پارتی چەپی کەسک
پارتی چەپی کەسک یان پارتی چەپی سەوز یان بە کورتی یەسەپە (بە تورکی: Yeşil Sol Parti, YSP)، حیزبێکی سیاسیی لیبرتەریەنی چەپ و کەسک لە تورکیاوەیە.
| پارتی چەپی کەسک Yeşil Sol Parti | |
|---|---|
 | |
| ناوی کرمانجی | Partiya Çep a Kesk |
| ھاووتەبێژان | بەتوول گۆچەر و ئەحمەد ئاسەنا |
| دامەزراندن | ٢٥ی تشرینی دووەمی ۲۰۱۲ دامەزراندنی نوێ: ١٤ی کانوونی یەکەمی ٢٠٢٣ |
| پێشینە | حیزبی کەسکەکان و داھاتووی چەپ |
| یەکی گرت لەگەڵ | حیزبی کەسکەکان حیزبی یەکسانی و دیموکراسی |
| ئایدۆلۆژیا | سیاسەتی کەسک جیھانگەرایی دیموکراسیی کۆمەڵایەتی مافەکانی ژنان |
| شوێنی سیاسی | چەپ |
مێژوو دەستکاری
ئەم حیزبە لە ٢٥ی تشرینی دووەمی ۲۰۱۲ بە ناوی حیزبی کەسکەکان و داھاتووی چەپ (بە تورکی: Yeşiller ve Sol Gelecek Partisi) بە تێکەڵبوونی حیزبی کەسکەکان و حیزبی یەکسانی و دیموکراسی دامەزرا، بەڵام لە نیسانی ٢٠١٦ ناوی خۆی بە پارتی چەپی کەسک (یان پارتی چەپی سەوز) (بە تورکی: Yeşil Sol Parti، بە کوردی: Partiya Çep a Kesk)، یان بەکورتی یەسەپە (بە زمانی تورکی: YSP) گۆڕاندەوە. لە ھەڵبژاردنی پەرلەمانی تورکیا لە ٢٠٢٣ کاندیداکانی پارتی دیموکراتی گەلان (ھەدەپە) لەژێر ناوی پارتی چەپی کەسک بەشداری کێبڕکێیەکانی ھەڵبژاردن بوون.
دواتریش لە چوارەمین کۆنگرەی گشتیی لە ١٥ی تشرینی یەکەمی ٢٠٢٣دا ناوی خۆی گۆڕاند بە پارتی یەکسانی و دیموکراسیی گەلان کە سەرەتا بە ناوی ھەدەپ[١] [٢] و دواتر بە ناوی دەم پارتی ناو نرا.[٣] [٤]
بەڵام دواتر و لە ١٤ی کانوونی یەکەمی ٢٠٢٣ جارێکی دیکە دامەزراندنی خۆی ڕایگەیاند و دیدەم بەتوول گۆچەر و ئەحمەد ئاسەنا وەکوو ھاووتەبێژانی نوێی حیزبەکە دیاری کران و نیشانەیەکی نوێ بۆ حیزبەکە ھەڵبژێردرا. لە بەیاننامەیەک کە لە ھەژماری حیزبەکە لە تۆڕە کۆمەڵایەتییەکاندا بڵاوکراوە ھاتووە: "جارێکی دیکە داواکارییەکانمان بۆ دیموکراسی و یەکسانی و ئازادی و دادپەروەری لە بەرامبەر نادادپەروەرییەکان و ڕێبازی بەڕێوەبردنی ناوەندگەری و پاوانخوازانە لە وڵاتەکەماندا بەرز دەکەینەوە. دەمانەوێت لەم گەشتە نوێیە نەک بە تەنیا، بەڵکو لەگەڵ ھەموو پێکھاتەکانی ئۆپۆزیسیۆنی کۆمەڵایەتیدا لە دژی ڕژێمی تاکەکەسی بەردەوام بین. ئێمە ڕێکخستنی خەباتێکی ھاوبەش وەکوو ئەرکێکی بەپەلە دەبینین."[٥]
ھەروەھا ڕایانگەیاندووە کە دژایەتیکردنی لەناوبردن و تاڵانکردنی سرۆشت و چەمکەکانی دادپەروەریی کۆمەڵایەتی، دیموکراسی، یەکسانی و ئازادی دیسانەوە وەکوو ئامانجێکی سەرەتایی خرایە ناوەوە.[٥]
ئەمانەش ببینە دەستکاری
سەرچاوەکان دەستکاری
- ^ ئاژانسی ھەواڵی فرات: کۆنگرەی پارتی چەپی سەوز دەستی پێکرد: ناوی نوێی بووە ھەدەپ (بە سۆرانی)، نووسراو لە ١٥ی تشرینی یەکەمی ٢٠٢٣؛ سەردان لە ١٦ی تشرینی یەکەمی ٢٠٢٣.
- ^ ئاژانسی ھەواڵی فرات: ھاوسەرۆکەکان و بەڕێوەبەرانی ھەدەپ دیاری کران (بە تورکی)، نووسراو لە ١٥ی تشرینی یەکەمی ٢٠٢٣؛ سەردان لە ١٦ی تشرینی یەکەمی ٢٠٢٣.
- ^ ئاژانسی ھەواڵی فرات: ناوی ھەدەپ کرا بە «دەم پارتی» (بە زازاکی)، نووسراو لە ١١ی کانوونی یەکەمی ٢٠٢٣؛ سەردان لە ١٢ی کانوونی یەکەمی ٢٠٢٣.
- ^ ئاژانسی ھەواڵی فرات: عایشەگوڵ دۆغان: کورتەناوی پارتی ئێمە «دەم پارتی»یە (بە کرمانجی)، نووسراو لە ١١ی کانوونی یەکەمی ٢٠٢٣؛ سەردان لە ١٢ی کانوونی یەکەمی ٢٠٢٣.
- ^ ئ ا ئاژانسی ھەواڵی فرات: پارتی چەپی سەوز دامەزراندنەوەی خۆی ڕاگەیاند (بە تورکی)، نووسراو لە ١٤ی کانوونی یەکەمی ٢٠٢٣؛ سەردان لە ١٥ی کانوونی یەکەمی ٢٠٢٣.
| کۆمنزی ویکیمیدیا، میدیای پەیوەندیدار بە پارتی چەپی کەسک تێدایە. |