فلیکس سانچێز

فلیکس سانچێز باس (بە ئیسپانی: Félix Sánchez Bas؛ لەدایکبووی ١٣ی کانوونی یەکەمی ١٩٧٥) ڕاھێنەرێکی تۆپی پێی ئیسپانییە، ئێستا ڕاھێنەری ھەڵبژاردەی تۆپی پێی ئێکوادۆرە.

زۆربەی ژیانی پیشەیی لە قەتەر بەسەربردووە، سەرەتا وەکو ڕاھێنەری ھەڵبژاردەی لاوانی وڵاتەکە دەستبەکاربووە، تا لە ٢٠١٧ بووە بە ڕاھێنەری ھەڵبژاردەی تۆپی پێی قەتەر، جامی ئاسیای ٢٠١٩ی بەدەستھێناوە، لە جامی ئاڵتوونی کۆنکاکافی ٢٠٢١ گەیشتووەتە قۆناغی نیوەی کۆتایی، پاش ماڵئاوایی قەتەر لە جامی جیھانیی فیفای ٢٠٢٢، قەتەری بەجێھێشت. دواتر بوو بە ڕاھێنەری ئێکوادۆر.

کاروانی ڕاھێنەرایەتی

قەتەر

سانچێز ڕاھێنەری لاوانی بارسێلۆنا بوو، لە ٢٠٠٦ ڕوویکردە قەتەر و لە ئەکادیمیای ئەسپایەر دەستبەکاربوو. لە ٢٠١٣ وەکو ڕاھێنەر لاوانی خوار ١٩ ساڵانی قەتەر دیاریکرا، پاڵەوانیەتی خوار ١٩ ساڵانی ئاسیای ٢٠١٤ی بەدەستھێنا. پاشان ڕاھێنەرایەتی لاوانی خوار ٢٠ و ٢٣ ساڵانی قەتەری کرد.

لە ٣ی تەممووزی ٢٠١٧ سانجێز بوو بە ڕاھێنەری ھەڵبژاردەی قەتەر، ١٦ی ئاب، یەکەم یاریی ئەنجامدا، کە یارییەکی دۆستانە بوو بەرامبەر بە ئەندۆرا، ١-٠ براوە بوو. قەتەر لە پاڵاوتنی جامی جیھانیی فیفای ٢٠١٨ سەرنەکەوت، لە جامی کەنداوی عەرەب ٢٤ لە قۆناغی کۆمەڵەکان ماڵئاوایی کرد.

سانچێز سەرکردایەتی قەتەری کرد بۆ بەدەستھێنانی یەکەم نازناوی کیشوەری، کە جامی ئاسیای ٢٠١٩ بوو، سەرجەم یارییەکانی کۆمەڵەی بە سەرکەوتن تەواو کرد، لە یاری کۆتاییدا، ٣-١ لە ژاپۆنی بردەوە و بوو بە پاڵەوان.

لەمانگی ئایاردا، گرێبەستێکی نوێی تا جامی جیھانیی فیفای ٢٠٢٢ واژوو کرد. دواتر قەتەر بانگھێشتی کۆپا ئەمریکای ٢٠١٩ کرا، لە قۆناغی کۆمەڵە ماڵئاوایی کرد. لە جامی کەنداوی عەرەب ٢٤ی قەتەر، گەیشتە نیوەی کۆتایی.

قەتەر بانگھێشتی جامی ئاڵتوونی کۆنکاکافی ٢٠٢١ کرا، گەیشتە قۆناغی نیوەی کۆتایی. لە کۆتایی ساڵدا و لە جامی عەرەبی فیفای ٢٠٢١ لە قەتەر، پلەی سێیەمی بەدەستھێنا. لە پاڵاوتنی جامی ئاسیای ٢٠٢٣، قەتەر جێگەی خۆی لە پاڵەوانیەتیەکە کردەوە.

قەتەر وەکو خانەخوێ لە جامی جیھانیی فیفای ٢٠٢٢ بەشداربوو، سەرجەم یارییەکانی لە قۆناغی کۆمەڵەکان دۆڕاند، پاڵەوانیەتیەکەی بە تۆمارکردنی تاکە گۆڵێک کۆتایی پێھێنا. لە کۆتایی ساڵدا گرێبەستەکەی بەسەردەچوو، نوێیان نەکردەوە.

ئێکوادۆر

لە ١١ی ئازاری ٢٠٢٣، سانچێز گرێبەستێکی ٤ ساڵی لەگەڵ ھەڵبژاردەی تۆپی پێی ئێکوادۆر واژوو کرد، لەیەکەم دەرکەوتنیدا، لە یارییەکی دۆستانە بەرامبەر بە ئوسترالیا ١-٠ دۆڕا.

ئاماری ڕاھێنەرایەتی

ھەتا ٢١ی تشرینی دووەمی ٢٠٢٣

تۆماری ڕاھێنەرایەتی بەپێی تیم

ھەڵبژاردە	لە	بۆ	تۆمار					س.
			یاری	ب	ی	د	٪ بردنەوە
خوار ١٩ ساڵانی قەتەر	١ی تەممووزی ٢٠١٣	٣٠ی حوزەیرانی ٢٠١٥	7001100000000000000١٠	7000900000000000000٩	7000100000000000000١	5000000000000000000٠	7001900000000000000٩٠٫٠
خوار ٢٠ ساڵانی قەتەر	١ی کانوونی دووەمی ٢٠١٤	٢ی تەممووزی ٢٠١٧	7001120000000000000١٢	7000200000000000000٢	7000200000000000000٢	7000800000000000000٨	7001167000000000000١٦٫٧
خوار ٢٣ ساڵانی قەتەر	٣ی تەممووزی ٢٠١٧	٢٨ی کانوونی یەکەمی ٢٠٢٠	7001320000000000000٣٢	7001100000000000000١٠	7000900000000000000٩	7001130000000000000١٣	7001313000000000000٣١٫٣
قەتەر	٣ی تەممووزی ٢٠١٧	٣١ی کانوونی دووەمی ٢٠٢٢	7001890000000000000٨٩	7001460000000000000٤٦	7001160000000000000١٦	7001270000000000000٢٧	7001517000000000000٥١٫٧
ئێکوادۆر	١١ی ئازاری ٢٠٢٣	بەردەوامە	7001100000000000000١٠	7000600000000000000٦	7000200000000000000٢	7000200000000000000٢	7001600000000000000٦٠٫٠
کۆی گشتی			7002153000000000000١٥٣	7001730000000000000٧٣	7001300000000000000٣٠	7001500000000000000٥٠	07001477000000000000٤٧٫٧	—

سەرچاوەکان

• بەشداربووانی ویکیپیدیا، «Félix Sánchez (football manager)»، ویکیپیدیای ئینگلیزی. سەردان لە ١١ی کانوونی یەکەمی ٢٠٢٣.