عەلا شرێتیح
عەلا ئەدیب عەبدولجەبار شرێتیح[١] (بە عەرەبی: علاء أدیب عبد الجبار شریتح; ٢٢ی کانوونی دووەمی ١٩٧٩ – ٤ی ئایاری ٢٠٢٤) چەکدارێکی فەلەستینی بووە.[٢] لە شاری تولکەرم لەدایکبووە و گەورە بووە، تا مردنی سەرۆکی لیواکانی قەسام بووە لە کەناری ڕۆژاوا.[٣][٤] دوای ئەوەی بۆ ماوەی ١٤ ساڵ لەلایەن ئیسرائیلەوە زیندانی کرا تا ئازادکردنی لە ساڵی ٢٠١٦،[٥] سەرکردایەتی پلاندانانی چەندین ئۆپەراسیۆنی ھێرشبەری فەلەستینی کرد دژی ھێزەکانی ئیسرائیل لە کاتی شەڕی ئیسرائیل و حەماس، یەکێک لە دیارترینیان ھێرشی سەر ڕێگای ٥٥٧ بوو لە تولکەرم کە چەندین قوربانی ئیسرائیلی لێکەوتەوە و یەکەم ئۆپەراسیۆنی تۆمارکراوی فەلەستین بوو لە کەرتی ڕۆژاوا لە ماوەی ٢٠ ساڵدا، ئەمەش بووە ھۆی ئەوەی ببێتە یەکێک لە داواکراوەکانی ئیسرائیل تا مردنی لە شەڕەتەقەدا لە ھێرشێکی ئیسرائیل بۆ سەر دێر غوسن.[٦]
عەلا شرێتیح | |
|---|---|
| ناوی خۆماڵی | علاء أدیب عبد الجبار شریتح |
| ناوی لەدایکبوون | عەلا ئەدیب عەبدولجەبار شرێتیح |
| لەدایکبوون | 22ی کانوونی یەکەمی 1979 تولکەرم، کەناری ڕۆژاوا، فەلەستین |
| مردن | ٤ی ئایاری ٢٠٢٤ (٤٤ ساڵ ژیاوە) دێر غوسن، کەناری ڕۆژاوا |
| دڵسۆزی |  فەلەستین حەماس |
| پلە | فەرماندەی سەربازی |
| فەرماندەیی | سەرکردە لە کەتیبەکانی شەھید عیزەدین قەسام لە کەناری ڕۆژاوا |
| پێکدادانەکان/جەنگەکان | ڕاپەڕینی دووەمی فەلەستین شەڕی ئیسرائیل و حەماس † |
| مناڵەکان | ٣ |
ژیان و پیشەی سەربازی
دەستکاریعەلا ئەدیب عەبدولجەبار شرێتیح[١] لە ٢٢ی کانوونی دووەمی ١٩٧٩ لە شاری تولکەرم لە فەلەستین لەدایکبووە و لەوێ گەورە بووە و خوێندنی تەواو کردووە.[٣][٧]
لە ٢٦ی تشرینی دووەمی ٢٠٠٢ لەلایەن ئیسرائیلەوە دەستگیرکرا بەھۆی ئەوەی ئەندامی حەماس بووە و بەھۆی ڕێکخستنی ھێرشەکان بە بەکارھێنانی ئامێری تەقەمەنی چێندراو لە کاتی ڕاپەڕینی دووەمدا. ناوبراو لە کاتی لێپرسینەوەدا ڕووبەڕووی «ئەشکەنجەی توند» بووەتەوە وەک لە ڕاپۆرتی ناوەندی لێکۆڵینەوەی زیندانیانی فەلەستین، لە ٢٤ی ئازاری ٢٠١٦ دوای مانەوەی ١٤ ساڵ لە زیندانی ئیسرائیل ئازاد کرا.[٨][٩]
دوای ئازادبوونی ھاوسەرگیری کرد و سێ منداڵی بوو.[١٠] دواتر درێژە بە خوێندنی زانکۆیی لە بواری شەریعەتی ئیسلامی دا کە بەھۆی مردنییەوە نەیتوانی تەواو بکات.[٣]
بوو بە فەرماندەی سەربازی لە کەناری ڕۆژاوای فەلەستین،[١١][١٢][١٣] کە تێیدا سەرکردایەتی پلاندانانی ئۆپەراسیۆنە سەربازییە جیاوازەکانی فەلەستینی کرد دژی ئیسرائیل، بەتایبەتی ھێرشی ٢ی تشرینی دووەمی ٢٠٢٣ بۆ سەر ڕێگای ٥٥٧ کە یەکەم ئۆپەراسیۆنی سەربازی فەلەستین بوو کەناری ڕۆژاوا لە ٢٠ ساڵدا.[١٤][١٥] پاشان شرێتیح لەلایەن ئیسرائیلەوە ڕاوەدوونرا و چەند جارێک ھەڵیانکوتایە سەر ماڵەکەی پێش ئەوەی دواجار لە ٤ی ئایاری ٢٠٢٤دا بیکوژن.[١٦][١٧]
مردن
دەستکاریشەڕ
دەستکارینزیکەی کاتژمێر 11:00 (PSST) لە ٣ی ئایاری ٢٠٢٤، شرێتیح و سێ ئەندامی دیکەی لیواکانی قەسام لە ماڵێکدا لە شارۆچکەی دێر غوسن لە پارێزگای تولکەرم لەلایەن سوپای ئیسرائیلەوە گەمارۆدران، کە تێیدا شەڕێکی توند ڕوویدا لە نێوانیاندا، دواتر ھاتنی ھێزی بەھێزی ئیسرائیل بە زیاتر لە ٥٠ ئۆتۆمبێلی سەربازی و چوار بولدۆزەری سەربازییەوە. سوپای ئیسرائیل بۆ ماوەی ١٥ کاتژمێر ماڵەکەی بە گەمارۆدراوی ھێشتەوە و لەو ماوەیەدا بانگەوازی بۆردومانی ئاسمانی و فڕۆکەی بێفڕۆکەوان کرا بۆ سەر ماڵەکە. دوای ئەوە بە بولدۆزەرە سەربازییەکانەوە بە تەواوی ماڵەکەی لەگەڵ ھەموو ئەوانەی لەناوەوە بوون ڕوخێندرا، ئیسرائیل ڕای گەیاند کە سەرکەوتوو بووە لە کوشتنی شرێتیح و سێ ئەندامەکەی تر، شانبەشانی ئەندامی پێنجەم کە ناسنامەکەی نادیارە.[٣][١٨][١٩][٢٠]
سەرچاوەکان
دەستکاری- ^ ئ ا "الاحتلال یعتقل أسیرا محررا من طولکرم" (in Arabic) Archived from the original on 6 May 2024.
- ^ "القائد الشھید علاء شریتح فی وصیتە: عدونا لا یفھم إلا لغة الحراب والرصاص"[بەستەری مردوو] (in Arabic)
- ^ ئ ا ب پ "Hamas says West Bank commander among operatives killed in IDF raid"
- ^ Hamas' West Bank Commander Killed In Israeli Raids Archived from the original on 6 May 2024.
- ^ "الافراج عن الأسیر علاء شریتح من طولکرم بعد اعتقال دام ل 14 عاما فی سجون الاحتلال" (in Arabic)
- ^ Gaza War: Israel kills Hamas' West Bank commander in 12-hour gunbattle
- ^ "الجیش الإسرائیلی یقتل 5 فلسطینیین فی طولکرم" (in Arabic)
- ^ https://www.alwatanvoice.com/arabic/news/2016/03/24/890620.html (in Arabic)
- ^ "أسیر فی جلبوع یعانی من حمی البحر المتوسط" (in Arabic)
- ^ "شھداء خلیة کتائب القسام فی طولکرم... عملیات نوعیة تلبیة لغزة" (in Arabic)
- ^ «القائد الشھید علاء شریتح فی وصیتە: عدونا لا یفھم إلا لغة الحراب والرصاص» (بە عەرەبی). ٥ی ئایاری ٢٠٢٤. لە ڕەسەنەکە لە ٦ی ئایاری ٢٠٢٤ ئەرشیڤ کراوە. لە ٦ی ئایاری ٢٠٢٤ ھێنراوە.
- ^ «Hamas' West Bank commander killed in IDF raids». Punjab Newsline (بە ئینگلیزی). ٥ی ئایاری ٢٠٢٤. لە ڕەسەنەکە لە ٦ی ئایاری ٢٠٢٤ ئەرشیڤ کراوە. لە ٦ی ئایاری ٢٠٢٤ ھێنراوە.
- ^ «Hamas' West Bank Commander Killed In Israeli Raids». ORDO News (بە ئینگلیزی). ٥ی ئایاری ٢٠٢٤. لە ڕەسەنەکە لە ٦ی ئایاری ٢٠٢٤ ئەرشیڤ کراوە. لە ٦ی ئایاری ٢٠٢٤ ھێنراوە.
- ^ «"أول عملیة موثقة منذ 20 عامًا .. کتائب القسام فی الضفة تکشف تفاصیل جدیدة فی عملیة "بیت لید"» (بە عەرەبی). ١١ی تشرینی دووەمی ٢٠٢٣. لە ڕەسەنەکە لە ١٠ی کانوونی یەکەمی ٢٠٢٣ ئەرشیڤ کراوە. لە ٦ی ئایاری ٢٠٢٤ ھێنراوە.
- ^ «القسام توثق بالفیدیو عملیتین ضد جنود الاحتلال بالضفة» (بە عەرەبی). ١٢ی تشرینی دووەمی ٢٠٢٣. لە ڕەسەنەکە لە ٦ی ئایاری ٢٠٢٤ ئەرشیڤ کراوە. لە ٦ی ئایاری ٢٠٢٤ ھێنراوە.
- ^ «الاحتلال یقتحم منزل أسیر محرر فی طولکرم وینفذ عملیات ھدم فی القدس» (بە عەرەبی). ١ی نیسانی ٢٠٢٤. لە ڕەسەنەکە لە ٦ی ئایاری ٢٠٢٤ ئەرشیڤ کراوە. لە ٦ی ئایاری ٢٠٢٤ ھێنراوە.
- ^ «ماذا جاء فی وصیة الشھید علاء شریتح؟» (بە عەرەبی). ٥ی ئایاری ٢٠٢٤. لە ڕەسەنەکە لە ٦ی ئایاری ٢٠٢٤ ئەرشیڤ کراوە. لە ٦ی ئایاری ٢٠٢٤ ھێنراوە.
- ^ «(محدث) 5 شھداء فی دیر الغصون» (بە عەرەبی). ٤ی ئایاری ٢٠٢٤. لە ڕەسەنەکە لە ٦ی ئایاری ٢٠٢٤ ئەرشیڤ کراوە. لە ٦ی ئایاری ٢٠٢٤ ھێنراوە.
- ^ «شھداء واعتقال ودمار- الاحتلال ینسحب من دیر الغصون شمال طولکرم» (بە عەرەبی). ٤ی ئایاری ٢٠٢٤. لە ڕەسەنەکە لە ٦ی ئایاری ٢٠٢٤ ئەرشیڤ کراوە. لە ٦ی ئایاری ٢٠٢٤ ھێنراوە.
- ^ «کتائب عز الدین القسام تعلن مقتل 3 من عناصرھا بمعرکة مع الجیش الإسرائیلی فی الضفة الغربیة» (بە عەرەبی). ٥ی ئایاری ٢٠٢٤. لە ڕەسەنەکە لە ١٠ی ئایاری ٢٠٢٤ ئەرشیڤ کراوە. لە ١٠ی ئایاری ٢٠٢٤ ھێنراوە.
