، ھەرێمی کوردستانیش نوێنەرایەتی لە ڕۆمای پایتەختی ئیتاڵیا ھەیە، پەیوەندییەکان بە «بەھێز» وەسف دەکرێن و ئیتاڵیا ئامادەیی سەربازی لە ھەرێمی کوردستان ھەیە، نزیکەی ٨٠٠ سەربازی ئیتالیا لە ساڵی ٢٠١٨ لە کوردستان ئامادەییان ھەبووە.

ئیتاڵیا‒ھەرێمی کوردستان

ئیتاڵیا	ھەرێمی کوردستان

مێژوو

چەندین کۆبوونەوەی ئاست بەرز لە نێوان ئیتاڵیا و ھەرێمی کوردستان ئەنجام دراون. لە تشرینی دووەمی ساڵی ٢٠٠٥، مەسعود بارزانی، سەرۆکی ھەرێمی کوردستان، سەردانی بێرلوسکۆنی، سەرۆکوەزیرانی ئیتاڵیای کرد لە ڕۆما، دووبارە لە ساڵی ٢٠٠٩، لە مانگی ئەیلوولی ساڵی ٢٠١٢ سەرۆک بارزانی لە ڕۆما لەگەڵ وەزیری دەرەوەی ئیتاڵیا جیلیۆ تێرزی کۆبووەوە و تاوتوێی پەیوەندییە ئابووری و کولتوورییەکانیان کرد. بارزانی لە مانگی ئایاری ٢٠١٤ جارێکی دیکە سەردانی ئیتاڵیای کردەوە و لەگەڵ فێدێریکا مۆگێرینی وەزیری دەرەوە کۆبووەوە. دوای سێ مانگ، ماتیۆ ڕێنزی، سەرۆکوەزیرانی ئیتاڵیا، بۆ پتەوکردنی پەیوەندییە سیاسی و سەربازییەکان سەردانی ھەولێری کرد. لە شوباتی ٢٠٢٠، مەسروور بارزانی، سەرۆکوەزیرانی ھەرێمی کوردستان، لەلایەن جۆزێپی کۆنتی سەرۆکی ئیتاڵیا پێشوازی لێکرا بۆ تاوتوێکردنی پەیوەندییە سەربازی و ئابوورییەکانی ناوچەکە.

ئەو دوو لایەنە لە مانگی تەممووزی ٢٠١٧دا ڕێککەوتنێکی ژینگەیییان واژوو کرد، کە ئامانج لێی ھاوکاریکردنی حکوومەتی کوردستانە لە بواری تەکنەلۆژیای تایبەت بە گۆڕانی کەشوھەوا.

جیۆریجا میلۆنی، سەرۆکوەزیرانی ئیتاڵیا لە کۆتایییەکانی کانوونی دووەمی ٢٠٢٢ سەردانی ھەرێمی کوردستانی کرد بۆ کەمپی سەربازگەی سینگارا کە سەربازانی ئیتاڵیا تێیدا دەمێننەوە.

ئەمانەش ببینە

• پەیوەندییەکانی دەرەوەی ھەرێمی کوردستان