یانەی وەرزشیی زاخۆ

یانەی وەرزشیی زاخۆ (بە کوردیی باکووری: یانا زاخۆ یا وەرزشی) یانەیەکی وەرزشییە لە زاخۆ، ھەرێمی کوردستان، لە ساڵی ١٩٨٧ دامەزراوە. یانەکە بەشدارە لە خولی ئەستێرەکانیی عێراق و خولی نایابی کوردستان. لە ساڵی ٢٠١٥ یاریگاکەیان نۆژەنکردەوە و بەناوی یاریگای نێودەوڵەتیی زاخۆ کرایەوە.

یانەی زاخۆ

ناوی تەواو	یانا زاخو یا وەرزشی
نازناو	کوڕێن خابور – Kûrên xabûr بە کوردیی ناوەندی: کوڕانی خابور
ناوی کورتکراوە	یانەی زاخۆ ZAK
دامەزراندن	١٩٨٧ (١٩٨٧)
زەوی	یاریگای نێودەوڵەتیی زاخۆ
پانتایی	٢٥٫٠٠٠
سەرۆکی یانەی زاخۆ	عەمار فەرھاد ئاغا
ڕاھێنەر	تەڵاڵ بەلوشی
خول	خولی ئەستێرەکانیی عێراق خولی نایابی کوردستان
جلوبەرگی سەرەکی جلوبەرگی دووەم جلوبەرگی سێیەم

تۆپی پێ لە زاخۆ لە سەرەتای ساڵانی ١٩٢٠ەوە بە شێوەیەکی نافەرمی ئەنجام دەدرا و زۆرێک لە یارییە ناپیشەییە ناوخۆییەکان و پێشبڕکێی قوتابخانەکان بە بەردەوامی لە زاخۆ یان لە شارۆچکەکانیی دەوروبەر بەڕێوەدەچوون. ئەمەش دواجار بووە ھۆی پێکھێنانی یەکەم یانەی تۆپی پێ لە زاخۆ لە ساڵی ١٩٤٨؛ کە لە کرێکارانی ناوخۆیی و گەنجان پێکھاتبوو.

یاریگا

لە ٣ی حوزەیرانی ٢٠١٥ یانەی زاخۆ بە یارییەکی دۆستانەی نافەرمی بەرامبەر ھەڵبژاردەی عێراق ئاھەنگی کردنەوەی یاریگا نوێیەکەی کە بە یاریگای نێودەوڵەتیی زاخۆ ناسراوە، سازکرد.

ڕکابەری

گەورەترین ڕکابەریی یانەی زاخۆ یانەی دھۆکی دراوسێیەتی، لەژێر ناوی «دێربی بادینان». ھەروەھا ڕکابەریی نێوان زاخۆ و یانەی ھەولێر بە «دێربی کوردستان» ناسراوە.

دەستکەوتەکان

• خولی پلە یەکی عێراق
  • براوەی وەرزی ١٩٩١–١٩٩٢
• خولی نایابی عێراق
  • پلەی دووەمی وەرزەکانی ٢٠٠١–٢٠٠٢، ٢٠١٨–٢٠١٩
• جامی کوردستان
  • ٢ جار براوەی وەرزەکانی ٢٠١٠–٢٠١١، ٢٠١١–٢٠١٢
• جامی سوپەریی کوردستان
  • ٢ جار براوەی وەرزەکانی ٢٠١٠–٢٠١١، ٢٠١١–٢٠١٢