ناوی بەکارھێنەر

ناوی بەکارھێنەر کە لە ھەندێک سیستم دا بە ناو یان بەکارھێنەری تەنیاش دەنووسرێت لە کۆمپیۆتر دا بریتیە لە ناوێکی تایبەت بۆ ناسینەوەی کەسێک لە سەر سیستمێکی کۆمپیۆتر دا. بۆ نموونە، لەوانەیە کۆمپیۆترێک بە چەند ئەژمێر (ئەکانت)ـەوە دابمەزرێت، وە ھەرکام لە ئەکانتەکان ناوی بەکارھێنەری تایبەتی خۆی ھەبێت. زۆرێک لە ماڵپەڕەکان بە بەکارھێنەرانی خۆیان ڕێگە ئەدەن ناوێکی بەکارھێنەر ھەڵبژێرن بۆ ئەوە بتوانن تایبەتمەندییەکانی ئەم ماڵپەڕە بە پێی ویستی خۆیان بگۆڕن یان ئەژمێرێکی سەرھێڵ (ئانلاین) بۆ خۆیان دروست بکەن. بۆ نموونە لەوانە بانکێک بە بەکار‌ھێنەرانی خۆی ڕێگە بدات یەک ناوی بەکارھێنەر ھەڵبژێرن بۆ دەستگەیشتن بە زانیارییەکانی حسابی بانکی خۆیان لە ڕێگەی سیستمی ئێلکترۆنیەوە. سرویسەکانی ئیمەیل لەوانە جیمەیل، ھاتمەیل و یاھوومەیل لە سەر بەکارھێنەرانی خۆیان فەرزیان کردووە کە یەک ناوی بەکارھێنەر بۆ خۆیان ھەڵبژێرن بۆ ئەوە بتوانن لە سرویسەکەی ئەوان کەڵک وەربگرن.

ئاساییانە ھەر ناوێکی بەکارھێنەر لەگەڵ تێپەڕوشە دەبێت واتە پێویستە بەکارھێنەر ناوی بەکارھێنەر و تێپەڕوشەی خۆی بدات بە سیستمەکە یان ماڵپەڕەکە بۆ ئەوە بتوانێت بچێتە ناوەوە.