بەیتول مەعموور

بەیتول مەعموور (بە عەرەبی: البيت المعمور) لە ئیسلامدا شوێنێکە لەئاسمان دەکەوێتە ڕاستی کەعبە، و شوێنی پەرستشی فریشەکانە و ڕۆژانە حەفتا هەزرا فریشتە دەچنە ناوی و تاوەکوو ڕۆژی دوایی ناچنەوە ناوی، بەهۆی ئەوەی ژمارەی سەردانیکەرانی زۆرە بۆیە ناونراوە بەیتول مەعموور.

لەقورئاندا

﴿وَالْبَيْتِ الْمَعْمُورِ ۝٤﴾ [توور:٤] (کوردی: سوێند بە کەعبە کە ھەمیشە ئاوەدانە بە نوێژکەران، و (ئەوانەی بۆ حەج و عەمرە دەچن) ھەروەھا (بیت المعمور) شوێنێکە لە ئاسمانی حەوتەم کەدیاریکراوە بۆ خواپەرستی فریشتەکان ھەروەک چۆن کەعبە پیرۆزە لای ئیمانداران، (لەفەرمودەیەکی ڕاست و دروستدا ئاماژەی بۆ کراوە.)

لەفەرموودەدا

قال نبي الله صلى الله عليه وسلم: رفع الي البيت المعمور فقلت يا جبريل ما هذا قال: البيت المعمور يدخله كل يوم سبعون ألف ملك إذا خرجوا منه لم يعودوا آخر ما عليهم. واتا؛ بەیتول مەعموورم نیشان درا گوتم ئەی جوبرائیل ئەوە چییە؟ گوتی ئەوە بەیتول مەعموورە. ڕۆژانە حەفتا هەزار فریشتە دەچنە ناوی و تاوەکوو ڕۆژی دوایی ناگەڕێنەوە ناوی.