خالید جوتیار

خالید مەولود ئەحمەد (١٩٥٣-٢٠٠٩) ناسراو بە خالید جووتیار نووسەر و رۆژنامەنوسی کورد لە سالێ ١٩٥٣ لە دەڤەری کەندێناوەی دەشتی ھەولێر لە دایکبوو. ساڵی ١٩٧٦ بروانامەی بەکالۆریۆسی لە زمان و ئەدەبی کوردی وەرگرتووە لە کۆلێژی ئادابی زانکۆی بەغدا. لە ساڵی ١٩٧٢ یەکەمین بەرھەمی لە ھاوکاری بڵاو کردۆتەوە پاشان بە دەیان بابەتی ھۆنراوە و لێکۆلینەوەی ئەدەبی و فولکلۆری لە گۆڤار و رۆژنامەکان نووسیوە. خالید جووتیار خاوەن ئیمتیاز و سەرنووسەری گۆڤاری میتۆلۆژیا بوو کە بایەخ بە لێکۆلینەوەی زانستی ئەفسانەکان دەدات ھەروەھا ڕاوێژکاری کلتووری بوو لە دەزگای چاپ و بڵاوکردنەوەی بەدرخان. دواین بەرھەمی گۆڤاری (میتۆلۆژیا) بوو کە بەرلەوەی چاپ بکرێت و بێتە نیو بازارەکان لە شەوی ٢٤ لەسەر ٢٥ی ١٢ی ٢٠٠٩ بە نەخۆشیەکی کتوپڕ کۆچی دوایی کرد.

بەرھەمە چاپ کراوەکان

• بەرەو فۆلکلۆر - ١٩٨٤
• فلکلۆر – بەشی یەکەم – ھاوبەش – ١٩٨٤
• فۆلکلۆر – بەشی دووەم – ١٩٨٥
• فۆلکلۆر – بەشی سێیەم – ١٩٩٠
• حەیران و مەرگی غەریبیان – ١٩٩٠
• پیاسەی ئێوارانی ھەولێر -١٩٩٨
• تراژیدیای کەرایەتی – ١٩٩٩
• قەلای دم دم – ٢٠٠٠
• تارمایی ئەفسانەی کوردی – ٢٠٠٠
• دەشتی ھەولێر – پەند و زاری شیرین – ٢٠٠٦
• دێو – حکایەتی ئەفسانەیی – ٢٠٠٧