وەین ڕۆنی

وەین مارک ڕۆنی (لەدایکبووی ٢٤ی تشرینی یەکەمی ١٩٨٥) ھێرشبەرێکی ئینگلیزە و یاریزانێکی تۆپی پێیە لەھێڵی ھێرشبەر و بە یەکێک لە باشترین ھێڕشبەرانی جیھان ھەژمار دەکرێت و سەرەتا ژیانی وەرزشی لەگەڵ یانەی ئێفێرتۆن دەست پێ کرد دواتر چووە ڕیزی یانەی مانشستەر یونایتد و خاوەن توانایەکی زۆرە و گۆڵکارێکی زۆر مەترسیدارە بەڵام ھەندێک جار ناتوانێت کۆنترۆلی خۆی بکات و زوو توڕە دەبێت لە ناو یاریگادا بەڵام بە کوڕی زێڕینی تۆپی پێی ئینگلیزی دەژمێردرێت.

وەین ماڕک ڕۆنی
لەدایکبوون	٢٤ ی تشرینی یەکەمی ١٩٨٥ لیڤەرپوول، ئینگڵتەڕا
نیشتەجێی	مانچستەر
نەتەوە	ئینگلیز
پیشە	یاریزان
باڵا	١٧٦سم
ئایین	مەسیحی کاثۆلیک

ڕونی لە ئێفێرتۆن

واین ڕونی سەرەتایی ژیانی وەرزشی لە ئەکادیمییای وەرزشی یانەی ئێفێرتۆن دەست پێ کرد لە تەمەنی دە ساڵیەوە و یاری لەگەڵ گشت تیمە تەمەنیەکانی یانەی ئێفرتۆنی کرد تا وەرزی ٢٠٠٢–٢٠٠٣ کاتێک ڕاھێنەر دێفد مۆیس بۆ یەکەم جار بانگھێشتی ھێڵی یەکەمی یانەی کرد و بە خێراییەکی زۆر توانی خۆی بگونجێنێت لەگەڵ یانەی ئێفێرتۆن و توانی شوێنێکی سەرەکی بۆ خۆی بگرێتەوە و لەشداری لە ٣٣ یاری کرد لەگەڵ یانەی ئێفێرتۆن توانی ٦ گۆڵ لە خوولی پریمیێرلیگ تۆمار بکات و دوو گۆڵ لە جامی ئینگلتەرا و لە وەرزی دوایی یاریزان ڕونی چووە نێو باسی ڕۆژنامەکانەوە و بەشداری لە ٣٤ یاری کرد توانی نۆ گۆڵ تۆمار بکات و بووە بچووکترین یاریزان کە گۆڵ لە پریمیێرلیگ تۆمار بکات دوای ئەو ئاستە بەرزە ڕاھێنەری یانەی مانشستەر یونایتد سێر ئەلێکس فێرگسۆن بۆندێکی لەگەڵ بەست و بردیە ئۆڵدترافۆرد.

وەرزی ٢٠٠٤–٢٠٠٥ یەکەم وەرزی یاریزان ڕونی بوو لەگەڵ شەیتانە سوورەکان و یەکەم وەرزی بوو کە بەشداری لە شامپیۆنزلیگدا بکات و یەکەم یاری بەرامبەر یانەی فەنارباخچەی تورکی ئەنجام دا لە ٢٤/٩/٢٠٠٤ و توانی سێ گۆڵ تۆمار بکات لە یارییەکە و دواتر کۆی گۆڵەکانی گەیشتە شەش گۆڵ لە شامپیۆنزلیگ و لە خوولی پریمیێرلیگ بەشداری لە ٢٩ یاری کرد تیادا توانی یانزە گۆڵ تۆمار بکات و لە وەرزی دوای ئەو بەشداری لە ٣٦ یاریدا کرد و توانی شانزە گۆڵ تۆمار بکات و لە وەرزی ٢٠٠٦–٢٠٠٧ ڕونی زیاتر خۆی پەسەند کردن لەگەڵ یانەکەی و بەشداری لە ٣٦ یاری کرد تیادا توانی ١٤ گۆڵ تۆمار بکات و پێنج گۆڵ لە جامی ئینگلتەرا و بەشداری لە دوانزە یاری شامپیۆنزلیگدا کرد تیادا توانی چوار گۆڵ تۆمار بکات …

ڕونی و گەشەسەندنی تەواو

وەرزی ڕابردوو ٢٠٠٧–٢٠٠٨ وەرزێکی پڕ لە خەڵات بوو بۆ یاریزان ڕونی و ھاوڕێیانی و توانی بەشداری بکات لە بە دەست ھێنانی گشت نازناوە گرنگەکان، لە پریمیێرلیگ یاریزان ڕونی بەشداری لە ٢٧ یاریدا کرد و تیادا توانی دوانزە گۆڵ تۆمار بکات ھەرچەندە تووشی پێکانیش ھات لەو وەرزە و لە خوولی شامپیۆنزلیگدا بەشداری لە یانزە یاریدا کرد و توانی چوار گۆڵ تۆمار بکات و توانی لەگەڵ یانەکەی نازناوی خوولی پریمیێرلیگ و خوولی شامپیۆنزلیگ بە دسەت بھێنێت و لە سەرەتایی ئەم وەرزە یانەی مانشستەر یونایتد بەشداری لە پاڵەوانیەتی جامی جیھانی یانەکان کرد و ڕونی ئاستێکی زۆر باشی پێشکەش کرد و بوونە پاڵەوانی جیھان و توانی سێ گۆڵ لە سێ یاری تۆمار بکات و لەم وەرزە ڕۆنی تا ئێستا بەشداری لە بیست یاری کردووە و ھەشت گۆڵی تۆمار کردووە و لە خوولی شامپیۆنزلیگ ڕونی بەشداری لە شەش یاری کردووە تیادا سێ گۆڵی تۆمار کردووە …

ڕونی کوڕی زێڕینی ئینگلیز

واین مارک ڕونی بچووکترین یاریزانی ئینگلیزیە کەوا بەشداری لەگەڵ ھەڵبژاردەی ئینگلیزی کردبێت و ئەمەش دوای ئەوەی بەشداری لەگەڵ ھەڵبژاردەکەی کرد لە ١٢-٠٢-٢٠٠٣ بەرامبەر ھەڵبژاردەی ئوستورالی و لە یۆرۆـی ٢٠٠٤ لە پورتوگال ئاستێکی زۆر باشی پێشکەش کرد و توانی چوار گۆڵ بۆ ھەڵبژاردەی ئینگلیزی تۆمار بکات و تا ئیستا بەشداری لە ٤٨ یاری کردووە لەگەڵ ھەڵبژاردەی ئینگلیزی و ١٩ گۆڵی تۆمار کردووە و ڕاھێنەری ھەڵبژاردەی ئینگلیزی فابیۆ کاپیلۆ پشتی بەم یاریزانە دەبەستێت و ھیوای وایە کەوا لەگەڵ ھاوڕێیەکانی لامپارد و جێرارد بتوانن ببنە پاڵەوانی جیھان لە ساڵی ٢٠١٠ لە باشووری ئەفریقیا …

دەستکەوتەکان

• خوولی پریمیێرلیگ ((٢٠٠٦–٢٠٠٧ و ٢٠٠٧–٢٠٠٨ و ٢٠١٢–٢٠١٣))
• جامی بەخشین ((٢٠٠٧–٢٠٠٨))
• خوولی یانە پاڵەوانەکانی ئەوڕووپا ((٢٠٠٧–٢٠٠٨))
• جامی جیھانی یانەکان ((٢٠٠٨))