سەدیچن

لە بیرکاریدا، سەدیچن یان ڕێژەی سەدی ڕێگەیەکە بۆ نیشاندانی ژمارەیەک وەکوو کەرتێک لە ١٠٠. نیشانەی سەدیچن ئەمەیە: "%". بۆ نموونە، %٤٥ (دەخوێنرێتەوە: ٤٥ لە ١٠٠، لەسەدا ٤٥) یەکەسانە لەگەڵ ١٠٠ / ٤٥، یان ٠،٤٥.

سەدیچنەکان بۆ نیشاندانی گەورەیی یان بچووکیی بڕێک بەگوێرەی (بەرامبەر بە) بڕێکی تر کەڵکیان لێوەردەگیردرێ. زۆرتر وایە کە بڕی یەکەم نوێنەری بەشێک لە، یان گۆڕانێک لە، بڕی دووھەمە، کە دەبێ لە سیفر گەورەتر بێ. بۆ نموونە، زیادبوونێکی ٠،١٥ دۆلاری لە باییی شتێکی ٢،٥٠ دۆلاریدا زیادبوونێکە لەلایەن کەرتی ٠،٠٦ ەوە (٢،٥٠ / ٠،١٥ = ٠،٠٦). کە ئەگەر وەکوو ڕێژەی سەدی نیشان بدرێ، ئەوا دەبێتە زیادبوونێکی %٦ (لەسەدا شەش).

ئەگەرچی سەدیچنەکان زیاتر بۆ نیشاندانی ژمارەکانی نێوان سیفر و یەک بەکاردەچن، بەڵام ھەر چەشنە ھاوڕێژەیییەکی بێڕەھەند بۆی ھەیە وەکوو سەدیچنێک نیشان بدرێ. بۆ نموونە، %١١١ دەکاتە ١،١١ و %٠،٣٥- دەکاتە ٠،٠٠٣٥-.