ویکیپیدیا:بەکارھێنەرانی پەسەندکراوی خۆگەڕ
 | ئەمە پەڕەیەکی زانیارییە کە كۆدەنگیی دەستکاریکردنی کۆمەڵگەکە ڕوون دەکاتەوە لەسەر یەکێک یان زیاتر لە نەریت و کردارەکانی ویکیپیدیا. ئەمە یەکێک نییە لە سیاسەتە فەرمییەکانی ویکیپیدیا. |
ھەندێک کردەوە لەسەر ویکیپیدیای کوردی پێویستی بە ھەژمارێکی بەکارھینەری ھەیە کە ماوەیەک لە کاتی دروستبوونی تێپەڕاوە و ژمارەیەک دەستکاریی دیاریکراوی ھەبووە. بەکارھێنەرێک کە ئەم پێداویستییانەی ھەیە وەکوو بەشێک لە زڕ-گرووپی پەسندکراو لەبەر چاو دەگیرێ. ئەم گرووپە بە شێوەی خۆگەڕ لە لایەن نەرمامێرەوە دەدرێ بە بەکارھێنەران. ئەگەر چی پێداویستییەکانی پەسندکرانی خۆگەڕ بە پێی ھەلومەرج جیاوازە، زۆربەی ھەژمارەکانی بەکارھێنەریی ویکی کوردی کە چوار ڕۆژ لە دروستبوونیان تێپەڕاوە و ١٠ دەستکارییان ھەبووە، پەسندکراوی خۆگەڕ ڕەچاو دەکرێن. بەڵام بەکارھێنەرانی ھەڵاوردراو لە بەربەستنی ئایپی کە لە ڕێگەی تۆڕی تۆرەوە دەستکاری دەکەن بارودۆخێکی توندوتێژتریان بۆ پەسندکرانی خۆگەڕ ھەیە: ٩٠ ڕۆژ و ١٠٠ دەستکاری.
ڕەوشی پەسندکرانی خۆگەڕ (یان ئەندامێتی لە گرووپی پەسندکراودا، بڕوانە بەکارھێنەرانی پەسندکراو ) ئەم مافانەی ھەیە:
- گواستنەوەی پەڕەکان (گۆڕینی ناوی پەڕەکان)
- دەستکاریی پەڕە نیوەپارێزراوەکان
- داوانەکرانی نووسینی کاپچا لە زۆربەی شوێنەکاندا
- پاشەکەوتکردنی کتێبەکان لەسەر ویکی
- دیتنی پەڕە پاس نەدراوەکان لە تایبەت:دوایین گۆڕانکارییەکان و تایبەت:پەڕە نوێکاندا
- دیتنی پاڵوێنەی کەڵکاوەژوو و لۆگەکەی لەگەڵ وردەکارییەکانی
ھەروەھا ژمارەیەک لە ھۆشدارەکانی پاڵوێنەی کەڵکاوەژوو تایبەتی بەکارھێنەرانی پەسندنەکراوی خۆگەڕە.
لە ئابی ٢٠١٤، ژمارەی بەکارھێنەرانی پەسندکراوی خۆگەڕی ویکیپیدیای کوردی نزیکەی ٣٥٠ کەس بووە کە زۆربەیان ناچالاکن.