قۆچان شارێکی سەر بە شارستانی قۆچان لە پارێزگای خۆراسانی ڕەزەوییە و ناوەکەی لە «خبوشانەوە» ھاتووە. ژمارەی دانیشتووانی ئەم شارە دەگاتە ١١٥٬٠٠٠ ھەزار کەس بەپێی سەرژمێری سالی ٢٠٠٦، زۆرینەی دانیشتووان کوردن و بە زاراوەی کورمانجی و فارسی کە زمانی ڕەسمی دەوڵەتە دەئاخڤن. پێکھاتەی کورد لە قۆچان بریتییە لە ھۆزی زەعفەرانلو و بێچرانلو و میلانلو کە کاتی خۆی لە سەرحەدانی کوردستانەوە بۆ ئەم شوێنە ڕاگوێزراون. لە ناودارەکانی قۆچان کەلیمۆڵڵا تەوەحۆدییە کە نووسەرێکی ناوداری کوردی خۆراسانە. ھەروەھا لە ھەڵکەوتووانی ئەم شارە جەعفەر قولی کوڕی مەلا ڕەزا قولی لە دەروروبەری ساڵی ١٨١٤ لە گوندی شکافکۆی لە دایک بووە، ئەم گوندە کەوتووەتە باکووری ڕۆژھەڵاتی ئاوایی قۆچان. باوکی لە ئێلی کوردی زەنگەلانلوو بووە. لە ناو خەڵکی بەجافەر قولی زەنگلی، جافەر قولی بێچارە، جافەر قولی عەندەلیب، جافەر قولی موختار ناسراوە، ھەندێ لەم ناوانە خۆی بۆ خۆی داینابوون و لەناو شیعریدا بڵاوی کردوونەتەوە.

قۆچان
بە فارسی: قوچان
تصاوير قوچان 01.jpg
ناو بە زمانی ڕەسمیقوچان
زمانی ڕەسمیفارسی
وڵاتئێران
پایتەختیقۆچان (شارستان)
دابەشکاریی کارگێڕیCentral District
پۆتانی شوێن٣٧°٦′١″N ٥٨°٣٠′٣٤″E
دانیشتووان٩٦٬٩٥٣
بەرزی لە ئاستی دەریا١٬٣١٧ مەتر
ناوچەی کاتیUTC+03:30
کۆدی تەلەفۆن0581

سەرچاوەکاندەستکاری