لاسکارینا بوبولینا
لاسکارینا بوبولینا پاڵەوان و شێرەژنێکی یۆنانی بوو لە دوورگەی ھایدرا، لە ١٧٧١ لە بەندیخانەی ئەستەمبوڵ لەدایک بوو، بەھۆی ئەوەی باوکی بەشداری شۆڕشی بوبولینی ١٧٧٠ی یۆنانییەکانی کردبوو لەلایەن عوسمانییەکانەوە دەستگیر کرابوو، دایکیشی سەردانی کردبوو لە بەندیخانە بۆیە لاسکارینا ھەر لە بەندیخانە لەدایک بوو.[١]
| لاسکارینا بوبولینا | |
|---|---|
 | |
Λασκαρίνα Μπουμπουλίνα  | |
| لەدایکبوون | ١١ی ئایاری ١٧٧١ قوستەنتینە |
| مەرگ | ٢٢ی ئایاری ١٨٢٥ (٥٤ ساڵ ژیاوە) Spetses |
| پیشە | Ship-owner، بەرھەڵستکار |
| واژوو | |
 | |
| Rank | دەریاوان |
| لق | Hellenic Navy |
لە ١٣ی ئازاری ١٨٢١ دوای دوازدە ڕۆژ لە دەستپێکردنی جەنگی سەربەخۆیی یۆنان، بوبولینا یەکەم کەس بوو بوێرانە لە سەر دوورگەی سپیتسیس ئاڵای شۆڕشی دژی داگیرکاری تورکەکان بەرزکردەوە، بوبولینا دوو جار ھاوسەرگیری کردبوو و جیاببوەوە، دایکی حەوت منداڵ بوو،[٢] لە دوای بەرزکردنەوەی ئاڵاکەی بوبولینا دوورگەی سپیتسیس چووە پاڵ دوورگەکانی ھایدرا بەسارا بۆ جەنگی سەربەخۆیی یۆنان کە توانیان پتر لە ٣٠٠ کەشتی بۆ شۆڕش فەراھەم بکەن.
بوبولینا لە ڕێگای ھێزی ناز و جوانییەکەی توانی ھەشت کەشتی لەژێردەستی تورکەکان دەرباز بکات و خۆی بگەیەنێت بە شارە کەناراوەیییە ئازادکراوەکانی یۆنان. بەھۆیەوە شۆڕشگێرە یۆنانییەکان توانیان گەماڕۆی چەندین لە شارەکانیان بشکێنن و پارسنگی جەنگ بەرەو ئاراستەیەکی تر بڕوات، بەشدارییەکانی بوبولینا ڕۆڵێکی گرنگی ھەبوو لەسەرکەوتنی شۆڕش بەجۆرێک زۆرینەی مێژووناسان پێیان وایە، گەر بوبولینا نەبوایە، سەرکەوتنی شۆڕشی یۆنان ئەستەم دەبوو، بۆیە نازناوی خاتوونی نیشتمانیی یۆنانی ھەڵگرتووە.[٣]
ئەمانەش ببینە
دەستکاری- زۆربای یۆنانی (ڕۆمان)
سەرچاوەکان
دەستکاریبەستەرە دەرەکییەکان
دەستکاری| کۆمنزی ویکیمیدیا، میدیای پەیوەندیدار بە لاسکارینا بوبولینا تێدایە. |
