دارکونکەرە

دارکونکەرە (Picidae) تیرەیەکی پەلەوەرە کە زیاتر لە ٢٠٠ جۆری مەل دەگرێتەوە. ژینگەی دارکونکەرە زۆر بەربڵاوە و لە ئاسیا و ئەورووپا و ئەمریکا لە ھەرکوێ دارستانی لێ بێت ھێلانەی تێدا چاک دەکەن. وەک لەناوەکەیانەوە دیارە زۆربەی دارکونکەرەکان بە دەنووک کون دەکەنە دار و ھێلانەکانیان بە درەختەوە چاک دەکەن. ئەم باڵندانە دەنووکێکی بەقەوەت و تیژیان ھەیە بۆ کونکردنی دار.

دارکونکەرە
ناوی پۆلێنکردن	Picidae
پلەی پۆلێنکردن	تیرە
پۆلێنکردنی باوان	Piciformes
ناوی باوی پۆلێنکردن	spettefamilien
Code of nomenclature	International Code of Zoological Nomenclature
Taxon range	بەڕازیل
لە ویکیدراوە دەستکاریی زانیارییەکان بکە

ژینگە

جۆرەکانی دارکونکەرەکان بە تەواوی دنیادا بڵاوەیان کردووە و جگە لە ئوسترالیا و ئانتارکتیکا لە زۆربەی شوێنی تردا دەژین. زۆربەی دارکونکەرەکان لەیەک جێ دەژین و سەفەر ناکەن، بەڵام چەند جۆرێکیشیان ناسراون بەوەی کە ھاتوچۆ دەکەن و بە زستاندا بەرەو شوێنی گەرم دەفڕن.

خواردن

دارکونکەرەکان بەزۆری مێروو و ھێلکەی مێرووەکان دەخۆن بەتایبەت ئەوانەی بەسەر دارەوەن. لێکۆڵینەوەکان دەری خستووە ئەو دارانەی دارکونکەرە ھێلانەیان پێوە دەکات مێروویان کەمترە و ساخترن. بۆیە دارکونکەرە ڕۆڵێکی گرنگی ھەیە لە پاراستنی سڵامەتیی دارەکاندا.

بڕێک لە جۆرەکانی دارکونکەرە

زیاتر لە ٢٠٠ جۆری دارکونکەرە ناسراوە. ئینساکلۆپیدیای کەنەدایی ژمارەی جۆرەکانی دارکونکەرەی بە ٢١٦ داناوە، بەڵام ژمارەی لەمە زیاتریش لەبەردەستە.

• دارکونکەرەی ئووراسیایی کە ژینگەکەی دارستانەکانی ئاسیا و ئەورووپایە.
• دارکونکەرەی سووری
• دارکونکەرەی سیندی

ناوەکان بە کوردی

دارکونکەرە و جۆرەکانی ناوی زۆریان ھەیە کە بڕێکیان لە کتێبی فەرھەنگی باڵندەدا تۆمار کراون. بڕێک لەم ناوانە بریتین لە دارتورکنەک، خەنجەردەەم، دارکلۆرە، دارتەقێنە، دارسم، دارکەوە، دارکوتە و ملگێڕە.