مردن و پرسەی مورتەزا پاشایی

مورتەزا پاشایی، گۆرانیبێژێکی ئێرانی بوو، کە دوای ماوەیەک لە بەرەنگاربوونەوەی شێرپەنجەی گەدە لە کۆتاییدا لە تارانی پایتەختی ئێران لە ١٤ی تشرینی دووەمی ٢٠١٤ کۆچی دوایی کرد. کۆچی دوایی ئەم ھونەرمەندە بە چاوەڕواننەکراو وەسف کرا، بەتایبەتی بە لەبەرچاوگرتنی تەمەنی کورتی ھونەرییەوە. ھەندێک کەس لە شارەکانەوە و ھەندێکیش لە دەرەوەی وڵاتەوە ھاتنە پرسەکەیەوە. بەپێی ھەواڵێکی بی بی سی، ئامادەبوونی ئەم پرسەیە لە شارە جیاوازەکانی ئێران «پێدەچێت لە ھەموو پرسەکانی دەیەی ڕابردوو زیاتر بووبێت» و زۆربەی شارەزایان پێیان وایە کە ئامادەبوونی خەڵکێکی لەو شێوەیە لە ڕێوڕەسمێکی پرسە چاوەڕوانکراو نەبووە. ڕۆژنامەی نیویۆرک تایمز ئەم ڕووداوەی بە گەورەترین کۆبوونەوەی ئێران ناوبرد دوای ناڕەزایەتییەکان دژی ھەڵبژاردنەکانی سەرۆکایەتی کۆماری ساڵی ٢٠٠٩، کە دەسەڵاتدارانی ئەو وڵاتەی تووشی سەرسووڕمان کرد.

پرسەی مورتەزا پاشایی

کۆچی دوایی مورتەرزا لە بەشێک لە ڕۆژنامە و دەزگاکانی ھەواڵ لە ئێران و سەرانسەری جیھاندا ڕەنگدانەوەی ھەبوو. پرسەی تەرمەکەی لە تاران قەرەباڵغییەکی زۆری لێکەوتەوە و بەشێک لە شەقامە ناوەندییەکان و وێستگەکانی میترۆ لە ناوەڕاستی شاردا نزیکبوون لە داخران و کاری وێستگەکانی میترۆش بەھۆی وتنەوەی گۆرانییەکانی مورتەزا پاشایی خەڵکەوە پەکی کەوت. بەپێی ھەواڵێکی بی بی سی، پرسەی موزتەزا پاشایی یەکێکە لە قەرەباڵغترین پرسەکان لە مێژووی ئێراندا.

نەخۆشی

لە کانوونی یەکەمی ساڵی ٢٠١٣ مورتەزا پاشایی تووشی شێرپەنجەی گەدە بوو. چارەسەری کیمیایی بۆ کرا و جارێکیش نەشتەرگەری بۆ کرا. بەڕێوەبەری بەرنامەکەی سەرەتا باسی برینی گەدەی پاشایی کرد، بەڵام دواتر ھەواڵی شێرپەنجەی گەدەی لەلایەن میدیاکانەوە بڵاوکرایەوە. بە تێپەڕبوونی کات جەستەی لاواز دەبوو و کێشی کەم دەبوو و بەھۆی ھەڵوەرینی قژییەوە بە کڵاوێکی قاوەیییەوە لەسەر شانۆ دەردەکەوت.

لە نەخۆشخانە و مردن

پاشایی ئێوارەی ڕۆژی ھەینی ٧ی تشرینی دووەمی ٢٠١٤ گواسترایەوە بۆ بەشی چاودێری تایبەت لە نەخۆشخانەی بەھمەن. ھۆکاری گواستنەوەی بۆ بەشی چاودێری چڕ تای بەرز بووە. بەھۆی بارودۆخییەوە، پزیشکەکان چاوپێکەوتنیان لێ قەدەغە کرد؛ بەڵام ئێوارەی ڕۆژی یەکشەممە ١٨ی ئاب، ژمارەیەکی زۆر لە ھونەرمەندان لە نەخۆشخانەی بەھمەن بۆ بینین و بەرزکردنەوەی ورەی مورتەزا ھاتن بۆلای و بۆ چەند ساتێکی کورت لە لای بوون. ھەروەھا لە ٢٠ی ھەمان مانگ بریکاری ھونەری وەزارەتی فەرھەنگ و ئیرشادی ئیسلامی ئێران و بەڕێوەبەری جێبەجێکاری کۆمەڵەی مۆسیقای ئێران سەردانیان کرد. دواجار پاشایی لە ١٤ی تشرینی دووەمی ٢٠١٤ کۆچی دوایی کرد.

پرسە

غوسڵ و پاککردنەوە لە ١٥ی تشرینی دووەم

بۆ دوورکەوتنەوە لە قەرەباڵغی و دواکەوتنی ناشتن، تەرمەکەی لە ١٥ی تشرینی دووەم و ڕۆژێک پێشتر گواسترایەوە بۆ بەھەشتی زەھرا و پرسەکەی ئەنجامدرا.

گۆڕی مورتەزا پاشایی

دواکەوتنی ناشتن

دوای پرسەکەی لە تەلاری وەحدەت، تەرمەکەی گواسترایەوە بۆ بەھەشتی زەھرا، بەڵام بەھۆی زۆری قەرەباڵغییەوە تا ئێوارەی یەکشەممە نەتوانرا بەخاک بسپێردرێت، بەڵام دوای کاتژمێرێک، کاتێک خەڵکی بڵاوەیان کرد، تەرمەکەی لە بەھەشتی زەھرا و لە تەنیشت ئەحمەد ئارام بە خاک سپێردرا.