کچێک بە تاتۆی ئەژدیھاوە

کچێک بە تاتۆی ئەژدیھاوە (بە ئینگلیزی: The Girl with the Dragon Tattoo) فیلمێکی سوێدی- ئەمریکییە لە جۆری کاریگەری و ڕاز ئامێز کە لە ڕۆمانێکەوە وەرگیراوە بە ھەمان ناو لە لایەن ستیگ لارسن، فیلمەکە لە دەرھێنانی دەیڤد فینچەرە و لە نووسینی ستیڤن زێلیانە، دانیێل کرەیگ و ڕۆنی مارا ڕۆڵی سەرەکی دەگێڕن، فیلمەکە بە تێچونی ٩٠ ملیۆنەوە توانی ٢٣٢[١] میلیۆن دۆلار بەدەست بھێنێتەوە و بۆ ژمارەیەکی زۆر خەڵاتیش پاڵێورا و توانی خەڵاتی ئۆسکار بباتەوە بۆ باشترین مۆنتاژ[٢]

کچێک بە تاتۆی ئەژدیھاوە
The Girl with the Dragon Tattoo Poster.jpg
پۆستەری فیلمەکە
دەرھێنەردەیڤد فینچەر
بەرھەمھێنەرسکۆت ڕودن ئۆلی ساندبێرگ سارن ستێرمۆز چێن چافن
شانۆنامەستیڤن زێیلیان
لەسەر بنەمایڕۆمانی کچێک بە تاتۆی ئەژدیھاوە - ستیگ لارسن
ئەکتەراندانیێل کرەیگ ڕۆنی مارا کریستۆفەر پلەمەر ستیڵان سکارگارد ستیڤان بیرکۆف
مۆسیقاترێنت ڕێزنەر ئەتیکۆس ڕۆز
وێنەگری سینەماییجیف کۆرنوێس
دەرچوون
  • ١٢ی کانوونی یەکەمی ٢٠١١ (2011-12-12) (لیستەر)
  • ٢٠ی کانوونی یەکەمی ٢٠١١ (2011-12-20) (ئەمریکا)
  • ٢١ی کانوونی یەکەمی ٢٠١١ (2011-12-21) (Sسوید)
ماوەی فیلم١٥٨ خولەک
وڵاتئەمریکا
زمانئینگلیزی
تێچوون٩٠ میلیۆن دۆلار
داھات٢٣٢ میلیۆن دۆلار

چێرۆکدەستکاری

مایکڵ بلۆکمویست (دانیێل کرەیگ) ڕۆژنامەنوسێکە کە لە کەیسێکی گەورەدا تێکەوتوە بەرامبەر بازرگانێک و توشی کێشە ھاتوە ھەر بۆیە کەیسێکی پیاوێکی دەوڵەمەند قبوڵ دەکات کە دەیەوێت بگات بە ئەنجامێک بۆ ئەو ڕوداوەی پێش چل ساڵ ڕویداوە کە ونبونی کچەزاکەیەتی کە لە ئاھەنگێکدا دوای ئەوەی بە باپیری دەڵێت کارم پێتە و باپیری دەڵێت کەمێکی تر دێم و بە تەواوەتی بێسەروشوێن دەبێت و نە لە دارستانەکان نە لە دەریاکاندا نادۆزرێتەوە، دانیەڵ کەیسەکە قبوڵ دەکات و دەست دەکات بە لێکۆڵینەوە و یارمەتی لە کچێکی سەیر وەردەگرێت بە ناوی لیسبس سالندەر (ڕۆنی مارا) کە ھاککەرێکی زۆر لێھاتوە و جەستەی تاتۆی ئەژدیھای لەسەرە، مایکڵ و لیسبس دوای پەیداکردنی بەڵگە و سەرەداوی زۆر بۆیان دەگەنە ئەنجام گەلێکی سەیر و بۆیان دەردەکەوێت لەو نێوەندەدا کوشتنێکی زنجیرەیی لە ئارادایە و وا دەردەکەوێت پەیوەندی بە یەکێک لە برایانی بنەماڵەی ھارێتی بێسەروشوێنەوە ھەبێت

کاستدەستکاری

  • دانیێل کرەیگ ڕۆڵی مایکڵ بلۆکمویست: ڕۆژنامەنووسە و ھاوخاوەنی گۆڤارێکی سویدی میلینیەمە، براد پیت و جۆرج کلونی و جۆنی دێپ بۆ ڕۆڵی مایکڵ بلۆکمویست پاڵێورا بوون بەڵام لە کۆتاییدا ڕۆڵەکە بە دانیێل کرەیگ درا[٣][٤]
  • ڕۆنی مارا ڕۆڵی لیسبس سالندەر: ھاککەرێکە کە چەند جارێک دەسترێژی کراوەتە سەری و دەبێتە ھاوکاری مایکڵ بلۆکمویست، ناتالی پۆرتمان و کریستن ستیوارت و جێنیفەر لۆرنس و ئیڵن پەیج و ئان ھاتوەی و سکارلێت جۆھانسن پاڵێورا بوون بۆ ئەوەی ڕۆڵەکە وەرگرن بەڵام لە کۆتاییدا بە ڕۆنی مارا درا[٥][٦]
  • کریستۆفەر پلەمەر ڕۆڵی ھێنریک ڤانگەر
  • ستیلان سکارگارد ڕۆڵی مارتن ڤانگەر
  • جیۆلی ڕیکاردسن ڕۆڵی ھارێت ڤانگەر

سەرچاوەکاندەستکاری

  1. ^ داھاتی کچێک بە تاتۆی ئەژدیھاوە بۆکس ئۆفیس مۆجۆ - کۆتا سەردان ٢٦ ی ٢ی ٢٠١٧
  2. ^ پاڵێوراو و براوەکانی ئۆسکاری ٢٠١٢-ماڵپەڕی ئۆسکار کۆتا سەردان ٢٦ ی ٢ی ٢٠١٧
  3. ^ دروستکردنی کچێک بە تاتۆی ئەژدیھاوە - ھۆڵیود ڕیپۆرتەر - کۆتا سەرداب ٢٦ ی ٢ ی ٢٠١٧
  4. ^ نھێنیەکانی کچێک بە تاتۆی ئەژدیھاوە - ئی دەبلوی - کۆتا سەردان ٢٦ی ٢ی ٢٠١٧
  5. ^ کچێک بە تاتۆی ئەژدیھاوە ئێم تی ڤی - کۆتا سەردان ٢٦ ی ٢ی ٢٠١٧
  6. ^ دانیەڵ کرەیگ نزیکە لە کچێک بە تاتۆی ئەژدیھاوە دێدلاین - کۆتا سەردان ٢٦ ی ٢ی ٢٠١٧