پنتاگۆن

پنتاگۆن (بە ئینگلیزی: The Pentagon) بینای وەزارەتی بەرگری ویلایەتە یەکگرتووەکانی ئەمریکایە و دەکەوێتە شاری ئارلینگتۆن لە ویلایەتی ڤێرژینیا، وەک ھێمایەک بۆ سوپای ئەمریکا زاراوەی پێنتاگۆن بە شێوەیەکی گشتی بەکاردێت بۆ ئاماژەکردن بە خودی وەزارەتی بەرگری نەک بیناکە.

پنتاگۆن
دامەزران	١١ی ئەیلوولی ١٩٤١
ناو بە زمانی فەرمی	The Pentagon
ناونراوە لەدوای	پێنجلا
کیشوەر	ئەمریکای باکوور
وڵات	ویلایەتە یەکگرتووەکانی ئەمریکا
دابەشکاریی کارگێڕی	Arlington County
جێ	Arlington County
پۆتانی شوێن	٣٨°٥٢′١٥″N ٧٧°٣′١٨″W
خاوەن	وەزارەتی بەرگریی ویلایەتە یەکگرتووەکانی ئەمریکا
ڕووداوە بەرچاوەکان	ھێرشەکانی ١١ی ئەیلوول، Pentagon Renovation Program
ماددەی بەکارھاتوو	کۆنکریت، Indiana limestone
خەڵاتەکان	Doublespeak Award
نژیاروان	George Bergstrom
ستایلی نژیاروانی	Stripped Classicism
ڕێکەوتی کردنەوە	١٥ی کانوونی دووەمی ١٩٤٣
Service entry	٣١ی ئازاری ١٩٤٢
بەڵێندەری سەرەکی	John McShain
نیشتەجێ	وەزارەتی بەرگریی ویلایەتە یەکگرتووەکانی ئەمریکا
Has facility	بەرزکەرەوە، escalator
باری کەلەپووری	National Historic Landmark، National Register of Historic Places listed place، Virginia Historic Landmark
ناونیشانی شەقام	1400 Defense Pentagon
کۆدی پۆستە	20301
وێبگە	https://pentagontours.osd.mil/Tours/
Shape	pentagonal prism
لە ویکیدراوە دەستکاریی زانیارییەکان بکە

بیناکە بەھۆی شێوەی پێنجگۆشەییەکەیەوە ناوی پێنتاگۆنی لێنراوە، بیناکە لەلایەن دیزاینەر جۆرج ئێدوین دیزاین کراوە و لەلایەن بەڵێندەر جۆن مەکشەین دروستکراوە، بیناکە لە ١٥ی ١ی ساڵی ١٩٤٣ کرایەوە و بە یەکێک لە گەورەترین بینا نووسینگەییەکان دادەنرێت لە جیھاندا دەتوانێت نزیکەی ٢٣ ھەزار فەرمانبەری سەربازی و مەدەنی لەخۆبگرێت و نزیکەی ٣ ھەزار کارمەندی یاریدەدەر کە بۆ خودی وەزارەتی بەرگری کار ناکەن. بیناکە پێنج لا ھەیە و نھۆمەکانی لە سەرووی ئاستی زەوییەوە و دوو نھۆمی ژێر زەوی و پێنج ڕێڕەوی ئەڵقەیی لە ھەر نھۆمێکدا بوونی ھەیە، کە درێژی کۆی گشتی نزیکەی ٢٨ کم دەبێت. ھەروەھا ناوەندی بازرگانی و چێشتخانەیەکی گەورە و شوێنی ڕاگرتنی ئۆتۆمۆبیلی تاکسی و سەکۆیەکیشی تێدایە بۆ ھێلیکۆپتەر.

ئێستا پێنتاگۆن نووسینگەکانی سێ بەشی بەرگری سوپا، ھێزی دەریایی و ھێزی ئاسمانی و نووسینگەی وەزیری بەرگری ئەمریکای تێدایە. بە دەسەڵاتی جێبەجێکاری حکوومەتی ئەمریکا دادەنرێت. ئاڕاستە و چاودێری کاری ھێزە چەکدارەکان دەکات و ھاوکاری سەرۆکی دەوڵەت دەکات لە بابەتی ئاسایشی نیشتمانیدا. پنتاگۆن دابەش بووە بەسەر بەشە لاوەکییە سەرەکییەکاندا: نووسینگەی وەزیر، سەرۆکی ئەرکانی ھاوبەش، بەشە سەربازییەکان، فەرماندەییە یەکگرتوو و دیاریکراوەکان، ھەروەھا ئەنجومەنی سیاسی ھێزە چەکدارەکان و دەزگاکان. ئەرکانی نووسینگەی وەزیر کەسانی مەدەنین کە ڕاوێژکاری و ھاوکاری وەزیر دەکەن لە کارگێڕی لە بەرزترین ئاستدا.

لە ١١ی ئەیلوولی ساڵی ٢٠٠١ ھێرش کرایە سەر باڵەخانەکە، کاتێک فڕۆکەیەکی ٧٧ی ھێڵی ئاسمانی ئەمریکی خۆی بە لای ڕۆژاوای باڵەخانەکەدا کێشا، کە دوای ڕفاندن و کۆنترۆڵکردنی فڕۆکەکە خۆی لە باڵەخانەکە دا و لە ئەنجامدا ١٢٥ کارمەند گیانیان لەدەستدا جگە لە سەرنشینانی فڕۆکەکە.

ئەمانەش ببینە

• ھێرشەکانی ١١ی سێپتەمبەر