جۆن مەکلیۆد

جۆن جەیمس ریکارد مەکلیۆد (٦ی ئەیلوولی ١٨٧٦ - ١٦ی ئازاری ١٩٣٥) زانا و پزیشکێکی ئیسکۆتلەندی بووە، ساڵی ١٨٩٨ لە زانکۆی ئەبردین بڕوانامەی پزیشکی بەدەستھێناوە و دواتر بۆ ماوەی ساڵێک لە زانکۆی لایبتزج کاری کردووە، ساڵی ١٨٩٩ لەزانکۆی لەندەن وەکو موعید لە قوتابخانەی پزیشکی دامەزراوە، ساڵی ١٩٠٢ لەھەمان قوتابخانە وەکو مامۆستای کیمیا دامەزراوە، لەساڵی ١٩٠٣ لە زانکۆی کیس وسترن ریسرف لە ویلایەتی ئۆھایۆ ی ئەمریکا وەکو مامۆستا دامەزراوە، ساڵی ١٩١٨ وەکو مامۆستا بۆ زانکۆی تۆرنتۆی کەنەدی ھەڵبژێردراوە، ساڵی ١٩٢٨ گەڕاوەتەوە بۆ زانکۆی ئەبردین و ھەتاکو دوا ژیانی وەکو مامۆستا لەو زانکۆیە کاری کردووە.

جۆن مەکلیۆد
John James Rickard Macleod
لەدایکبوون	٦ی ئەیلوولی ١٨٧٦  Clunie
مەرگ	١٦ی ئازاری ١٩٣٥  (٥٨ ساڵ ژیاوە) Aberdeen
گۆڕ	Allenvale Cemetery
زانکۆ	University of Aberdeen University of Aberdeen School of Medicine
پیشە	پزیشک، داھێنەر، مامۆستای زانکۆ، فیزیۆلۆجیناس
شوێنکار	Leipzig University زانکۆی تۆرۆنتۆ
خەڵاتەکان	Fellow of the Royal Society of Edinburgh (١٩٣٢) خەڵاتی نۆبێل لە زانستی ئەرکی ئەندام و پزیشکی (٥٧٬٤٦٧ کرۆنی سوێدی، فریدریک بانتین، for the discovery of insulin، ١٩٢٣) Canadian Medical Hall of Fame (٢٠١٢) Cameron Prize of the University of Edinburgh ھاوپۆلەکانی کۆمەڵگایی شاھانە (١٩٢٣)

مەکلیۆد گرنگی بە توێژینەوەی کاربۆھیدرات داوە و سەرئەنجام لەگەڵ فردریک بانتنغی ھاوڕێی ھۆڕمۆنی ئەنسۆلینیان دۆزیوەتەوە کە بۆ چارەسەرکردنی نەخۆشی شەکرەی میز بەکاردەھێنرێت، ھەر بەھۆی ئەمەشەوە لە ساڵی ١٩٢٣ خەڵاتی نۆبڵی لە پزیشکیدا وەرگرتووە، ئەویش خەڵاتەکەی لەگەڵ جیمیس کۆلیبی ھاوڕێی بەشکردووە کە لە بواری دۆزینەوەی ئەنسۆلیندا یارمەتیداوە.

مەکلیۆد ١١ پەرتوکی داناوە لەوانە: پێشکەوتنە نوێیەکان لە زانستی کاری ئەندامانی لەش، شەکرەی میز و چۆنێتی ئەم نەخۆشیە، کاربۆھیدرات و ئەنسۆلین.

لە ١٦ مارسی ساڵی ١٩٣٥ لە ئەبردین کۆچی دوایی کردووە و لە گۆڕستانی ئەلینفیل لە شاری ئەبردین نێژراوە.

بۆ ڕێزگرتن لەم زانایە ھۆڵی زانستی پزیشکی زانکۆی تۆڕنتۆ ناونراوە جۆن مەکلیۆد، ھەروەھا کۆمەڵەی شەکرەی میزی بەریتانی خێرخوازی کە تایبەتە بە توێژینەوەی شەکرەی میز نووسینگەکانی لە لەندەن ناوناوە جۆن مەکلیۆد.

سەرچاوە

• ویکیپیدیای عەرەبی.