ئارامی دڵ (گۆرانی)
ئارامی دڵ گۆرانییەکە لە ھونەرمەندی کورد، عەدنان کەریم کە لە ساڵی ٢٠١٣ و لە ئەلبۆمی گوڵی نازداردا بڵاو کراوەتەوە. ئەم گۆرانییە لەسەر شیعری نالی و وەفایی دانراوە.
دەقی شیعر
دەستکاری| مەڵێن بولبول مەناڵێنە کەوا گوڵ گوڵشەنی چۆڵ کرد | دڵ ئارامی نەما چ بکا؟ کە ئارامی دڵان ڕۆیی | |
| قیامەت بۆ دڵان ھەستا کە چاوی مەستی وەرگێڕ | مەگەر ئازوردە بوو ساقی لە بەزمی مەی کەشان ڕۆیی | |
| بە بێباکی دەمێکی ھات و داخی کردم و ڕۆیی | دەبێ حاڵی چ بێ بولبول بەھار زۆر پێ نەچوو ڕۆیی | |
| سەحەر مەستانە ھات بولبول بە شادی بۆ تەوافی گوڵ | کە دی باخ بێ گوڵە، داخ بوو بە سەد ئاھ و فوغان ڕۆیی | |
| نیگار ھات دایە خەندە، کەوتە دونیا ئاھ و ناڵەی من | بەھار ھات غونچە پشکووت، دەنگی بولبول سوو بە سوو ڕۆیی | |
| فیراقم کرد لە پاش تۆ ھیچ حەیاتم پێ نەما، قوربان | ژیانی من کە تۆی مەعلوومە نامێنم کە تۆ ڕۆیی | |
| بە ناڵەی دڵ شیفام نایێ درێغ بوو مەرھەمی جەرگم | لە زەنگی کاروان چی بکەم دەلیلی کاروان ڕۆیی |