پیاوی

پیاوی یەکێکە لە ویلایەتەکانی بەڕازیل کە دەکەوێتە ھەرێمی باکووری ڕۆژھەڵاتی ئەو وڵاتە. ئەم ویلایەتە ١٫٦٪ی دانیشتووانی بەڕازیلی ھەیە و ٠٫٧٪ی بەرھەمی ناوخۆیی بەرازیل بەرھەم دەھێنێت.

شوێنی ویلایەتی پیاوی لە بەرازیل

دەرگای چوونە ژوورەوەی زانکۆی فیدراڵی پیاوی

پیاوی کورتترین کەناری ھەیە لە ھەموو ویلایەتێکی کەنار دەریای بەرازیل بە درێژی ٦٦ کم (٤١ میل)، پایتەختەکەی تێرێسینا تاکە پایتەختی ویلایەتە لە باکووری ڕۆژھەڵات کە دەکەوێتە ناوەوە. ھۆکاری ئەمەش ئەوەیە، بە پێچەوانەی باقی ناوچەکە، پیاوی سەرەتا کۆلۆنی کراوە بۆ ناوەوە و ھێواش ھێواش بەرەو زەریا فراوان بووە، نەک بە پێچەوانەوە. لە باشووری ڕۆژھەڵاتی ویلایەتەکە، پارکە نەتەوەیییەکەی سێرا دا کاپیڤارا یەکێکە لە شوێنەوارە جیھانییەکانی یونسکۆ. پارکەکە زیاتر لە ٤٠٠ شوێنی شوێنەواری تێدایە و گەورەترین چڕبوونەوەی تابلۆی بەردییە لە جیھاندا، لە دیمەنێکدا کە کانیۆن و کاتینگا زاڵن بەسەریدا

دیمۆگرافی

بەپێی ئاماری پەیمانگای جوگرافیا و ئاماری بەڕازیل لە ساڵی ٢٠٠٨، ٣٬١٦٤٬٠٠٠ کەس لە ویلایەتەکەدا نیشتەجێ بوون. چڕی دانیشتووان ١٢٫١ دانیشتوو/کم٢ بووە.

شارنشینی: ٦٠٫٧٪ (٢٠٠٦)؛ گەشەی دانیشتووان: ١٫١٪ (١٩٩١–٢٠٠٠)؛ خانوو: ٧٩١٬٠٠٠ (٢٠٠٦).

دوایین سەرژمێری PNAD (توێژینەوەی نیشتمانی بۆ نموونەی نیشتەجێبوون) ئەم ژمارانەی خوارەوەی ئاشکرا کرد: ٢٬٢٧٢٬٠٠٠ کەسی قاوەیی (فرەڕەگەز) (٧١٫٨٠٪)، ٧٣٩٬٠٠٠ کەسی سپی پێست (٢٣٫٣٦٪)، ١٤٥٬٠٠٠ کەسی ڕەشپێست (٤٫٦٠٪)، ٤١٬٠٠٠ خەڵکی ئەمریکی (٠٫٤٧٪)، ٥٬٠٠٠ خەڵکی ئاسیا (٠٫١٧٪)، ٢٬٠٠٠ خەڵکی ئەمریکی (0.05%).