شۆگن (کورتەزنجیرەی ٢٠٢٤)

شۆگن کورتەزنجیرەیەکی تەلەڤیزیۆنی درامی مێژوویی ئەمریکییە کە لەلایەن ڕەچڵ کۆندۆ و جەستن مارکسەوە دروست کراوە. ڕۆمانی فیلمەکە لەسەر بنەمای ڕۆمانی ساڵی ١٩٧٥ی جەیمس کلاڤێلە کە پێشتر وەرگێڕدراوە بۆ زنجیرەیەکی بچووکی ساڵی ١٩٨٠. کاستەکەی بریتین لە ھیرۆیوکی سانادا، کۆسمۆ جارڤیس، ئانا ساوای، تادانۆبو ئاسانۆ، تاکیھیرۆ ھیرا، تۆمی باستۆ و فومی نیکایدۆ.

زنجیرەکە دوو ئەڵقەی یەکەمی لە ٢٧ی شوباتی ٢٠٢٤ بۆ یەکەمجار لە کەناڵەکانی FX لە Hulu و FX نمایشکرا، ئەوانی تریش ھەفتانە تا ٢٣ی نیسانی ٢٠٢٤ بڵاودەکرایەوە. لەلایەن ڕەخنەگران ستایشی بەرفراوانی لێکرا، بەتایبەتی بەھۆی دەرھێنان، نووسین، دیمەن و نمایشی کاستەکەی.

ھەرچەندە کورتەزنجیرەیەکی ئەمریکییە، بەڵام کاستەکەی زۆربەیان ژاپۆنین و زۆربەی دیالۆگەکانیش بە زمانی ژاپۆنین.

سەرەتا

شۆگون بەدوای «پێککەوتنی دوو پیاوی خۆپەرست لە جیھانە جیاوازەکاندا دەست پێ دەکات، جۆن بلاکتۆرن، دەریاوانێکی ئینگلیزی مەترسیدار کە لە کۆتاییدا لە کەشتییەک لە ژاپۆن نوقم دەبێت، خاکێک کە کولتوورە نامۆکانی لەخۆ گرتووە، بەسەری دەکاتەوە؛ لۆرد تۆراناگا، دایمیۆیەکی زیرەک و بەھێز، لە ناکۆکیدایە لەگەڵ ڕکابەرە مەترسیدار و سیاسییەکانی خۆی».

وێنەگرتن

بڕیار بوو وێنەگرتنی سەرەکی زنجیرەکە لە مانگی ئازاری ٢٠١٩ لە ژاپۆن و بەریتانیا دەست پێبکات بەڵام دواکەوت چونکە تۆڕەکە ھەستیان بەوە کرد کە بەرھەمھێنانەکە لە دۆخێکی باشدا نییە.

وێنەگریی سەرەکی بۆ زنجیرەکە لە ٢٢ی ئەیلوولی ٢٠٢١ لە شاری ڤانکۆڤەر دەستیپێکرد و تا ٣٠ی حوزەیرانی ٢٠٢٢ بەردەوام بوو و دوو مانگ زیاتری خایاند لەوەی چاوەڕوان دەکرا. ھەندێک کاریگەرییە بینراوەکانی دوای بەرھەمھێنان، لە ئێرلەندا بەرھەم ھێنران.

پەخشکردن

شۆگون بۆ یەکەمجار بە دوو ئەڵقەی یەکەمی لە ٢٧ی شوباتی ٢٠٢٤ لە کەناڵەکانی FX لە Hulu و FX نمایشکرا. بەشەکانی دیکەی زنجیرەکە کە ١٠ ئەڵقەی تێدابوو ھەفتانە بڵاودەکرایەوە. لە ئاستی نێودەوڵەتیدا زنجیرەکە لە دیزنی+ و ستار+ لە ئەمریکای لاتین و دیزنی+ لە ناوچەکانی تر، بەردەست بوو. پاشان دۆبلاژێکی ئینگلیزی زنجیرەکە لە کەناڵی Hulu بڵاوکرایەوە. ھەروەھا پۆدکاستێکی ھاوئاھەنگیش بۆ ھەر ئەڵقەیەک بڵاوکرایەوە.

بەستەرە دەرەکییەکان

• شۆگن لە بنکەدراوەی ئینتەرنێتیی فیلمەکان