پەڕەی سەرەکی بکەرەوە

پیکێ

جیرارد پیکێ لەدایکبووی ٢ی شووباتی ١٩٨٧. یاریزانی پڕۆفیشنالی تۆپی پێ ئیسپانییە کە یاری بۆ هەڵبژاردەی تۆپی پێی ئیسپانیا و یانەی بارسێلۆنا دەکات لەهێڵی بەرگری. بەرلەوەی یاری بۆ بارسێلۆنا بکات ناوبراو یاریزانی یانەی مانچستەر یونایتدی ئینگلیزی بووە. پیكێ لەگەڵ هەڵبژاردەی ئیسپانیا جامی جیھانیی ٢٠١٠ی فیفا و جامی نەتەوەکانی ئەورووپا ٢٠١٢ بردۆتەوە.

ژیانی وەرزشیدەستکاری

 
پیکێ بەدرێسی بارسێلۆنا لەوەرزی ٢٠١٢- ٢٠١٣ ئیسپانیا

جیرارد پیکێ سەرەتای یاریکردنی لەگەڵ تیپی لاوانی یانەی بەرشلۆنە دەستپێکرد بەردەوامبوو تا ساڵی ٢٠٠٤، لەو ساڵەدا پەیوەندی بەیانەی مانچیستەر یونایتد کرد تاساڵی ۲۰۰۸ بەردەوامبوو، لەوماوەیەدا ۱۲یاری ئەنجامدا بەڵام هیچ گۆڵێکی تۆمارنەکرد. لەرۆژی ٢٠٠٦/٨/٤ بەشێوەی خواستن پەیوەندی بەیانەی ریال زەرەگۆزا کرد یەک ساڵ لەگەڵ ئەو یانەیە بەردەوامبوو ۲۲یاری ئەنجامداو ۲گۆڵی تۆمارکرد. لەرۆژی ۲۰۰۸/۵/۲۷پەیوەندی بەیانەی بەرشلۆنەوە کرد و تا ئێستاش لەگەڵ ئەو یانەیە بەردەوامە، تائێستا ۲۲۱یاری ئەنجامداوە و ۱۹گۆڵی تۆمارکردووە. لەوەرزی ۲۰۰۲ ـ ۲۰۰۳ پەیوەندی بەهەڵبژاردەی ئیسپانیا بۆ خوار تەمەن ۱٦ساڵی کرد تاساڵی ٢٠٠٤بەردەوامبوو لەوماوەیەدا ۷یاری ئەنجامداو ۲گۆڵی تۆمارکرد، هەر لەو ساڵەدا جیرارد پیکێ لە هەڵبژاردەی ئیسپانیای خوار تەمەن ۱٦بەرزکرایەوە بۆ هەڵبژاردەی ئیسپانیا بۆ خوار تەمەن ۱۷ساڵی و تاساڵی ۲۰۰٦بەردەوامبوو لەوماوەیەدا ۸یاری ئەنجامدا و ۳گۆڵی تۆمارکرد، دواتر لەساڵی ۲۰۰٦بەرزکرایەوە بۆ هەڵبژاردەی ئیسپانیای خوار تەمەن ۱۹ساڵی و تاساڵی ۲۰۰۷بەردەوامبوو لەوماوەیەدا ۸یاری ئەنجامدا و ۳گۆڵی تۆمارکرد دواتر لەساڵی ۲۰۰۷بەرزکرایەوە بۆ هەڵبژاردەی ئیسپانیای خوار تەمەن ۲۰ساڵی و تاساڵی ۲۰۰۸بەردەوامبوو لەوماوەیەدا ۵یاری ئەنجامدا و ۱گۆڵی تۆمارکرد، دواتر لەساڵی ۲۰۰۸بەرزکرایەوە بۆ هەڵبژاردەی ئیسپانیای خوار تەمەن ۲۱ساڵی و تاساڵی ۲۰۰۹بەردەوامبوو و ۱۲یاری ئەنجامداو ۱گۆڵی تۆمارکرد، دواتر لەساڵی ۲۰۰۹بەرزکرایەوە بۆ هەڵبژاردەی یەکەمی ئیسپانیا و تائێستاش بەردەوامە و ۸۱یاری ئەنجامداوەو پێنچ گۆڵی تۆمارکردووە. جیرارد پیکێ بۆ هەڵبژاردەی کەتەلۆنیاش یاری کردووە و ۹یاری ئەنجامداو بەڵام هیچ گۆڵێکی تۆمارنەکردووە.

ساڵەکانی یاریکردن بۆهەڵبژاردەی یەکەمی ئیسپانیادەستکاری

  • ۲۰۰۹ (۱۳یاری) (٤گۆڵ)
  • ۲۰۱۰ (۱٦یاری) (بێ گۆڵ)
  • ۲۰۱۱ (۸یاری) (بێ گۆڵ)
  • ۲۰۱۲ (۱۱یاری) (بێ گۆڵ)
  • ۲۰۱۳ (۱۱یاری) (بێ گۆڵ)
  • ٢٠١٤ (٦یاری) (بێ گۆڵ)
  • ۲۰۱۵ (۸گۆڵ) (بێ گۆڵ)
  • ۲۰۱٦ (۵یاری) (۱گۆڵ)

نازناوەکاندەستکاری

  1. خولی ئینگلیزی لەگەڵ یانەی مان یونایتد لەوەرزی ۲۰۰۷ ـ ۲۰۰۸
  2. چامپیۆس لیگ لەگەڵ یانەی مان یونایتد لەوەرزی ۲۰۰۷ ـ ۲۰۰۸
  3. خولی ئیسپانی لەگەڵ یانەی بەرشلۆنە لەوەرزەکانی ۲۰۰۸ ـ ۲۰۰۹ ، ۲۰۱۱ ـ ۲۰۱۲ ، ۲۰۱٤ ـ ۲۰۱۵ ، ۲۰۱۵ ـ ۲۰۱٦
  4. جامی سوپەری ئیسپانی لەگەڵ یانە بەرشلۆنە لەساڵانی ۲۰۰۹ ، ۲۰۱۰ ، ۲۰۱۱ ، ۲۰۱۳
  5. چامپیۆس لیگ لەگەڵ یانەی بەرشلۆنە لەساڵانی ۲۰۰۹ ، ۲۰۱۱ ، ۲۰۱۵
  6. جامی سوپەر ئەوروپی لەگەڵ یانەی بەرشلۆنە لەساڵانی ۲۰۰۹ ، ۲۰۱۱ ، ۲۰۱۵
  7. مۆندیالی یانەکان لەگەڵ یانەی بەرشلۆنە لەساڵانی ۲۰۰۹ ، ۲۰۱۱ ، ۲۰۱۵
  8. مۆندیالی ۲۰۱۰ لەگەڵ هەڵبژاردەی ئیسپانیا
  9. یۆڕۆی ۲۰۱۲ لەگەڵ هەڵبژاردەی ئیسپانیا

سەرچاوەدەستکاری