وتووێژ:دابەشبوون

ناو

@Aza: دابەشبوون و دابەشکردن ھەر یەک شتن وە نەبێ دابەشکردن تێپەڕە و ئەوی تر تێنەپەڕ. ئەمانە وەک کوژران و کوشتن وان. دابەشبوون ھەمان دابەشرانەوە-یە و دابەشکردن ھەمان دابەشینەوە. خۆ لە ئینگلیزیدا distribute تێنەپەڕی divide نییە! لە divideدا ئامانج شکاندنی شتێک لەسەر چەند پارچەیە بەڵام لە distributeدا ئامانج تەنیا shareکردنی شتەکەیە. چالاک _وتووێژ ١٢:٣١، ٢٩ی کانوونی یەکەمی ٢٠٢٤ (UTC)

@Calak وایە. بۆ distribute بەشینەوە باشترە یا بەشپێدان. دەی distributive چییە؟ Aza (لێدوان) ١٢:٥٠، ٢٩ی کانوونی یەکەمی ٢٠٢٤ (UTC)

@Aza: پرسین > پرسیار > پرسیاری. دەزانین پرسیاری بە فارسی دەبێتە پرسشی (یان استفهامی) و بە عەرەبی استفهامي. ئەمە بە ئینگلیزی دەبێتە interrogative.

لە ڕووی interrogative دەتوانین بۆ distributiveیش وشەیەک دابنێین.

distribute دەبێتە بەشینەوە. دیارە بەشین وەک پرسین دەبێتە بەشیاری بەڵام نازانم بەشینەوە دەبێتە چی؟ داخۆم بەشیارەوەیی؟! بێجگە لەوەی کە نازانم ئەمە ڕاستە یان نا دەربڕینەکەی یەکجار زەحمەتە.

پێشتریش وتبووم پاشگری -ەوە یەکێک لە گرفتەکانی کوردیی سۆڕانییە. ڕۆنانی نۆووشە لەم فیعلانەی ئەم پاشگرەیان ھەیە یەکجار زەحمەتە و دەتوانم بڵێم فیعلەکە نەزۆک دەکا.

وشەی خوێنەر-م بۆ نموونە ھێنابۆوە کە وتم ھەڵەیە دەبێ بڵێین خوێنەرەوە. بۆ readerly خوێنەرانە-یان پێشنیار کردووە ئەمەش ھەڵەیە. دەی دەبێ چی لێ بکەین بڵێین خوێنەرانەوە یان خوێنەرەوەیانە؟! بە خوا نازانم.

یان دەڵێن و زۆریش باوە بڵاوکراوە کەچی دروستەکەی بڵاوەکراوەوە-یە.

ئەگەر ئەمە وەک وتت بە گیروگرفت نازانی پێشنیاری خۆت چییە؟ سپاس. چالاک _وتووێژ ١٢:٥٦، ٦ی کانوونی دووەمی ٢٠٢٥ (UTC)

@Calak «ـەوە» لەم فیعلانەدا پێویستن؟ بۆچی ھەر بەشین نەبێ کە بەرانبەری «بخشیدن»ە؟ لە «دابەشین»یشدا ھەر بەشین ھاتووە. پێم وایە زیادەڕۆیی لە بەکارھێنانی «ـەوە»دا کراوە. گواستن و گواستنەوە، بۆچی ھەر گواستن نەبێ؟ گواستن و گواستنەوە فەرقیان چییە؟ بڵاوکردن و بڵاوکردنەوەش ھەن. ھەروەھا، to read مانای ڕەسەنی خوێندنە، بۆیە خوێنەر بۆ reader تەواوە. خوێندنەوە = to reread، لە ئێرە بنۆڕە. ‎Gêjełûk ١٦:٠٢، ٦ی کانوونی دووەمی ٢٠٢٥ (UTC)