ھەرێمە جوگرافییەکانی تورکیا

(ڕەوانەکراوە لە ناوچەکانی تورکیاەوە)

ھەرێمە جوگرافییەکانی تورکیا لە حەوت ھەرێم پێک ھاتوون کە یەکەم جار لە دانیشتنی ساڵی ١٩٤١ی کۆنگرەی جوگرافیی تورکیا کە لە ئەنقەرە بەسترا، لە تورکیا حەوت ھەرێمیان پێک ھێنا.[١]

ھەرێمەکاندەستکاری

ھەرێمەکانی تورکیا لە ئەمانە پێک ھاتوون:

ھەرێم جێگە لەبارەیدا
ھەرێمەکانی تورکیا   ھەرێمە جوگرافییەکانی تورکیا لەڕووی ئاووھەوا وەکوو یەکتری ڕێزبەندیی کراون.
ھەرێمی ئێژە
(بە تورکی: Ege Bölgesi)
  ھەرێمی ئێژە بە ڕووبەری ٧٩٫٠٠٠ کیلۆمەتری چوارگۆشە پێنجەمین ھەرێمی گەورە لەناو حەوت ناوچەکانی جوگرافیایی تورکیایە.
ھەرێمی مەڕمەڕە
(بە تورکی: Marmara Bölgesi)
  ھەرێمی مەڕمەڕە بە ڕووبەری ٦٧٫٠٠٠ کیلۆمەتری چوارگۆشە بچووکترین بەڵام پر قەلەباڵغترین ھەرێمی تورکیایە.
ھەرێمی مەدیتەرانە
(بە تورکی: Akdeniz Bölgesi)
  ھەرێمی مەدیتەرانە بە ڕووبەری ١٢٠٫٠٠٠ کیلۆمەتری چوارگۆشە لەڕووی گەورەیی و دانیشتوودا چوارەمین جێگەی لە تورکیادا پێیە.
ھەرێمی ئاناتۆلیای ڕۆژھەڵات
(بە تورکی: Doğu Anadolu Bölgesi)
  ھەرێمی ئاناتۆلیای ڕۆژھەڵات لەڕووی ڕووبەردا گەورەترین و لەڕووی دانیشتوودا کەمترین قەلەباڵغی لە ھەرێمەکانی تورکیادا پێیە.
ھەرێمی دەریای ڕەش
(بە تورکی: Karadeniz Bölgesi)
  ھەرێمی دەریای ڕەش ١٨/١ لەسەدی خاکی تورکیای لە ژێر خۆی دەگرێت. ئەم ھەرێمیە بە ڕووبەری ١٤١٫٠٠٠ کیلۆمەتری چوارگۆشە سێیەمین ھەرێمی گەورەی تورکیایە.
ھەرێمی ئاناتۆلیای باشووری ڕۆژھەڵات
(بە تورکی: Güneydoğu Anadolu Bölgesi)
  ھەرێمی ئاناتۆلیای باشووری ڕۆژھەڵات ڕووبەری ٧٥٫٠٠٠ کیلۆمەتری چوارگۆشە دووەمین ھەرێمی بچووکی تورکیایە.
ھەرێمی ئاناتۆلیای ناوەندی
(بە تورکی: Iç Anadolu Bölgesi)
  ھەرێمی ئاناتۆلیای ناوەندی بە ڕووبەری ١٥١٫٠٠٠ کیلۆمەتری چوارگۆشە دووەمین ھەرێمی گەورەی تورکیایە.

دانیشتوواندەستکاری

دانیشتووانی ھەرێمەکانی تورکیا لە ساڵی ٢٠١٩دا بە ئەم شێوازە بوون:[٢]
ھەرێم دانیشتووان
مەڕمەڕە ٢٤،٤٦٥،٦٨٩
ئاناتۆلیای ناوەندی ١٢،٧٠٥،٨١٢
مەدیتەرانە ١٠،٥٥٢،٩٤٢
ئێژە ١٠،٣١٨،١٥٧
ئاناتۆلیای باشووری ڕۆژھەڵات ٨،٨٧٦،٥٣١
دەریای ڕەش ٧،٦٧٤،٤٩٦
ئاناتۆلیای ڕۆژھەڵات ٥،٩٦٦،١٠١

ئەمانەش ببینەدەستکاری

سەرچاوەکاندەستکاری

  1. ^ Ali Yiğit, "Geçmişten Günümüze Türkiye'yi Bölgelere Ayıran Çalışmalar ve Yapılması Gerekenler", Ankara Üniversitesi Türkiye Coğrafyası Araştırma ve Uygulama Merkezi, IV. Ulural Coğrafya Sempozyumu, "Avrupa Birliği Sürecindeki Türkiye'de Bölgesel Farklılıklar", pp. 34–35. Archived 2012-03-31 لە وەیبەک مەشین.
  2. ^ "Türkiye'nin Nüfus Haritası". www.icisleri.gov.tr. Retrieved 2020-08-19.